قصيده قيلت فبل عشرين عام في شاعر الوطن الشاعر الكبير خلف بن هذال العتيبي

هذي القصيده قالها والدي الشاعر مزيد بن فلاح بن رضيه ال مفرج الهاجري اطال الله بعمره قبل عشرين عام وهي مهداه الى شاعر الوطن الشاعر الكبير خلف بن هذال العتيبي ولا قصر ابو هذال قام بالواجب وأحب أن أهديها لمحبين شاعر الوطن وأن تكون أول مشاركه لي في أفضل المنتديات منتديات بعد حي
وأتمنى أن تقبلو بي كاعضو بينكم ولي الشرف والفخر والنوماس

أخذ تلي في فندق التاج يومين # وأ شغلت تفكيري ابكل النواحي

وتركيز تفكيري على شكل خطين# كني على ما قيل ماني بصاحي

وفي غبت التفكير من بين موجين#و اصبح جهاز الفكر بالفكر ناحي

وفي شاشه التفكير من بين قوسين# ذكرت رجل في جميع النواحي

رجـــل اليـــا جــوه الرياجيل عانـــين# ومحيزمين الفرش فوق الجماحي

على اهل النخوات والطيب شفقين# ولا سولفوا من بينهم بالمراحي

ربـــع على طول المسافات ساريـن# ومتلطمين مــــا يــبون المزاحي

مثل الاخوان اللي عن الربع جالين# ومركـــزين بالصـــدور الرماحــي

يقــدم الترحيب لا جــو ه لافين# ويفرح بهم صـــدره و قلبه نصــــاحي

خلف ولد هذال هيف السمينين# يعطي سلاح ويختزله اسلاحي

رجل ظمله في حياته رصيدين # وعلق على صدره وسام الوشاحي

يفعل وفاء ومرافقن للوفين# وفعل الوفاء فاهل الوفاء مستباحي

مرافق الطيب صعد فوق رجمين# رجم المعزة والفخر والنجاحي

وجاله على كل المناهيج دربين# وعدل سوايقها بشبل ومساحي

نضرب مثل يا محلل الجيم والسين# لاصرت شاعر وانت للقاف صاحي

وعوج الليالي تدبل الصاع صاعين# والقدر من حـــر اللواهيــب فاحي

يمك دفعني هاجس يسهر العين# هو سبة الدافع وسبة مراحي

شاعر ولا انصـــا بالقصيد الردين# لو أن هم القلب للناس باحي

انشد عن الطيب لو نــه بعيدين# وأنصــاه لو دونه حماد بياحي

واليا طرالي طارين قلت ماشين# في مدلهم الليل والا الصباحي

ولا رحت يمة ضيف وعبيد وحسين#عنزت يمك وأنت طير الفلاحي

اولاً هلا بك ببيتك الثاني

تشرفنا بك ونعتز بمثلك وشرواك تركي الهاجري
اخ عزيز بين اخوانه وخواته نقول لك خير مفيد ومنك نستفيد
نرجوا ان تكون ضمن قائمه الشعراء فالشبل من ذاك الاسد
حييت بأجمل التحايا من كل قلوبنا داخل صرح بعد حيي


ثانياً صح لساااان الوالد ونعم بالمادح والممدوح قصيده شاعر كبير
وصح لساااانك بنقلها لنا ومازلت اقول الشبل من ذاك الاسد
خالص التقدير لسمو شخصك الكريم


تقييمي وشكري لك

الله يحييك ببعد حيي نورت المنتدى بقدومك
روووووووووووووووعة القصيدة
صح لسان الشاعر
وتسلم يمينك ويعطيك العافية
احترامي

حياك ربي في بعد حيي
وان شاء الله تطيب لك الاقامه بيننا
::
يسلم يمناك وصح منطوق الوالد
الله يسعدك دوووم يارب ..

حيآآك الله واهلاً بك معنا تفيد وتستفيد ..
ومصافحه أولى رآآئعه
صح لسآآآن شآعرهآآ وسلمت يمنآآك لنقلهآ لنآآآ
وسلمت .. وافر الشكر والتقدير لك
واهلابك ,,,

:
:


صح لسان قايلها وتسلم يمينك














:
:

هلا بيك مليييون ومايسدووون
وعسى الله يوفقك

ياهلا فيك اخويا نورت المنتدى بحضورك
وصح لسان الوالد
قصيده جميله ونقل اجمل
اسعد الله اوقاتك بالخير

والنعم فيك يالهاجري
وف\بوك اللى على الطيب رباك
ومليون صح لسانه وعلى شانه
شاعر متمكن وشرف لنا ان يكون
من اعضائنا احد ابناءه
حياك الله يالغالى
ولاهنت
على الطرح المميز والقيم


تقديري لك واحترامي