][®][^][®][ خيانه ][®][^][®][

[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="solid,4,white" type=2 line=0 align=center use=ex num="0,black"]
تعبت اقوم بوجه الايام واطيح = لاطاب جرح ولااندفن واحتسبته
ياهي سنيني ما اكتفت بالتباريح = ياذى الزمن شكلي كذا ماعجبته
كني خطاء وايدين الايام تصحيح = شيء بري منه وشي اكتسبته
عشرين مرن كل ابوهن بتلميح = جرحٍ قضى نزفه وجرح عصبته
ماكني الي شال هم المجاريح = لوهو لقب مجروح انا ماكسبته
كل مانشاء غيم نشوله مشافيح = وانا الذي محتاج غيمه ونبته
دقيت بابٍ ما اعرف له مفاتيح = ابطيت احاول جرحتني خشبته
قلت اتركه باكر تجي تشلعه ريح = اثر الليالي جمعته مثل سبته
وارخصت بي ضاري على الفطر الفيح = راس بدويٍ ماانحنت به رقبته
لو راس مالي قشعتينٍ من الشيح = سويتهن فنجال كيف وشربته [/poem]

للشاعر : عبيد الدبيسي

وانشاء الله انها تحوز على اعجابكم