حـــمـــر الـــشـــفـــايـــف

صحيـح مانـي ســوات الـلـي يلومـونـه
نـــاس تـبــي الـحــب ماتـكـتـب بـدايـتـهـا

اعـجـبـنـي الـمـبــدع الــرســام بـفـنـونـه
بأوصاف من تذبح العاشق بمشيتها

لاقــــت لـعـيـنـه وتــزهــا رايــــع لـحــونــه
يــوم البـجـادي خــذاه الـشـوق يمـتـهـا

ذكـرنـي الـلـي مـضـى بالـحـب وفنـونـه
ايـام وقــت الـغـلا مــع زيــن عشرتـهـا

مع قايد الريـم لـي ساعـات مشطونـه
كتبـت عـن وصفـهـا بكـسـب محبتـهـا

معنـق الريـم مـن وصفـه ومــن لـونـه
والـطـوق يـاهـل الـهـوى تـزهــاه لبـتـهـا

والخـد بـرق سـرى فـي عالـي مـزونـه
ليـا كشـف تستنـيـر الارض ساعتـهـا

والعيـن سـودا وفيهـا ارمـاح مسنـونـه
نظـرة عطـب للمهـاوي وقــت لحظتـهـا

وإلا جـديـلـه عـلــى الـردفـيـن يـزهـونــه
شـقــر تـمـايـل عــلــى الارداف لـفـتـهـا

حمـر الشفايـف لهـا رونـق ومزيـونـه
وبيـن الشفايـف ثمانـه حـلـو صفتـهـا

اقفـى وانـا اقفيـت كـل تــذرف عيـونـه
ولمـحـتـهـا تـمـســح الـدمـعــه بـخـدتـهــا

اقفى مع البدو حـال البعـد مـن دونـه
لاهـــي قـريـبـه ولانــــي مــــن قبيـلـتـهـا

تسابـقـتـهـا بــيــوت الـشـعــر يـهـوونــه
وسجـلـت بأوصـافـهـا بـــدق وصفـتـهـا

عـشـاقــة الــزيــن بـالـزيـنـات مـفـتـونـه
مـاهـو بـأنـا كــم قبـلـي مــن ضحيـتـهـا

كـتـبــت قــصــه غــــرام فــيــه مـجـنـونـه
مــن دم قلـبـي ومــن عيـنـي وعبرتـهـا

اعجبتني

انتقآء عذب
سلمت وسلم الأحسآس ..

خوي فتي
جميل من ذوقك

يعطيك الع ــآفيــه
يسلم يدينك على الطرح الرــآئع
الله لايحرمنآ من جديدك يالغلآ
في آنتظآر جديدك وبكل شوق