المعالي والسعاده والفضيله بالعسافي

[poem=font=",6,orange,bold,italic" bkcolor="black" bkimage="" border="double,4," type=2 line=0 align=center use=ex num="0,black""]

صاغ ابن غسلان همه في جزيلات القوافي=وبالحشى نبع المعاني والتماثيل اللطيفه
لاوطاني ماوطى شوقي ومعروف الرصافي=صغت مايرشد نفوس بالعرب عاشت كفيفه
والقدر والغيب علمه عند علام الخوافي=والنوايا العوج تفرق سافل القوم وشريفه
لو لنا بالغيب حيله نرتحل قبل الجفافي=ماتركنا ريف دنيانا وقاسينا خريفه
ولا وقع حطاب تالي شيبته بالسجن هافي=ولا منع غالب ينفذ خطته يوم السقيفه
ولو هقيت ان العطيه في قطر ماهو سنافي=وان طبعه بالوقوت القاسيه يجدع رديفه
ما دخلت حدود سلوى في لهيب القيظ حافي=في حروب ما معي له لا سلاح ولاقذيفه
ولا خذيت اطفال بيتي لا فراش ولالحافي=لاجل انادي خمسة اشهر ياحمد يابوخليفه
بس ما للخلق بالمكتوب خبره واكتشافي=لاجل نسلم من جروح بالحشى ماهي طفيفه
بعض سقطات الخلايق بالردى ماله غلافي=ولا تسويها البهايم والمخاليق الاليفه
اتصل بي قال عندي للعمل عقد احترافي=شاشة الريان فيها لك مكان ولك وظيفه
إترك اعمالك بحايل دون صوت ولا هتافي=ولا تأخر في مسيرك تر برامجنا كثيفه
وشلت وغداني وجيته بالهدوم وبالغدافي =دامني مع ثالث شيوخ الديار المستضيفه
وكلما جيته ظهر لي مجلسه بالليل طافي=أتردد خمسة اشهر ماحصل يفتح مضيفه
وين شيخ بالوعايد ساق لي شي خرافي=والسخيف من الخلايق هرجته تطلع سخيفه
قلت شيخ ومستشار بحزب طاش الائتلافي=وله مقام في دياره يطرب الناس ويخيفه
وعايش بين الهواجر مع مفازيع ابن شافي =راحة اللي بالشدايد والقسى فارق وليفه
وشايف طيب العضيبه للعرب وابن المفافي=ومن جحد طيب العطيه فالسعد ماهو حليفه
بس هذا عن ربوعه ياهل العرف استعافي=وساق روحه في دروب ريحها ماهي نظيفه
وراح خمس شهور حالي بالقساوه والكفافي=انتظر عير الشيوخ المنزلي ينقل شنيفه
واتصل مندوبه اللي قال يالراوي عوافي=كيف تاتي قبل تربط عاسف الخيل وعسيفه
قلت داعيني زعيم الساحل الاسكندنافي=مستشار الدولة اللي ماينام الليل ضيفه
قال يالغالي وعوده تشبه سهوم المصافي =وبالقسى والكود يظهر واضح للناس زيفه
عندك المقرن شيوخ بالوعد والعهد تافي=وتحسب شيوخ المداين مثل شيخ من حنيفه
بين اخو نوره وغيره بالمفاهيم اختلافي=يكفي انه عن عهود الطيب ما ساق النكيفه
والوعود اللي تخصك تحتمل وقتٍ اضافي=ولو صدق ماراح تلقى بالوفى غير النصيفه
كود عقد وكود ختم وكود رجوى واعتكافي=والعزايم ماتشيل اثقالها لو هي خفيفه
مايشوف العيب جفن عن دروب الطيب غافي=او عيون بالشدايد والقسى يبدى ذريفه
لو عسفت ابن المعالي ساعة الفرغه عسافي=لا بدى وقت المراجل والفزع يبدى زحيفه
وليت لو شكلك وسيم وخدك الوضاح صافي=وتلبس الجنز المقصب والبلاليز الرهيفه
تر رفيقك له ضمير مع هل الموضات دافي=لاجل تشجيع الحضاره والعصافير والظريفه
وانت زولك زول ذيب عاش بسنين عجافي=في مجاعات الليال القارسه تسمع هريفه
قلتها وادخل على الله غبت عن حفل الزفافي=بس ريح العلم جابه حارس الباب وعريفه
من ثلاث اعوام جرحي في ثنايا الجوف خافي=انتظر تعديل حكم ضاع مشتاه ومصيفه
وكل من جيت اشتكي له بالبلد جاه ارتجافي=والشيوخ من ال ثاني بالقسى مثل الهديفه
جيت عشره كل ابوها بالعقال وبالكتافي=ولايحركها قصيد العارضي والا ابن ريفه
كيف تشكي والافندي قاعد ياكل كوافي=ولاتلوم الذيب واصحاب النفوس المستعيفه
ابن ثامر وابن ناصر وابن جاسم وابن لافي=وابن ثاني وابن ثالث ويل من يزبن صريفه
وخابرن ولد العطيه لا صحى ما به خلافي=وضاع من مهر كديش بالهوى يلفح سفيفه
ماخبرت عروق يعرب تطرح ضيوفه جزافي =وتترك ضيوفه تعاني هزة كانت عنيفه
عقب موت الشيخ الاشقر مقعد الضيفان وافي=حول قرن ونصف محدن ساق لضيوفه لغيفه
ورممه ولد العطيه بالعمود وبالنجافي =وحقق الشيخين مركز حامل الكاس ووصيفه
اصدروا لاهل المراجل والندى امر انصرافي=وخلوا نجور الرذيله والردى تسمع رزيفه
قدموا كذب وخديعه مع مهونه واعتسافي=وصعب تطلع بالغريس اليعربي لا زان ليفه
وهي دلاله تكشف اللي ناذخ فوق الكرافي=وتبحث ارقام المراكب قبل ترسي في رصيفه
صدق لا قيل المناصب شيخت ناس ضعافي =وخيشة لولا الوظيفه ماقدر يكسب رغيفه
دون علم ودون فهم ودون سعي ولا طوافي =ولا لسان ولا بيان ولا سواليف طريفه
وجاب عيب بالخلايق ماتغطيه السوافي=للشيوخ اللي فخرها في مجلات وصحيفه
يوم شفنا بين قوله عن شعاراته تنافي=والسمين من السوالف جت نتايجها نحيفه
والعتب واللوم للي صاغ للخبل اعترافي=مع سعادات بشوته بالقسى تطلع صخيفه
وراح نبقى بالتخلف ما بقى شعر النصافي=والحضاره راح تبقى في ثرى العربان جيفه
لا رفعنا الثور الادرع واعتلى روس الشعافي=تنزف جروح الحضاره لين يقتلها نزيفه
اشهد ان ابن العطيه هان في كل الفيافي=وان ضيفه راح يرقد دون فرش ولا قطيفه
وان ميزانه وقدره في مقام الصدق هافي=كنها براق صيف يخدع الظامي رفيفه
وان سفنه بالمراجل لا شطوط ولا مرافي=وان ذوده عن حياض المرجله يكثر عزيفه
وقصدنا تنبيه ناس تتجه والدرب خافي=ثم تندم بالنهايه مثل ما ندمت مريفه
ولو نهون بعين ثور من هتول القوم عافي =مانهون بنظرة اللي يرهب المخذول طيفه
مثل ابن ساجر وقوم ماتبي مثبت ونافي=شيخ من شيخان قوم يرهب العدوان سيفه
صوب مرضي نسل مرضي نسل ساجر سار قافي=من صوارم نسل وايل والسلاطين العفيفه
ماخطف صيته وطيبه بالملايين اختطافي=ولا ختوم مع رزيل بالخلايق تقل شيفه
جمرة السلقا بلوحات الفخر ماله مطافي =شاله اللي بالشدايد والقسى ما شان كيفه
ودام حولي من عروق الوايلي ناس نظافي=ما رمانا الوقت للي بالردى شادت كنيفه
[/poem]