| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
مقال قد يغير حياتك / 56 مليون مشاهدة خلال أيام
بقلم : بنت السحاب  |
 |
قريبا |
| كلمة الإدارة |
 |
|
|
||||||||
|
||||||||||
 |
|
 |
||||||||
 « آخـــر الـــمـــشـــاركــــات » |
 الإهداءات |
|
|
أدوات الموضوع | انواع عرض الموضوع |
07-26-2006, 07:33 PM
|
#1 | |
|
مالك غير خشمك لو هو عوج
هلووو قايز مرحبا قايزات...
منذ زمان وانا ودي ادحدر شي عندكم بس خبركم يعني حيا البنات ومدري كيف خخخخخخخخخ ( انتو بس ركزو على نقطه اني خجوله) بس بصراحه شفت الدعوه طب وانا اطب وراك فيا ليت تطبون معي بموضوعي<<<ابو من علمتس تحطين مقدمات طيب خلاص مو لازم اليكم هذه القصه الواقعيه...انا عارفه المفروض اني ما اقولها بس حبيت ان البنات يستفيدون منها و ياخذون عضه وعبره (قبصه ولا صيحه ) في مرتن من المريرات......كنت مجتمعه مع البنات.....وانواع السواليف والنغزات.....ضحك وتعليقات مناقرات ومناقشات....وطبعن مقارنات هذي ستغفرالله لبسها يفشل....وذيك مشالله شكلها يسطّل هذي قالت..... وذيك سوت.....هذي نحفت........ وذيك سمنت هذي شانت....وذيك زانت يعني من كل بستان ورده ويمر الاسبوع وتتجدد الاحداث...وتتجدد السواليف...وطبيعي تتجدد السخافه والفضاوه حسيت وللمره الاولى بحياتي باني مليت...ادري مهوب شي جديد بس تعرفون لما توصل معكم..لما تستوعبون ان الوضع ما عاد يحتمل لما تحسون انكم زهقتو من اللي حولكم خلاص بالذمه كل يوم نفس الروتين..نفس الام والابو... نفس الخوات...نفس الجامعه.. نفس البنات نفس قومه الصبح.... نداوم....نرجع... نتغدى....ننام....نصحى... نطلع....نشبك.. نرجع ننام...ومرة ثانيه قووومه الصبح كل يوم كل يوم كل يوم.. طيب وبعدين؟ حتى بالويكند.. نفس الاماكن... نفس الخشش... نفس الناس..نفس المطاعم..خلاااااااااص مابي مابي اصلا كلكم وعين<<<شطحتي بقوه يا ماما كلن هايت ما يدري وش يسوي..كل ما شفت احد قالي(زهق)..لدرجه حتى لو منيب زهقانه احس اني المفروض ازهق الا جدتي الله يطول بعمرها.. من وعيت على الدنيا وهي ما غيرت ستايلها( شيله وجلابيه) ومغير قاعده بهالصاله وتحتريه يأذن يعني بالسعودي حامت كبدي.. وقد قالها نيوتن كل فعل له ردة فعل تساويه بالمقدار وتعاكسه بالاتجاه يا ناس ودي اسوي اكشن بحياتي... ودي اعيش مغامره..ودي اسافر بمنطاد حول العالم..ودي اجمع خنافس بريه يعني مادري انحرف واحشش مثلا؟ <<<<اهجدي لا تجيتس نعال مدري اتهور واصير مثقفه واقرا كتب؟ تسني بهم يقولون ان الغذاء الروحي مهم <<<<< هذا وجهك يالمسافر خخخخخخخخخخخخخخخخخ قال تقرين قال مدري اسوي حركه واصبغ شعري اخضر واطرافه فوشي واقرعه من النص؟ <<<<<عشان تكملين..دريتو ان أخت القمر انهبلت وبتلت امضي وقتي هكذا اياما وشهور...الى ان اتى ذلك اليوم التاريخي كنا مجتمعين عند التلفزيون ... نحتسي الشاي....نضحك ونتسامر...زي اي عائله بالمجتع عادي يعني... وجاء ذلك الاعلان ملكه جمال العالم العربي انها المسابقه الاولى من نووعها!!! اذا كان عمرك بين 18-24 انها فرصتك!!...قد تكونين ملكه جمال العالم العربي!! لا تترددي!!! هيّا هيّا!! وهيّا الى المنااهل هيّا الى الحيااة اخس ما عندهم وقت ذولي..اجل ملكه جمال العالم العربي مره وحده؟؟؟ احس انواع الفله... الله يصلحك يا مخي.. اذكر الله ويرد علي -مخي- بسخريته المعهوده صدز ان به طراقات وكفوف..واحتمال تعنيسه للابد ولا تلقين اعلانات ( نريدها حيه او ميته ولكم اي مبلغ تبونه)..ولا اقل شي يهدرون دمتس.. واكيد اكيد قبل كل شي بيتبرون منتس... طيب دامك عارف هالشي وشوله تكبرها براسي- اعني مخي الله يرجه- لا ومن زين الاخلاق يلزم بعد يا شيخه أهي مسابقه تفوووت ولاحدش يموووت البسي باروكه وحطي عدسات...وعلى فكره منتب اكبر هم الناس يا قموووره خانوووم يعني وش زود ذيك البحرينه اللي أعرست على امريكي...ولا السعوديه اللي أخذت سواقهم الهندي على الاقل انتي بشتركين بمسابقه..لا خلط انساب ولا هم يحزنون انت وش جاك..يا ويلي شكلك والله العالم بتوديني بداهيه اها بس...اعقليها وتوكلي ارسلت ايميل..عبيت البيانات المطلوبه..الاسم..العمر..ا لجنسيه..الطول..الوزن... لون العيون..طول الشعر عدد حبات الخال..طول الاظافير..عرض الاسنان..حجم الاذن ومقاس فتحات الخشم ..لون الركبه هههههههههه (امزح اصلا ركبنا احلى ركب بالعالم ) نعنبو بليسهم ما صارت مسابقه.. ما بقى شي ما نشدو عنه طبعا شرحت ظروفي..وقلت ان هالشي جديد على مجتمعنا وانا تراي جاحدته..وان اهلي لو شمو خبر او شكو مجرد شك ياويلي ومن هالحتسي ووضحت نقطه مهمه وهي كون ان اهلي قصمان يعني ممكن انفرش وانجلد وانفرم.. وقتها لا بيفيدني لا حقوق انسان ولا حيوان..حاولت اكسر خاطرهم بأي طريقه ابي الموضوع يصير سكتم بكتم الين ما اوصل وانا اتصرف ووصيتهم ان صورتي ما تطلع لاحد ابدن ابدن... حرصتهم الف مره همن حلفتهم بالمصحف....يعني ان تساني جايزتلهم و عزمو ياخذونن ما يقولون وشهو اسمي الصدزي.. يقولون اي شي..عندكم يعني على سبيل المثال.أخت القمر...غزاله الخبر...دجه الصغيره....بنت مناحي....عاشقه الربابه..الزاحفه للأبد.. اي حاقه نو بروبلم مهما يكون خواتي وبنات عمي وش ذنبهم؟ ااه ما يصحش...دنا برضه بفهم بالاصول <<<ايه بالحيل مر يوم... يومين...وانا استنى واليوووم له يوميين ما ماااااار عليااااااا منين اجيبه منييين يصعااااب علياااااا يمكن؟ منعووووه هله ويمكن؟؟<<انجزي=اخلصي وعقب ما بديت افقد الامل.. وانا اهذر بالمسنجر الا يجيني ايميل طرنق طنق طنق (ذاك الصوت الغبي) ردو يقولون اوكي...تعالي والتذكره بنرسلها لك..ايييه صح نسيت حتى تصريح السفر بدون محرم ارسلوه بعد <<<<<مشكله المؤلف لما يتوهق تلاحقت نفسي...حركه سريعه... اشوى اني مستعده ومسويه جمعيه...القطه كانت الف...وشرطت عليهم اني اخذها اول وحده <<<لأنها ميب ناويه تجحدهم وتهج خخخخخخخخ اخذت أصغر شنطه بالبيت على بالي- منعا للشبهات -وحطيتلي فيها كمّن خلق..عبره الين اوصل وهم يدبروني هناك وبرضه اشوى ان الرحله كانت صبح..يعني كأني رايحه الدوام..ومناك اخذ طريق المطار..ولا من شاف ولا من دري والسواق عبقري بسم الله عليه الله لا يضره لو اقوله ان هذا مبنى الجامعه الجديد يصدق مشالله تساهيل الله لا يعوقن بشر كتبت رساله.. (عساس ما يحسبوني انخطفت ويضيعون جهود الشرطه والمباحث سعيا للبحث عني- بنيتهم الغاليه) كتبتها بكل صدق..بكل احساس..خالطتها الاهات والدموع...واخذت استرجع ذكرياتي بحنين وشوق يكاد يقطع قليبي...ولكن كل شي وله نهايه <<<تسمعها بالمسلسلات أميمتي الحنونه..بييّ الحليل قد تخنق الاقدار حبا قد جمعنا..وقد تفرق السنين شملنا فانا واعوذ بالله من كلمه انا..احببتكم بكل جوارحي لذلك سوف اذهب لعلكم تفتكون مني لا تقلقون علي...سأطبق كل ما علمتموني من وصايا لن اكذب..ولن افتن..ولن اغش بالامتحانات (مدري وش دخلها) ولن اتحدث الى شخص غريب امي اعلم بانك سوف تنهارين من الصياح..واعلم بان ابي سوف يورتس الشغل ويقولتس ما عرفتي تربيني ولكني انصحك بالصبر..فهو الدواء لكل داء..وابوي راس مالها كبسه ولا قرصان وهو راضي عنتس ودي اعترفلتس بكم شغله وابيتس تحلليني تخبرين يوم اقولتس ان الخاتم انسرق بدون ما احس؟..لا يمه ترا انا اللي فصخته لان اصبعي اوجعني وحطيته على المنصه ورحت ارقص مع البنات طيب تذكرين يوم تهوشين تريزا على المايكرويف يوم اقولتس انها ميب تعرفله يمه ترا انا اللي كنت دايم اسخن فيه ايسكريم لانتس تعيين علي اكله عشان حلقي البثر مغير يوجعني يمه اعطو غرفتي لمساعد..واذا غارت منيره عطوها كل مستحقاتي.. ملابسي وكل قرابيعي الا شحاطه ألدو ذيك اللي فيها ترتر!!!..ادري انها تحلم فيها بس معصي لاني اخذتها معي سلمي على ماما نوره وكل خالاتي.. ابي كم اشعر بالخجل وانا اطلبك هذا الطلب وفي هذه الحزه بالذات... ولكنك عزوتي ولا احد لي سواك .. من غيرك يسندني في هذا العالم المخيف؟ الله مير يطول عمرك ويخليك ذخر لنا اقول الله لا يهينك يالحبيب.. رجع فلوس ماكس تراه يطلبني ميه واربعطعش ريال بالتمام والكمال..كل يوم كنت امر على هرفي واقوله بكرا انا في جيب انتا فلوس وبالنسبه لجوالي ان بغيت تقطعه براحتك لاني بطلع لي شريحه هونيك هأأأو أوو احبكم مره مره مره مممممممممووووووااااااااه بنتكم السنعه الامووووره بدويه بالقوه تربي اهلها <<<<<هذا لا قالو شين وقوي عين.. (وجه مغسول بجريش) دنق دانق دووونق.. تعلن خطوط الميديل ايست عن موعد رحلتها المتوجهه الى مطار بيروت الدولي نرجو من الركاب التوجه الى البوابه رقم13 قريت كل المعوذات ورحت ويا هالناس.. مع الخيل يا شقرا ما انكر اني كنت ميته رعب...لكني متحمسه عشاني بكسر الروتين ( الله يسامح اللي علمني كلمه روتين ولا وش حليلي من اول....مالي من الشيطان طريق) جلست جنب الشباك...اشوى اللي جنبي كانت حرمه..يعني مؤنث..يعني حلال بلال لحد يتفلسف هي تشتغل كوفيرا ورايحه تزور اهلها..لمحتني وانا اناشق وامسح دميعاتي كادت ان تسقط سهوا..لاني تأثرت وانا ارى صحاري بلادي من فوق وخفت انها تكون المره الاخيره ..تهيء تهيء<<على تراب بس شو بكي حبيبتي؟ ابد سلامتك انتي رايحه ع بيروت؟ لا ابروح عنيزه!..اجل وشوله راكبه معكم يا غبيه ههههههه روئيها خيتو.. حاولت تدردش وانا مالي خلقها..افكر بالمصيبه اللي وراي<<صباح الليل فجأه تخيلت منظر اخواني وهم جايين بيروت يسحبوني مع شعري ويفركون خشتي بالارض مير نشف الدم بعروقي وتجيني هاك النفاضه..ياويلي ويلااااااه شوي شوي.. كلمه على كلمه..ومير ينطلدز لساني واقص لها قصه حياتي( سعوديه واعطوها وجه خخخخخخخ) شجعتني وقالت مافيها شي...روحي واستانسي خيتوو وسعي صدريك حبيبه البي اهم شي انها لبنانيه وتقول استانسي ووسعي صدرك لا تدققون وصلنا ..ولقيت لوحه كبر قريح مكتوبن عليها اسمي الكامل...هذا وانا مركزتن عليهم... قعدونا بشي كبير..تقل هول ولا مدرجات مدري وشو..ووحده ماسكه مكرفون وتصوت على البنات..طبعا كل الجنسيات المصريه والسوريه واللبنانيه والمغربيه والموريتانيه واللي تبون...وانا اتحرى سعوديه ولا خليجيه غيري بس ماش للي ينادونها تدخل مع باب كبير...طبعا كلن يودع اهله ويصيح..وانا بلحالي موسوسه...ومتمعقطه بشنطتي الثمنيه لا تنسرق هههههه اول ليله عجزت انام...منفجعه من البنات وسواليفهم الغريبه سالتني وحده عندك BF قلتلها لا عندي اكسترا وهولدز تبين؟ كل ما فتحت اثمي بكلمه ماااتو من الضحك حسيت اني من كوكب اخر...كلن يناظرني باستغراب..ليه يعني انا بنت البطه السودا ولا مالي رب ويووم جا بكرا الله لا يوريكم صحونا من الفجور..يقالهم رياضه على الريق وجايبين لنا مدربه توحش.. عندها عضلات..ولابستن ترنق وانوااااع الحماس واحد تنين واحد تنين شهيق زفير هب علييهم كل وحده شايشه وتناقز يالله صباح خير وانا ما امداني حتى اثاوب واتمغط وتزمر علي المدربه وتهووشني قدام البنات لاني ما لحقت عليهم ..وش اسوي طيب؟ بلاي اخر مره لعبت رياضه يوم اني بطابور الابتدائي.. وخلتني اعيده بلحالي عشر مرات..خنقتني العبره..حرام عليهم..قلتلها استاذه ميخالف افطر اول وبعدين اسوي التمرين؟ تكفين الله يخليتس رحمتني يوم شافتني بديت ادوخ وخافت يغمى علي..وقالتلي روحي افطري وتعالي وش الفطور؟ الفطور الله يسلمكم عباره عن ثلاث عنبات وانا اللي انفجرت بكل هيجان وغضب هذا اللي ناقص ابي قهوه تفك راسي.. ابي كورن فلكس.. ابي زعتر!! <<<<لحد يكلمها لا جاعت قالو يا انسه أخت القمر انتي منتب برحله ولا بكشته انتي بمسابقه ملكه جمال العالم العربي حاولي تتكيفين..وحاولي تخففين عصبيه ولا ترا مب ازين لك..وابلع العنب وانا اللي ما اواطن العنب بس الشكوى لله قضينا رياضه وكلن افطر( من زين الفطور) وقالو الحين وقت السباحه.وش هالمسخره تكفون.. وش جاهن ذولي انهبلن و تمصلخن.. الله لا يفظحنا وانا طبعن الوحيده اللي لابسه ميوه اسلامي( ذاك اللي من الفالح)...طويل ومزمزم عند الكوع والركبه يعني حشمه ولله الحمد مير يفقعون ضحك يوم اقبل عليهم..كنهم شايفين نكته حسبي الله واغتلقت وتفشلت..انا ما اعرف اسبح الا بعوّامات..بس مابي اقولهم ويضحكون مره ثانيه..لذلك قررت ان اتذيهن واسوي نفسي متعيجزه اسبح جو لمي كلارا وشيرين قالولي وش فيك يا أخت قموووره وراك بلحالك تعالي معنا...قلتلهم لالا انا زهقت من كثر ما اسبح بالسعوديه كل يوم اسبح واتشمس ودي اخوّض رجولي واتفرج عليكم قالو تعي معنا...المي كتير حلوه وسائعه ..قلت عليكم بالعافيه بس انا ظهري يوجعن من رياضه الصبح وهم اللي مصرين بقوه ويلزمون الا اا تعالي..قلت عن الفشايل خلني اطب وامسك الجدار مير اسد خشمي واغمض عيوني وهوووباااا تشهدت وطبيت...وبدون مقدمات تفلت يدي من الجدار وانقع ثلث ساعه بوسط المويه ومحد فكر ينقذني لان اصلا محد يدري اني ما اعرف اسبح!!! بغيت اموت وافطس وهم مستمتعين يحسبون ان هوايتي الغوص وقاعده اشخص عليهم يوم صرت زرقا وشفطت نص المويه الي بالمسبح استوعبو ان الموضوع فيه ان مير تجي عزة (وحده حليله دوله الصومال الشقيقه) وتطب بو زعط بتنقذ حياتي خخخخخخ مسكتني مع ظهري عشان تطلعني من المويه وانا احسبها تغولن واصييح واصييييح وارفسها وهي تجرني وانا اصييييح وحالتنا حاله!! وفجاه كل البنات وقفو يصفقون على هالموقف البطولي برررافووووو عزه بررررافوووو حلفت ما اخذ كورسات سباحه لو يموتون...قالو اوكي بس بشرط تاخذين دروس جمباز قلت ميخالف جمباز كراتيه اللي هو..بس مابي اشوف البرتسه لو على جثتي حطوني بذاك الكلاس...ملعب كوره مب كلاس..وفيه مراجيح يقالهم بيدربونا عليها قلت الله والدباشه يبونن اتمرجح ويسمونه جمباز خخخخخخ وتجي هاك العصقوله اللي تتلوى تقل مغاط..قالتلي اول درس بالمرونه لازم تمسكي هاي الحديده يعني تبيني امسكها وادودل رجولي الين ما انمصع قلت اوكي ميب مشكله..وارفع يديني واسمع طق بكتوفي يا ربي من اولها انخلع كتفي الله يصلحكم جايبنا نتحرول ولا عشان مسابقه ملكه جمال العالم العربي قالو بكيفك بس ترا كلش بحسابه وانتي كذا قاعده تخسرين نقاط..قلت طز. الزم ما علي صحتي جا وقت الغدا..وانا سعابيلي اربع اربع وش الغدا؟ الغدا الله يسلمكم عباره عن ثلاث زيتونات يقلع ام التعذيب اللي كذا...معتقل ذا ولا معتقل؟ ابي شي ينعض الله ياخذكم جوعاااااااانه وجابولي اخصائيه تغذيه يقالها تشرحلي وتحاول تقنعني... وانا مافيه امل راسي تربس عوزه لحمه قالتلي لازم تنحفين النحف اللي يطلع عظامتك لان على كل عظمه بارزه لك عشر نقاط.. وانتي من الحين نقولك احتمال تكونين من المرشحين (على بالها ترفع معنوياتي) قلت طيب نص توسته ما رح تأثر بالموضوع شدعوه يختي....قالت لا لا النظام نظام.. قلت ميخالف وابلع الزيتونات وانا اللي ما اواطن الزيتون سالتها طيب العشا بتعطونا ثلاث حبات وشو ( يقالي اذب عليها) قالت مافيه عشا.. بس ان متي متي من الجوع ممكن تشربين ربع كاس مويه اقترب موعد الحفل النهائي..المصممين رايحين جايين وحقين الديكور..كلن مدهر ودربونا كيف نطلع من الدرج الين المسرح وبسرعه لان الوقت محدد وانا عجزت اسرع بذاك الكعب طحت حوالي اربع مرات وجاني تمزق بالرباط الصليبي وشد عضلي بسيقاني الثنتين... قلتلهم يرحم والديكم ابي شي زحيفي تراني ما اعرف للكعوب..قالو لالا وش زحيفيه لازم كعب وبوز..لازم تواكبين العصر وش هالتخلف..قلت طيب وكل ما اقترحت شي قالو لا...كل ما تناقشت قالو شو بدك انتي دفي وجيك ( يعني ضفي وجهك) واسمع المسؤوله تقول لخويتها هاي اخر مره ناخد وحدي من السعودييّي..شو هيدا راسا كتير يابييس رحت اركض للغرفه واطب على سريري واعيط...اسودت الدنيا بوجهي وقعدت اتذكر امي وخواتي اشتقت للمناقر معهم.. اشتقت للمحارش من جيت هنا وكلن يدقم فيني ويقولي شو هالتخلف؟ شو هالتخلف؟ جتني عزه وتقولي وش فيك يا قموووره ماعاش اللي يزعلك وانا اعيط خمتني وطبطبت علي وانا اعيط واعيط واعيط <<<نقص حنان قلتلهم اني ولهانه على اهلي واني اصلن جيت ومحد يدري عني واني كنت احسبه وناسه وهو تعذيب..واني متحسفه كثر شعر راسي واني ابي اهج بس هالمره ودي اهج لديرتي ابي امي ابي ابوووووي ابي ماكس ابي تتريزا ابي خواتي ابي صديقاااتي ابي دكاتره الجامعه..ابي اداوم من الفجر الين نص الليل وكل يوم امتحان ميخالف... اقعد بالبيت وبين اربع جدران وما اشوف ولا شي ولا حتى اطل من الشباك ميخالف.. راضيه اعيش بروتين طول عمري بس مابي اشترك معكم مابي اسوي رياااضه معكم مابي العب يوووقا معكم مابي عنب وزيتون...مابي افوز اصلن مابيكم مابيكم مابييكم وع وع اكرهكم خلااااااص انقلعووووووو (وجه ميت من الصياح) وجتني حاله هستيريه وقعدت اجاعر وانقز على السرير.. قلت ازين كودهم ياخفون ويحسبون ان فيني بلا ويودوني للعصفوريه ومناك اهج<<< صارت خبره هههههههه بس الله لا يحللهم سكرو علي الباب.. ولا طقو لي خبر رضيت بالواقع وقلت انا اللي غلطانه وهذا جزاي بس اهم شي اني اخسر نفسي واطلع من اول جوله جا اليوم المنتظر..كل وحده من البنات على سنقه عشره وميته تبي تفوز و تاخذ التاج..المشكله انه تاج شين وقروي خخخخخخخخخخخخ لبسونا الوشاحات( ذيك الخرقه الستان) وانا اتنافض واقول (وجعلنا من بين ايديهم سدا ومن خلفهم سدا) بدت الموسيقى وكل وحده ينادونها تطلع بسرعه وتوزع ابتسامات وبعدين توقف على جنب وانا خلف الكواليس اسمع تصفير وصراخ ياويلي ويلاه..جاك الموت يا تارك الصلاه..جاك الموت يا تارك الصلاه قممووووره هانييييم واشخط بسررعه وانا مدنقه راسي ومغمضه عيوني واتعرقل بالسلك واطيح طيحه محترمه بس اول مره ما اتفشل بالعكس جتني شجاعه غريبه فضخت الكعب واتلفت ابي المح اول exit واركض باسرررع سرررعه والسكيوريتي يركضووون وراي الظاهر يحسبوني من القاعده و بفجر نفسي والناس تصفر مدري وش عليه تصفر واركض واركض واركض وفجاه القى اخوي الكبير مشمر وماسك عقاله وفناخره وارمه ووجه كله شر ما امداني اوصل الا امي منتصه هناك وبالشبشب الخشب لالالالاااااااااااااااا وش اسوووووي ما بقى الا البوابه الرئيسيه وهناك الحراس معهم رشاشات شكرن مابي مافي الا اني اطامر فوق الجمهور وقلت هماه خاربه خاربه خليني اعميها حاولت اراوغ يمين يسار..بس مساعد كان اشطر مني وحاصرني قلت وخر عن وجهي يا الدب والله لا اعطيك لاب توبي وجوالي الجديد قالي معصي تحسبيني صغير وما افهم..انا اللي بوريتس شغلتس وكملت يوم جا طويل العمر( بابا) واستقبلني بالاحضان<< ابد مو بالزبيريات رجعت لبيتنا..دخلت غرفتي ولا مساعد مع هالكوره ما خلا فيها شي الا وكسره جدتي زعلانه علي..خزتني باحتقار وقالت خزاتس..هذا وانتي البنت الكبيره العاقله قلتلها تووبه ما اتعودها حتى السواق تفرعن كل ما ارسلته يقولي هاتي الفلوس اول كلن مزاعلني..محد طايقني اكتشفت ان الوحده مالها الا بيتها واهلها ( مالك غير خشمك لوهو عوج منقول مع بعض التعديل:cool: |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 0
|
|
| لا يوجد اسماء لعرضها |
|
|
العرض الشجري