من رافق الطيب شرب صافي المـي

[frame="5 80"]
[align=center][tabletext="width:70%;background-image:url('http://www.b3b7.com/vb/backgrounds/18.gif');border:9px groove indigo;"][cell="filter:;"][align=center]من رافق الطيب شرب صافي المـي[/align][align=center]
ومن رافق الهـــافي جفا الما كفـوفه

لا تنكـــر المعـــروف لو انه شـــوي
من قــــدم المعـــروف رد معـــروفــه

وادمح خطا الطيب ليا صار مخطي
واقبل معـــاذيره وقــــدر ظــــروفــــه

ولا تنــهر المــحتــاج لا جــــاك مبـــلي
خســارةٍ في فعـــل خيـر مخلـوفه

واطلق حجــاجك لا أقبل الخاطر وحي
بشـــاشة الطيـــب كـــرامـــة ضيــــوفه

ترى الكريم معــان بالخيــــر مرهــــي
من يتــــرك الماجـــوب جعله ذلـــوفـــه

لا تقطع الرفقه ولــو حبــــلهـــا لــــي
حبل الرفق مـــــن يفلــــته بـــان خوفه

رجـــلٍ بلا ربــــعه من الناس مجـــفي
لا بــــد صـــكات اللـــيالـــي تـــحوفه

واللي في عــينه ما يشوف البشر شي
ترى البشر في عيونـــها ما تشـــــوفــه

ومن عـوده حظـــه على بـارد الفــــي
لا بـــد لـفـحـــات السمايـــم تـــلــوفـــه

ومن ساقته نفسـه عـلى سكـــت الـغي
صعـــبٍ علـــيـه ليــا تمـــادى نكـــوفـه

ترى الليالي تطـــوي أيــامنـــا طـــي
يالله بحســـــن الخاتمه والمـــــروفــــه

شعر /
الوااا(بالله)اااثق
أبو عبدالعزيز[/align][/cell][/tabletext][/align][/frame]