تطيح الدموع

يهزنـي لـك حنـيـن ٍ مــا تحملـتـه ..
حتى تطيـح الدمـوع و تنشـف أهدابـي ..

و الشوق ما عمر قلبـي جـاوب أسألتـه ..
يا ليت تدري غيابـك و يـش سـوا بـي ..

طعـم السوالف فبعـدك مــا تقبلـتـه ..
لا الشعر شعـري ولا الإعجـاب إعجابـي ..

و الحلـم قـدّام عينـي طـاح مـا شلتـه ..
مافيه أقسى مـن إنـي أفقـد أحبابـي ..

القلـب مـن بعد مـا الأشـواق أشغلـتـه ..
كنـّه يبـث الحـزن و يطيّـر أسـرابـي ..

القلـب خسـران فـي بعـدك معادلـتـه ..
لا زاد عنـي غيابـك .. زدت بـعتـابـي ..

فيني حكي عـن غيابـك بـس مـا قلتـه ..
تعـال ناظـر عيونـي وإنــت أدرى بــي

كـف المواصـل فـبعـدك كـم توسلتـه ..
ياخذنـي يمـك أو يجيبـك علـى بـابـي ..

يا كثر مـا جيـت فـي بالـي و شاغلتـه ..
و يا كثر ما أحسب و لجلك ضعت بـحسابي ..

جـرح المفـارق حبيبـي كيـف حللتـه .. ؟
من بعد ما كنت لـي أقـرب مـن ثيابـي ..

قلي وش اللي قدرتـه بـس مـا طلتـه ! ..
كل ما أشوف الأمـل .. أفتحـه لـه أبوابـي

كـل شـي يمكـن يجيبـك لـي حاولتـه ..
حتـى ولـو فـي مسيـري زادت أتعابـي ..

و آرد خايـب ولا بـه شـي حصلـتـه ..
و أبكـي غيابـك وتبكـي حالـي أقـرابـي

شفنـي تمثنيـت عمـري لـك و أهملتـه ..
شفنـي تبعـت الشعـور العـذب بركـابـي

تعـال حتـى لــو شـعـوري تثاقلـتـه ..
الدمـع جـرّح لـي خــدودي و أهـدابـي

يا أكثـر إنسـان فـي هـالكـون دللتـه ..
هو فيه أقسى من إني أفقـد أحبابـي ...

صح لسان قائلها
ابدددعت بانتقائك الجميل يعطيك ألف عافيه

ابيات تنم عن ذائقة مترفة
وحس عالي في الذوق
سلمت..

يا كثر مـا جيـت فـي بالـي و شاغلتـه ..
و يا كثر ما أحسب و لجلك ضعت بـحسابي ..



قصيده جميله جدآ
إحساس أنيق
ولذائقتك حكآيه لآتنتهي مع الجمآل
دمت رائعاً كما انت شآعرنآ
طبت ,,,

يسلم ذوقك على دا الانتقاء الحيلو
الله يسعدك شاعرنا دوم ،

ذائقه رائعه
تسلم الايادي شاعرنا
لاهنت

قصيدتك شيخه يالشيخ
عزالله انتقيت الرائع

رائعه جداً قصيده مغموسه بالصدق والإحساس
ل روحك طوق فرح وكثير تقدير

اسطورة الحرف الراقي

دلني باي حرف واي نص يحق لي البوح بهـ هنا

اربكت ابجديتي ..
قرات وقرات ولن اكتفي
لك ثنائي لما نثرت بهـ
وكل مره ساترك لك تحيه راقيه كشخصك..

ذائقه حلوه وانيقه

الله يوفقك

..برق البروق يامن تروق وفوقها تفوق..

..إنتقاءٌ أنيق فيه رونق إشعاعاتُك الشاعريَّه..


..أشكرك شكراً لانهاية له..

ألف شكر لكل من أنار متصفحي سلمتو ولاهنتو