صُورهُــم تـَ تقاطــر شِعــراً .. تفاعلكم مطلبنا ...!

[ALIGN=CENTER][TABLETEXT="width:90%;background-color:white;"][CELL="filter:;"][ALIGN=center]



الشاعر مهدي الحبابي

فـي مـعـتـرك وقــتٍ غــديـنـا بـه أغـــراب
بـشـري مـعـرفـة عــامـا لأول وأبــيـعــه
بأرخص ثـمـن وأشـوم لـن خـاطري طـاب
الـنـفــس طـابـت والـخـبـر مـا نـذيــعـــه
وبـمـاشـي الأيــام لــو كــنــت مــنـصــاب
مـا ضاق صـدري لـو تـضـيق الـوسيعـه
وأحـاول أنـسى الـجـرح بغـيـاب الاطـبـاب
وأزرع لأمـل فـي وجـه راعى ألـقـطيـعه
وأمــيـــز الــعــالـــم ولأنــي بــمــرتــــاب
أمـشـي وأطـبـق مـا صـدر فالـشـــريـعـه
حـكـم الـولي مـكـتـوب مـا عـنـه مـجـنـاب
راضـي بـحـكـمـه وأمـتـثـل لـه وأطـيـعـه
حـكــمـه صـدر والأمـر نــافــذ وغــصـاب
الـعـــمـر راحــلـة لــذتــه فـي ربــيــعــه
مـؤمن وأحسب لمنـتهـى عـمري أحـسـاب
أخـشــى عــذابــه لـن نـفـسـي وديــعـــه
وفي وجـه راعـى الـوصـل ما سكر الـباب
عـكـس الـتـصـنع نهـج مـهـدي طبـيـعـه
نهجي كــذا مـعـى رفــيـقــي والأصـحــاب
مـن دونهـم ضـمـن الحـصون الـمنـيـعـه
الله يـجــمــلــنـي مـع الــعـــود والــشــاب
واقـف بـوجـه الـمـعــظـلات الـشــنـيـعـه
في وقـت صـار الـضـرس مـا يامـن الـنـاب
عـايش مـعـه ويـشــوف مـنـه الـقـطيعـه




الشاعر / بندر بن محيا
[/ALIGN][/CELL][/TABLETEXT][/ALIGN]

[frame="1 80"]


الشاعر / بندر بن محيا
لو ماجمعنا الياس والتغريب
.............. هربت عن وجهك ورى سنيني
لو قلت لي بـ اجرحك قبل اتغيـب
................... جرحت قلبي عنك بيديني
جرحتني هاذي ترى مو طيب
............. الطيب دميّ .. وانت مخطيني!
غيرك رماني بالخطا ويصيب!
.............. والا انت تخطـي يوم ترميني!
وراي من بعض السهام اهيب!
................ والله ما اخاف الا من يْميني
ياللي غرامك مثل عوية ذيب
................. كل مابغيت اغفى تصحّيني
انا السجين اللي لقى التعذيب
............ في صمت عينك ، وانت تحكيني
ليه المحبة في عيونك عيب
................ لاصار عيبك هو نظر عيني؟
أحترقت الاعصاب قبل آشيب
.................. وياليت نار الياس تدفيني
ولااجل اتعيّن الك اذا بتغيـب:
................... اترك مسافة بينك وبيني
مقدار ماهبت بريحة طيب
............... ريح ، وتلّفت الك من حيني!
انا جريحك والجروح اتطيب
................. ولاعـاد تجرحني وتبكيْـني
مااصدّق الكذاب فالتكذيب
............... والصدق من كذاب يعنيني!
وعدوّي أحياناً تراه صحيب
.............. واصحابي احياناً عدوّيني !
اودي الهقوة عبث واجيب
.............. وهي عبث .. صعبة توديني
لاصرت ناوي فالهجير اتغيب
.................. اترك ظلالك بينك وبيني



الشاعر جزاء البقمي
[/frame]

[ALIGN=CENTER][TABLETEXT="width:90%;background-color:white;"][CELL="filter:;"][ALIGN=center]


الشاعر جزاء البقمي

الحزن.. من يومين.. للعين.. دارق
كنه.. وكن الدمع.. فيها متواصين
كنه.. غدى.. في محجر العين.. وارق
قام.. يتطاولها.. كما (حد سكين)
والقلب.. يحزن.. والمدامع.. تغارق
وحنّا.. على فرقا.. الرياحي.. مصابين.
انا اشهد ان الفقد.. موجع.. وحارق
كسرة ظهر.. لا والله.. الا عمى عين
راح.. وترك.. من خلفه.. الشعر غارق
من.. عقب.. ماله.. يطربون الملايين
شعرٍ.. يخلد.. فالمواقيف.. شارق
(تبكي.. عليها.. المحبره.. والدواوين)
رمز القبيلة.. ذايع الصيت.. فارق
تشهد على ما اقول.. (كل الميادين)
بيرق.. فخر.. ماهوب.. مثل البيارق
في كل.. ماقف.. تكبر القاله..! يبين
ويارب.. يارب.. النجوم.. الطوارق
يامنزل.. الانفال.. والطور.. والتين
يارب.. إلك.. تسبيح.. راعد.. وبارق
ومن هيبتك.. صم الحجارة.. لك.. تلين
تفتح له.. (ابواب الرضا).. جاك (طارق)
(فيصل ولا منصور).. ياربي (امين)
وتكسيه.. سندس.. ويتركّى النمارق
بين.. الصحابة.. والرسل.. النبيين
العمر.. ظل.. وصاحب العمر.. مارق
وآخر.. حدود الظل.. (خامه ومترين)
قد قيل.. عاشر.. تاليتها (امفارق)
من طين تخلق.. واخرتها.. إلى طين.

الشاعر / محمد ابن سرور
[/ALIGN][/CELL][/TABLETEXT][/ALIGN]

الشاعر :
محمد بن سرور


يالله عسـى نـوٍ دعانـي رفيفـه
شوفه يزيل الهـم ويسـر الأعيـان
ينثـر هماليلـه ويـرزم رزيـفـه
ويسقي ثرى دار الشيـوخ النهيـان
دارٍ لهـا بيـن الضلـوع النحيفـه
حب وغلا وإحساس شاعر ووجدان
من حب شيخ المجد درعه وسيفـه
زايد عسى له جنة الخلـد مسكـان
يزورنـي ف كـل الأوقـات طيفـه
واقول ياربـي تجازيـه الأحسـان
وياعـلّ عيـنٍ مابكتلـه كفيـفـه
وياعـلّ قلـبٍ ماحزنلـه للأحـزان
واليوم في عهد الخليفه .. خليفـه
ورث الندى فرز الوغى طير حوران
يرقى بمجد ابـوه مجـد ويضيفـه
وزاد البلد نهظه وزاد العرب شـان
فارس وفيديـه المراجـل عسيفـه
مثل الفرس فيدين شالـح وراكـان
واثقل حمول الناس عنـده خفيفـه
ياقـوم ياحمـلٍ يشيلـه بليـهـان
هذا وانا شاعـر وروحـي ظريفـه
وارقى جبل ماأرقى على قرن شيطان
(وسوالفي عند النشامـا طريفـه )
شطرٍ شربته لأبيض الوجه فجحـان
ولي لابةٍ يـوم السنيـن المخيفـه
امجادهم لكتـاب الأمجـاد عنـوان
وبيوتهـم مثـل الجبـال المنيفـه
وإديارهم من بـاب مكـه لدسمـان
مطير ربعـي عيـد قلبـي وريفـه
وكل القبايل كفو من غيـر حقـران
كيفي سعودي والسعـودي بكيفـه
من شعب ابو متعب طليقين الأيمان
فينا كـرم حاتـم وتقـوى حذيفـه
وفي دارنا ختـم النبـوه والأديـان
ونفوسنا من فضـل ربـي عفيفـه
وقلوبنـا مليانـةٍ صـدق وإيمـان
ورجالنـا لويذبـح ابنـه لضيفـه
اسهل من إنه يرجع الضيف جوعان
ولي بالكويت اهل ومكان ووظيفـه
وربع وبني عم وحبايـب وخـلان
واعشق قطر عشق الوليف لوليفـه
واغلي هل البحرين واغلي هل عمان
كنـي مقسـم بينهـم بالنصيـفـه
وإلا إن ذاتي ناس في هيئة انسـان
ومن ربعي الشعار ما أوجست خيفه
لأنا تجمعنـا علـى عـزّ وإخـوان
اهـم شـي منافستـنـا شريـفـه
واللي اهم ماينظلم كان مـن كـان
وإلا اللقب ماجيـت ادور وصيفـه
وأن ماحصل ماني على شي ندمـان
يكفي وصلت اليا القلـوب النظيفـه
جمهور من كل القبايـل والأوطـان
الله يعـز الـدولـه المستضيـفـه
ويعـز ابوخالـد سلايـل كحيـلان
مشكـور يـاراع اليميـن الذريفـه
لأنك جمعت قلوب وعقـول وابـدان
ومشكور ياشعب الخليفه.. خليفـه
ياللـي مقادمكـم محمـد و حمدان


.

.

.






الشاعر :
محمد الوسمي

[ALIGN=CENTER][TABLETEXT="width:90%;background-color:white;"][CELL="filter:;"][ALIGN=center]



الشاعر :
محمد الوسمي


عمري رسالة قبل ما ألقى لها ساعي
غدرني الوقت بظروفه وقطعها
****************
خانتني الريح مدري الخاين شراعي
من غير الآمال ضاعت قبل اجمعها
*************
أنا واحلم متى تتعدل اوضاعي
وإذا صحيت آخذ أحلامي وأشيعها
***************
أضحك مع الناس واخفي عنهم اوجاعي
وإن شافني واحد اضحك قال بيعها
*****************
من بعد ما راحت أغلى نبض فأضلاعي
وأنا المواجع تصارعني وأصارعها
****************
كنت أنتظرها وأنا في نومتي واعي
أخاف لا أحلم بها واصحى وأضيعها
************
كانت معي تشطب الظلمى من شعاعي
والفجر يوقف على الباب ويشجعها
*************
كانت تجي مثل صوت الناي للراعي
من كثر شوقي أدورها وأنا معها
**************
كنت اشتكيها لحزن الليل والداعي
وأوصي البعد لا جاته يرجعها
****************
من كثر ما أحس معها قمة إبداعي
مااحس روعة قصيدي قبل اسمعها
**************
أقول: لا ماتت أيامي من الناعي
وتقول: الأيام تنعيها مواجعها
*********************
وأقول: وجروحك اللي مالها داعي
وتقول: خل الجروح الله يقلعها
****************
زرعتها حب... يأخذني لمرباعي
ونبتت لغيري وآنا العمر زارعها
***************
خلتني أعيش بين الحزن وضياعي
مستقبلي ضيعته الله يضيعها
****************
ما اذكر بكيت البكا ماهو من أطباعي
الين ما مرت الذكرى بشارعها
*********************
ولا كنت احسب السنين بتلوي ذراعي
الا بعد حطت " الدبلة " فأصبعها
************************
يالحزن رح يمها دام انته الساعي
واخذ معك كلمتين لزوم تسمعها
****************
إن كان ندمت بعد ماعرفت أوضاعي
فهمها إن الندم ماعاد ينفعها
***************
وإن كأنها في شهر قدرت على وداعي
أنا أربع سنين مدري كيف أودعها
***************




الشاعر / ضيدان المريخي
[/ALIGN][/CELL][/TABLETEXT][/ALIGN]

[frame="1 80"]

[/frame][frame="1 80"]

الشاعر / ضيدان المريخي

ما فاح عطر الوفاء ياراعي الحـور

قلهـا تراهـا حـلاة العيـد قلـهـا

ما قدمها الا ضلوعٍ شهـب ودهـور

ومنـازلٍ مـا حـدٍ عقبـك نزلهـا

من غيبتك ما سرى فـي ليلهاالنـور

لـو علهـا الوسـم الأول ماغسلهـا

وها الحين يا بن الأوادم مانت معذور

لعـل هـذا ارضاهـا عـن زعلهـا

كلمه وتروي ضماي أيـام وشهـور

عيديـةٍٍ مـن فمـك يقطـر عسلهـا

افتح لها الباب لا وهدم لهـا السـور

وش خانة العيـد كانـه مـا حملهـا

إن كان عيدك خضاب وكحل وعطور

عيدي ليا قلتهـا وانـت مـن أهلهـا

عبدالكريم الجباري

[/frame]

عبدالكريم الجباري

لحظه .. بوادعك قبل إنك توادعني
ماني من اللي تروح ويمشي خلافك

لي عزة ٍ ياوليد .. الناس تمنعني .. !
لوقلت .. مابيك تمزح .. خاطري عافك


قد قلتها لك قبل ماكنت تسمعني
واليوم فعلك هو اللي حطم أهدافك




يابن الأوادم نصيحه واخذها طعني
ماكل شخص ٍ يذل النفس لا شافك




صحيح زينك بعض أحيان شجعني
لكن زود الكرم زودت بسرافك




ماهوب أنا اللي تنزلني وترفعني
لو درت في نيتك كسرت مجدافك



تبي الصراحه .. تصدد لا تطالعني
أخاف من دمعتك ولا أنت ماخافك



ماغير واحد .. ولا مخلوق ولعني

الحب يجرف ولا تختار جرافك




لو قلت لحدٍ تحب.. وقال لك يعني
خله وبعد مادام الوقت ماطافك




أصارع النفس والدنيا تصارعني
والفرق واضح بمغرافي ومغرافك



ياخي ترى القلب عيا لا يطاوعني
يابن الأوادم توكل خاطري عافك

...........................

الشاعر\حمد المغلوث
,,

[frame="1 80"]
الشاعر\حمد المغلوث

يا عين هِلّي ذارف الدمع شفّاك

وأبكي وهاتي ما خفا من عباير

يا عين لا تبكين لا ذا ولا ذاك

إلاّ ولا فرقا الأهل والعشاير

ابكي على سمح النيا سمح الأسلاك

اللي عليه مغزور الدمع فاير

قلبي عليه من الولع فيه دكان

والحال مني خلصت بالحساير

كني ربيط الروم في وسط شباك

وإلاّ كسيرٍ موجعته الجباير

قدم العرب غادي بشوشٍ وضحاك

والكبد يصلاها لهيب السعاير

شجاع الأكلبي
[/frame]

من غير شر وين صاحب الموضوع
وين الناس يالساكت
ان شاء الله انك طيب

[frame="7 80"]

شجاع الأكلبي

هـبّــت عـلــى قـلـبـي ذعـاذيــع الأنــــواد

ذعـــــذاع رد الــقـــاف لـلـقــلــب هـــاجـــه

مــــن يــــم شــاعــر لـلـبـواكـيـر حــصّـــاد

ينظم عقود الماس في صفح عاجـه

عسـاك يامشـهـور فــي خـيـر وأسـعـاد

أخــــــذ الــخــبــر زبــــــدة بــلــيــا لــجــاجـــه

الــحــر لارفّــــت جـنـاحـيـه هــــم صــــاد

يـصـيـد ظـبــي ٍ مـاطـمـع بالـدجـاجـه

وأنـتـه عـرجـت بعـالـي الضـلـع مـرتـاد

وفـرعـتـبــه والـــحـــض فـــيـــه إنــعــواجــه

وحـولـت ماخلـفـك مـــن الـنــاس هـبّــاد

ونــور الـسـعـد خـلـفـك يـشــع إنـبـلاجـه

ورقيت في ضلع ٍ طويل ٍ ومنقاد

يـزبــن بـــه الـخـايـف ويـلـقــى مـحـاجــه

والـلـي لـــه طـمـاعـه مـــع الـنــاس ورّاد

والـضـامـيـه تـصـبــر عــلــى مـاتــواجــه

وأخـــاف لـونــك عـلــى الـلـعـب مـعـتـاد

وهــذي نقـرهـا طـيــر وهـــذي خـمـاجـه

دربـــــي مــــــع خـــلـــي جـــديـــدٍ ومــنــقــاد

أمــــــــا عــــلــــى رجــــلـــــيّ ولا حــــداجـــــه

ولاجـات مـع قلبـي علـى كيـف مـاراد

وأخلـصـت لـــه حـتــى بلـغـنـي زواجـــه

والـكــل مـنــا مـــن هـــوا صـاحـبــه فــــاد

جـــــرح ٍ عــمــيــق مـالـقـيـنــا عـــلاجـــه

فـــيالله يـالـلـي لـــك ركــــوع ٍ وســجــاد

أجــــعــــل تــوالــيــهــا فــــــــرج وأنــبــهــاجــه

بدر بن عبدالمحسن

[/frame]

[frame="1 80"]

بدر بن عبدالمحسن

سلام

سلام يـا رمـشٍ كسـى باهـي الخـد

ســلام يــا ذبــح القـلـوب الخـلـيـه

انعم من النسمة علـى خـدة الـورد

وأغـلـى ســلامٍ لــو تــرده عـلـيـه

كان الجفا منك حصل لـي فـلا بـد

أرضـى بعطـفـك لــوه رد التحـيـه

رد السـلام ولـي تبـسـم عـلـى قــد

ما توجب ظـروف الوفـا والحميـه

وان كان لك قلبٍ غليلٍ على الصد

الله حسيبك صد .. أنا اش في يديه

والله مـا يصبـر علـى خايـن الـود

كـود الـذي قـد خـان أمانـة خـويـه

الشاعر محمد بن شديد

[/frame]

[frame="7 80"]

الشاعر محمد بن شديد

تعيش العمـر كلـه يابعـد عمـري طـرب ومـزاح

وتقضي مـا بقـى لـك فـي غرامـي حـب وهيامـي

انــا جيـتـك وناجيـتـك وقـلـت نـعـوض الـلـي راح

تعال اسق الخفوق اللي ثـلاث اعـوام لـك ضامـي

ابــي اقـولـك مــن قـلـب هــذا عـطـر حـبـك فــاح

وابيـك تقولهـا مـن قـلـب حـبـك مـصـدر الهـامـي

وابـي بينـي وبينـك حلـف مهـمـا صــار مايـنـزاح

ولــو منـتـه بقحطـانـي وانــا مــا ارجـــع الـيـامـي

ترعرع فالحشا واجعل ضلوعي من وراك وشاح

تـمـن اطـلـب تـجـد ماتشتـهـيـه ومـنـزلـك سـامــي



الشاعر / راضي الشعيلي

[/frame]

[frame="1 80"]


الشاعر / راضي الشعيلي

عديت نصف الليل والسالفة ميـح
وأنا أمزج أطراف الدعاء بالقرايـه
وتهليل من خلص صلاة التراويـح
بدمعة ندم مـن خوّفتـه العصايـه
وأفسر الظلماء خيانـة مصابيـح
وغيبة قمر ليلٍ يصـوغ الحكايـه
ومسراي في ليل الشقاء والتباريح
طور تبلور بـه فصـول الروايـه
رواية منهـا القلـوب المجاريـح
تستجدي المشرط وحضن العنايـه
عجزت لأجمع بين صدق التصاريح
وزيف الوجيه وصدق وجه المرايه
ولاجبت بالتخمين شيـخ المفاتيـح
خانتني اصباعي ورمـز الحمايـه
وضامتني الفرجة وأنا أسابق الريح
وأنهد حيلي مـا وصلـت النهايـه
واستنهض أطرافي وأنا أقوم وأطيح
وأنهر ضياعي في غياب الرعايـه
ورويت من شح المطر بالصحاصيح
ومن غنوة الظامي بموت السقايـه
يسقيك من غر المزون المراويـح
يامفتـرق طرقـي وخـط البدايـه
يوم إني أسمع عن خرايم شليويح
واستلهم الغـاوي ودرب الغوايـه
وأصحابي الشطار فوق المراجيـح
ومن دفتر العايـل لصـك الولايـه
ومحسوبك الشاطريجوب اللواليـح
يرفض على نفسه تكون الوصايـه
واليوم يالله تغفـر الذنـب وتبيـح
خذيت مانصفـه يفـوق الكفايـه
وذبحت بإنجازي كبـود المشافيـح
وركزت لي بأعلى المراقيب رايـه
وإن راح كل الليل والسالفة ميـح
يـاالله تقدينـي طريـق الهدايـه








الشاعر حجاب بن نحيت
[/frame]

الشاعر / راضي الشعيلي

ياأدفى حضن وأنعم فراش ووّسايـد

ياموطنـي يكفيـك شـر المحابيـل

ياأقدس وطن يااللي بك الأمن سايـد

ياحبـي الأول مـن الشبـر للميـل

في عودتـه عيـد يسـر المعايـد

وياعاد أبو متعب سـلام وتساهيـل

المملكـة شعـب وشريعـة وقايـد

قـل ياسفيـه وطبلـوا يامهابـيـل

وحنا هل التوحيـد وأهـل العقايـد

حنا هل التسبيح ياعسعـس الليـل

بهداتهـم تلقـى العلـوم الوكـايـد

أحفاد من ياسرجـوا قـرح الخيـل

ياخـادم البيتيـن حنـا السنـايـد

الصوت صوت الشعب جملة وتفصيل

وجمـرة كبـود مدبريـن المكايـد

لأنـك سندنـا يابعيـد المداهـيـل

وصنت المبادئ وإحترمت العوايـد

حفظت بعد الله وطنـا عـن الميـل

وشعـوب عالمنـا تعيـش النكايـد

بوقت به الفتنـة تجـر المواويـل

لخيانـة الحكـام تحـت المـوايـد

مـن العولمـة للعلمنـة للبهاذيـل

ولابالجرايد غيـر كـذب الجرايـد

فوضى وحزبية وويـل علـى ويـل

وش صار في تونس وذيك البدايـد

ماشفت وش سووا هل النيل بالنيـل

من منـة الطاغـي لكـف المزايـد

وبليبيـا قهـر ومآسـي وتضليـل

وشبرك على من جاء يزايدك زايـد

وألاأنت ياسيدي من الجدي لسهيـل

حبيب شعب ومع هل الكـود كايـد

حليت وسـم بأولـه بكـر السيـل

وصرت السوالف والخطب والقصايد

بصدور أهل دارك وصلت المواصيل

ونصر الضعيف وحيلتـه والفوايـد

ذكرك حلا المجلس وهيل المعاميـل

يازالت أوجاعـك تهـون الشدايـد

ياغيـث يبـاس الكبـود المهازيـل

وتبقى البلاد اللي بها الأمـن سايـد

ويا أعدل ملك يكفيك شر المحابيـل

...........

الشاعر [ الأمير عبيد العلي الرشيد ]
,,,,

نسمات تسلمين على سؤالك يالاميره


الغاليات

على النيه ونسمات توارد خواطر لا حرمني الله منكن خواتي
وابشرن

الحين البي كل طلباتكن من عيوني

وشاكر ومقدر هذا الحضور


تحيتي ...