الــزمـــن تـسـكـنــه ذكــــــرى بـعـيــديــن الـــعـــلام
وان حـكـا عنـهـم سـقــا الـغـيـث طـاريـهـم بـديـمـه
والـوفـاء والـصـدق مــن شيـمـة الـنـاس الـكــرام
طــبـــع صـافــيــن الضمـايـر..قـويـيـن الـعـزيــمــه
والـفــراق يــدمّــر الــحــب لامــــن طــــال عــــام
والـجــفــا والــصـــد لازاد عـــــن حــــــده جــريــمــه
وأنــتـــي اعـــــذارك كـثــيــره يـازاهــيــة الــوشـــام
وكيف انا منك أقبل العذر.. وضلوعي حطيمه
يـعـنـي تو..يجـيـبـك الـشــوق مـلـعـون الــرســام
والله انــــه مــــا بــقــا بـالـسـمـاء لـلـشــوق غٍـيـمــه
عقب سبع اسنين جيتي...على الدنيـا السـلام
الـبـقـابـك..كــل الاحـــــــلام مـــاتــــت يـاحـلـيــمــه
مــــا بــقــا فــــي خــاطــري لاعــتــاب ولامــــلام
يــوم طـــاف الـوقـت..مـا للـعـتـب والـلــوم قـيـمـه
أغربت شمس الهوى..واسمعـي صـدق الكـلام
لا تــصــحــيــن الـهـواجــيــس..وجــروحٍ قــديـــمـــه
قــالــت: ادري مــــا بـقـالــي مــكــان ولا مــقـــام
عـقـب مـانـي وســـط قلبك..وبعـيـونـك عظـيـمـه
كــنــت غـلـطـانـه وصــدقـــت عـــــذال الــغـــرام
وأنـــــت تـــــدري بـالــعــواذل شـيـاطـيــنٍ رجــيــمــه
قلـت:عـذر اقـبـح مــن الـذنـب ياظـبـي الـعــدام
مــن رضــى بالظـلـم يدخـلـه فــي بـيـت الظليـمـه
كـيـف؟ طاوعتيـبـي اهــل الـهــروج الـعــوج دام
تـعـرفـيـنــي مـــعـــك وافــــــي ونــيــاتـــي سـلــيــمــه
قـالـت:وفــي خــدهـــا ســـــال دمـــــع الانــهـــزام
يــا حبيـبـي كـيـف تـرضــا عـلــى مـثـلـي هـزيـمـه
والله انـــــه عـقــبــك الــنـــور بـعـيـونــي ظـــــلام
لاتـخـلـيـنــي وتــرحــل..ولـــك ذكـــــــرى مـقــيــمــه
كــــان بــــك حــــب الـتـسـلـط..وروح الانـتــقــام
شــوف منـظـر دمــع الاشـــواق بـعـيـون اليتـيـمـه
قـلـت:لاتـبـكـيـن..لا يـــغـــرق الـــدمـــع الــلــثـــام
واحــــدن مــــا يــهــزه الــدمـــع بـعـيـونــك بـهـيـمــه
لـكــن!! الـدنـيــا واهـلـهــا لــهــم شــــرع ونــظــام
فـكـري..بـظـروفــك الـــلـــي عـواقــبــهــا وخــيــمـــه
قالت: ارجوك اسمع العلم.. لايطول الخصام
يــــا حـبـيـبـي مــــد لـلــوصــل يـمــنــاك الـكـريـمــه
لا تخلـيـنـي كـذا...وانــت مـــن نـــاسٍ احـشــام
مــــا يـبـيـحـون الـسـدود..وبـهـم نــخــوه وشـيــمــه
ودي اســهّـــر عــيــونــك لــيــالــي مــــــا تـــنـــام
وضحـكـت..والـحـب يــهـــزم قـويــيــن الـشـكـيـمـه
قلت:يازيـن التواصـيـف.. طـيـر الـشـوق حــام
لازم يـضـيـع الــــذي بـالـهــوى مـثـلــك خـصـيـمـه
كـيــف اقـــاوم حـسـنـك الـلــي يـثـيـر الاهـتـمـام
والـعـيــون رمـوشـهــا تــجــرح الـقـلــب وتـضـيـمــه
يـاســقــى الله قــصـــة الــحـــب الاول والــغـــرام
قبـل يكـشـف ســره اهــل الحـسـد واهــل النميـمـه
عــلـــم كــنـــه حــلـــم مـــــر ومـفــســرة الــحـــلام
حــار فـيـه المبصـر..وحـار ابـــو عـيــنٍ كـريـمـه
قـالــت:أنــت أتحبـنـي؟قـلـت:انـا هــايـــم هــيـــام
ووجـــودي يـــوم ريـــح الـصـبــا ذعــــذع نـسـيـمـه
مـاتـهــون الـعـشــره الا عــلــى عــيــال الــحـــرام
والـجـفــاء والــصـــد لازاد عـــــن حـــــده جـريــمــه
العضو الأكثر نشاطاً هذا اليوم 
« آخـــر الـــمـــشـــاركــــات »
الإهداءات
العرض الشجري