عسى ما نامت اشواقك على ديباج واغترت

ورود الشارع اللي.. ما مشيته.. من ثلاث سنين
بكت في رجعتي.. لون البياض.. الين مااصفـَرَّت
همايل دمعتي يا نجد بانت في جفاف الطين
عسى ما نامت اشواقك على ديباج واغترت
انا اذكر كل ما جيتك الاقي كل شيٍّ زين
صدى ضحكاتك ايشوش بنات الحي لا مرت !؟
واشوف اليوم أحزانك. من الغيبات متنادين
وكن عيون عذالك على مدقالها قرت
ألا يا حظي اللي فز من نومه على جرحين
ونام وحلم بالثالث وفز وصدفته كــرَّت
تمالينا انا وياه وأبياتن لنا وافين
وفاز الحظ بجروحن عصتني كثر ما سرت
انا في مذبحك واقف اشيل الورد والسكين
تعالي وانصفي نفسك طعون المِيّت ما ضرت
مدام ان الحزن أزرى.عن غيابك يسد الدين
فلي شعرٍ يكفكف دمعتي...م العين لا خرت