صورة وأبيات ,, الجزء الثاني ..

يافلان شفت الوضع مافيه مصلـوح
مرت ثلاث سنيـن والعيـن شابـت
//
لو إن صبري من عنا الوقت له روح
تشوف روحه يابن الاجـواد ذابـت
//

لي مع هجوس الليل ذكرى بها جروح
تسري معي واليا أصبح الصبح غابت
//
وصدري مراكيب الشقا فوقـه تفـوح
لين الضلوع مـن اللواهيـب عابـت
//
ماباقي إلا دمعتـن دونهـا صـروح
واخاف لاشافت كدرهـا استجابـت
//
ومد الفرح في مقبل العمـر مشحـوح
والشوك له فـ/أرضي وسوم ومنابت
//
والي يبدي لي من الهـرج منصـوح
اقول اله نفسي مـن النصـح طابـت
//
مدري متى برتاح من كثـرة النـوح
وابقى علـى كيـد المتاهـات ثابـت
//
بالمختصر وضعي من الهم مفضـوح
واحلام عمري بين صابـت وخابـت
//
وباب الفرج من رب الارباب مفتوح
هو الوحيد الـي لـه الخلـق هابـت
//
وانا من الضيقـات مـاودي أبـوح
لكن عيوني من عنا الوقـت شابـت