شكراً نصر شكراً هلال

اقتباس المشاركة الأصلية كتبت بواسطة انتراوي اخوي الغالي والعزيز والمحترم تخيلتك انا ضد اللي يقول ان النصر والهلال ماعاد ديربي انت رياضي مثقف واكيد تتابع الدوريات العالميه يعني ريال مدريد وتلتكو مو ديربي رغم مكانيات الريال فارقه وعندك الاهلي والاتحاد رغم ان الاهلي زمان عن البطولات الدوري ولا طلع احد وقال موديربي اخوي الغالي الديربي يبقاء ديربي لو هبط مستوي المنافسه بس للاسف المقوله ماخوذه من الاعلام الهلال واسف على الكلمه بس من جد كثر متابعتي للدوريات العالم بس هنا اللي تسمع الكلمه يعني المان وستي لما تكون مباراه كل الاعلام يتكلم عن الديربي رغم ان ستي لايمكل بطولات كثر المان واخر دليل الطايئ والجبلين لما تجي المباره الاعلام يطلق عليها ديربي وهذا اللي حبيت اوضحه

في البدايه يسعدني تواجدك للمره الثانيه في متصفحي ..
وأول شي انا قلت انو الهلال والنصر مو ديربي لأن الديربي يُطلق على مباراة اقوى الفريقين في المنطقه وبالنظر للمنطقه الوسطى فالهلال والشباب هم الفريقين الأقوى لذلك الديربي هو بين الهلال والشباب ولكن ما يُفقد متعة ديربي الهلال والشباب هو ضعف الإعلام الشبابي وقلة الجماهير الشبابيه .. ولو الشباب يملك إعلام يوازي إعلام النصر وجماهيره لأتفق الجميع معي بأن الهلال والشباب هو الديربي لأنه سوف يكون وقتها ديربي فني وإعلامي وجماهيري .. والنصر والهلال الآن هو ديربي إعلامي فقط .. لأن الإعلام يتعاطى مع هذه المباراة بشكل مختلف ..
أما بالنسبه لديربي جده , فعلاً الأهلي صار له سنوات غايب عن البطولات ولكن الإتحاد والأهلي هم أقوى الفريقين في المنطقه ولا فيه منافس ثالث لهم عشان كذا ديربي جده بين الاهلي والإتحاد وسيبقى بين هالناديين ..
أما بالنسبه لما يخص إعلام الهلال وأنه هو اللي قال أن الديربي بين الهلال والشباب فأنا لم أسمعها من إعلام الهلال ولا أردد ما أسمعه من الآخرين ولي قناعتي الخاصه ووجهة نظري وقلتها لك ..

اقتباس اما بالنسبه لسؤالك إلى متى حنا على هالموال ؟ فبالتأكيد أنك راح تجد الإجابه عند جماهير النصر لأن هذا هو ديدنكم .. سبحان الله يعني كم مباراه يطلع الامير وصرح ويتكلم عن التحكيم الحين بس جمهور العالمي وين كلام بن مسااعد عن تحكيم هي مباراه تعادل الهلال وطلع كل الاعلام يتهجم صدقني مو بس النصر حتي الاعلام والجمهور الهلال لما يتعادل الهلال يقوم يقلب دنيا فوق تحت يعني هذي ثقافة الشارع رياضي مو بس النصر

فعلاً هذا هو ديدن النصر وجماهيره ولاعبيه وإعلامه وما أحد ينكر هالشيء إلا جماهير النصر أنفسهم ..
ودائماً بعد كل خساره للنصر او تعادل توهمون أنفسكم أن التحكيم ضدكم والإتحاد السعودي ضدكم وكل الأنديه السعوديه ضدكم ..
و الأمير عبدالرحمن بن مساعد ما يتكلم عن التحكيم ولا تكلم عن التحكيم الا مره وحده بعد مباراة الهلال والتعاون اللي ظلمنا فيها الحكم مطرف القحطاني ولو لا ظلم الحكم في تلك المباراة لكان الهلال الحين منافس على صدارة الدوري .. و جماهير الهلال و إعلامه وإدارته ما يتكلمون عن التحكيم الا في حال أن الهلال أنظلم ظلم واضح للأعمى ..

اقتباس واخر شي اقوله ماعتقد ان النصر كان ناوي تعادل يعني الديربي من النادر احد يفكر بتعادل الكل يبي يفوز كي يرضي الجماهير واذا قصدك على تكتل دفاعي رغم اني ماشوف كذا كل فريق يلعب بالمكانيات المتوفره لديه ممكن المدرب النصر ناوي بالمرتدات بس قدر الله شاء مافعل

وجهة نظرك أحترمها أخوي أنتراوي وعلى عيني وراسي .. لكن أنا تابعت المباراة مباشر وإعاده و لاحظت التكتل الدفاعي واللعب على المرتدات وهذي طريقة لعب الأنديه الصغيره مع الأنديه الكبيره مع إحترامي للنصر وجماهيره .. لأن الفريق لما يتكتل دفاعياً فهو عارف أنه لن يكون قادر على مهاجمة الخصم ويُفضل اللعب على المرتدات بقصد إستغلال إندفاع الفريق المنافس ..
و إمكانيات النصر أكبر من أنه يلعب بالتكتل الدفاعي .. لأن النصر يملك خط وسط وهجوم يُعوّل عليهم وقادرين على الفوز متى ما تم توظيفهم والتعامل معهم بشكل جيد ..

اقتباس و الإختلاف بوجهات النظر لا يُفسد للود قضيه لبي قلبك على الكلام الذووق صحيح الاختلاف بوجهات النظر لايفسد من للود قضيه تشرفت بالمرور من هنا

فعلاً أخوي الإختلاف بوجهات النظر لا يُفسد للود قضيه ..
وشكراً لك على توآجدك للمره الثانيه , تشرفت بردودك ومناقشتك ..