بدون إحساس

ياصوت قلبي والحبر ماله عن القرطاس
يا يبقى مكانه وانتهينا ويكفينا


دُخان المكان وكوكب الشرق والانفاس
تعيد الحنين لكل ذكرى بماضينا


على وين ؟ مدري بس حنا مع النسناس
يسافربنا .. في كل ليله ويضنينا


لآ سادت عباة الليل وانتشرت الـ لآ باس
طوينا مسافه كثر ما الجوع طاوينا


نمّر المداين .. والمداين .. لها حراس
و تلفاتنا يعني .. نبي من ينادينا


ويقسم بعضنا بعض واسادسٍ امن اخماس
فتاتٍ عيون الريح .. ما تلتفت فينا


وتحت جلدنا .. نشبه سوانا من الاجناس
فقط نختلف بـ أشكالنا أو بـ أسامينا


ما احب اني اشوف البنادم بدون إحساس
أحس اننا ماراح نرسي على مينآ


نمس النبل .. يـّ لين مـا نكسر الاقـواس
ولآ طاحت الرميه سوا تحت رجلينا


و تمر السنين بصمت والناس مثل الناس
ياكم ماتغدينا ... ياكم ماتعشينا


عيون الوقوف .. اتقول لـّ العالم الجلاس
تراكم نتيجه من .. نتايج خطاوينا


لمسنا الجروح الداميه .. مير محدٍ حاس
احاسيسنا ماتظهر .. الا بـ اغانينا


بغير الاغاني .. كيف تلقى بنا حسّاس ؟
وغشانا الطويل الليلكي من يلاقينا


ترانا ماندري وين صرنا لكن مابين اقواس
( تربي بنا الدنيا ) .. لكن ماتربينا


بلعنا المواجع .. والتفاصيل ، بلع امواس
ياعيني علينا .. شوفنا كيف ضحينا


يـا بكره .. ترانـا محترينك .. بـ خير لباس
وحمام السلام .. بحد ذاته .. يكفينا


إلى أخر الموضوع .. وإن جا العيون نعاس
نبي ننام .. وأول عين تصحا تصحينا .!


ودي للجميع

ي الغااالي


ابيات جميله

ومميزه

نالت اعجابي

أسعدك الخالق

وكن خير دومااا

تحياتي

اختك

رسمتك بسمه

يعجز لساني عن الرد وعن البوح بالاعجاب

ابرزت افخر الاحرف

وطرزت بذهب الكلمات ماهو الاغلى

وفرشت خيوط الحرير اسطرك بدقه وثبات


ماكتبته رائع
ماخطه قلمك مبدع
برق البرووووق
ودي واحترامي لك

شاكرة لك اخي الفاضل

على عذوبة انتقاءك

تقديري لك

.
.
رآآآئعه
ذآآئقه تهطل بالجمآل دوماً
موطن للأنتقآء العذب يآرآقي
دمت كمآ تحب وآكثرر,,,

:
:

بلعنا المواجع .. والتفاصيل ، بلع امواس
ياعيني علينا .. شوفنا كيف ضحينا

وكم وكم وكم ..!
ذووق مابعده يعطيك الف عافيه اخي

:
:

يسلم ذوقك خيو على دا الانتقاء الحيلو
الله يسعدك دوم يارب ،

على وين ؟ مدري بس حنا مع النسناس
يسافربنا .. في كل ليله ويضنينا
إي والله...ولكن..إلى متى؟


ذائقه لايتقنها إلاّ الأنقياء
ذائقه إرتقت بي وبالقرّاء لأرقى القِمَمْ


أشكرك شُكراً لانهاية له

الجمال إختزل في هذه المساحه المُشبعة ب الجمال
شاعرا الفاضل وارف الهطول أنت
ل نبضك قوافل من التقدير وكثير أمتنان

ذاائقه رائعه
سلمت وسلم قلبك
واختيارك