برود كاست ( متجدد ) مجهودي ..

.

وكيف حالي !؟
أخاف أسرد لك أحوالي ..
أخاف أفتح لك أبواب تجيب الأول التالي
من بعد صدك لبابي زارني كل الغوالي ..
بس كني اللي لحالي
كني اللي جسمه يماشي البشر .. بس روحه في لحد
ومن كثر إدماني للقهوة .. صارت أمي تحسب لموتي وتعد
وصارت أفكاري قهاوي ..
كلها حكي إيتطاير وما أصيد اللي أبي
وصارت حروفي غناوي ..
كل منهو سمعها وقف وصفق
وما دروا قبل أكتب الكلمة وش اللي حل بي !!
وطيفك الخاين ترى غادر معك ..
وصوتك اللي ياما غرد على نوافذ لهفتي ..
راح
ولا مدري .. يمكن أنا ماعدت أشوفك ولا عدت أسمعك

..
بس للحين أبتسم ..
حتى لو ضحكي يبين كثر همي .. ما يهم