"ولو ندري .. بأن الحب صحرا..والمسافة سور"

[ALIGN=CENTER][TABLETEXT="width:100%;background-color:firebrick;"][CELL="filter:;"][ALIGN=center]

خذني .. او اتركني .. بليّاك ..وياي
............... أو دوّر.. لـ هذي المحاني : محاني

أو هاتني \.. وارحل عشاني... بليّاي
............ صمتك بحر \... دام انتظاري مواني..!

شفني جمعت الليل .. واشعلت مسراي
............... أنقش من كفوف الزمان ...الثواني

,,,,,,,,,,,,,

هنِا نفس الحزن... وهناك نفس الكرسي المهجور !
ـــــ هذاك الريح ...ازجانا حنين.... وصب مالحنا

طلبنا شاي ... عريّنا الكلام ..وذاب فينا زور
ـــــ سكتنا ... والسكوت العذب .. يشرب من ملامحنا

تسترنا بـ سوالفنا ...أو انّه....سولف المستور !
ــــ تحيّرنا.... وغطينا الدقايق .. قبل تفضحــنا

تلعثمنا بـ صباح ٍ مر بين الغصن .. والعصفور
ــــ نخاف ..يفتّش أوراق العنب...صدفة ..ويلمحنا !

ولو ندري .. بأن الحب صحرا..والمسافة سور
ــــ دفنـّا كل لحظة انتظار.... ولا تصارحنا !

حبيبي في صخب هذا البلد ...فيني بلد مهجور
ـــــ من أول يوم ..اخترنا ..متى احترنا.. ولا ارتحنا !

تغربنّا .. انا وهذا الحزين .. الكادح ..المكسور
ــــ ندور..إندوّر بـ ضيق المحاني... ما يفرّحنا

تعبنا .. نسقي الدمع الأماني ..والأماني بور
ــــ متى تثمر عناقيد الثواني ..شوق... يصدحنا ؟!

وإذا اخضر الغصن ..في غفلة الفرقا ..لقا وطيور
ــــ أحس أني كأني صرت غيري ... لا تصارحنا

هنا خلا...بقايا شرهتين ..وخاطر ٍ مكسور
ــــ ياليت أنّــا تشرّبنـــا ملامحنا... ولا بحنا

.................................................. .

هـ البكا ..ما جامل احزاني ..كثر :
ـــــ ما نْدهت لك ..بحّة الصمت .. بـ شفاي

خبّني في .. كوثر احضانك ..عمر
ـــــ خلني أضمى عطش...واروي ضماي !

كل ليلة...أفرش بساطي ..سهر
ـــــ ليين لطخت ..الزوايا.. من نداي !

بس ..هـ الليلة ..تقل تسجد شكر !
ـــــ من لقيتك \ واختفى نصفي .. وراي

صاحبي .. لا تطوي ضلوعي ..سفر
ـــــ خايف ادفى بك .. واضيّعبك دفاي !

استحيت ..أجامل الوقت.. انتظر
ـــــ بس دمعي... ما استحى منّه حياي

البكا .. مايقصد أني : منكسر
ـــــ أنكسر : لو كنت متقصّد ...بكاي.!

................

لـ الملح ..لو طبطب على الحلم جوّاي
................ لـ الجرح ..لو مر المكان .. وبكاني

لـ عطرك ..اللي نام داخل هداياي
............. لـ التيه .. لـ وجيه البشر ..لـ المباني ..!

تعبت ..اسمّر هـ المشاوير بـ اخطاي
............ وآخايلك .. وابقى معي ..شخص ثاني..!

مديت لك من خلف .. الاحلام.. يمناي
............. خذني ...أو اترك لـ المحاني \ محاني

لــ عذب ذآئقتكم




[/ALIGN][/CELL][/TABLETEXT][/ALIGN]