{{ديوان الشآعر \ قيــس الحسيني}}

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]







مخــــــاطــــــبه الـــــــذآت!!
http://www.b3b7.com/vb/showthread.php?t=109418

[poem=font=",6,teal,bold,italic" bkcolor="black" bkimage="" border="groove,4,teal" type=1 line=0 align=center use=ex num="0,black""]


ياقيس وشبك في معانيك مكتاض=
لا تستوي ياقيس قبل النجاضي
هات القلم وأكتب ترى خاطري هاض=
والصدر مل من الهموم الرباضي
صارت همومي سحب وجهودي أفياض=
ماحولت منها ترده أفياضي
بيني وبين الوقت عاقد ونقاض=
أمسيت به مذنب وهو صار قاضي
ياما حكمني حكم ظالم ومغتاض=
وياما عصيته واسفرت بالتراضي
مره يصدربي على صافي الحاض=
ومره يوردني ضحول الحياضي
وانا من النوعين راوي ومرتاض=
حتي يذوب الوقت في مر حاضي
واسقيه من دلو المعاند اليا فاض=
واقول له ما كان بالأمس ماضي
ياوقت.. من ضم أضحى جمرة القاض=
تشويه مع حر السموم أرماضي
ابشتكي لمنهو للارواح قباض=
مالي على حكم الايلاه اعتراضي
والصامد اللي بين الاضلاع نباض=
ضمد جروحه وللهموم التغاضي
دليل نو الغيث.. برقه اليا ناض=
والصدق مصباح الدروب العراضي
وأصبر.. في بعض المواجع والأمراض=
اخير من قرب النفوس المراضي
ناسً لها في منهج الخبث مركاض=
ياسرعهم عند العلوم الغضاضي
وأخذت من دنياي درسن وميعاض=
من واقع الدنيا خذيت أتعاضي
منها تعلمت التسامح والاعراض=
والصد عن شوف الوجيه البغاضي
[/poem]
[/ALIGN][/CELL][/TABLE1][/ALIGN]