خنجر تعب صبري

مدخل




عادي أزعل ..!!
احزن.. عادي ..!!
أحترق .. اشتاق .. عادي ..!!
حتى لو تذبل غصوني ..!!
وتفقد الفرحة عيوني ..!!
وإلا أقولك ..!!
لو أموت بحبي عادي ..!!
بس جرحي في شعوري
واتهامي في غروري ... للأسف ما كان عادي ..!!!
.. .. .. ..
أنتي ما حسيتي فيني ... إني لي نبض ومشاعر
خنتي أشواقي وحنيني ... وانكسر في صدري شاعر
ماكتفيتي في جروحي ..!!
للأسف دمرتي روحي ..!!
وكنت أقول تمون .. وعادي ..!!
بس جرحي في شعوري
واتهامي في غروري ... للأسف ما كان عادي ..!!!
.. .. .. ..
كل جنون الشوق فيني ... كان غلطة حب شاطر
انسي حبي اتركيني ... وإلا يعني مالي خاطر
كنتي كل عمري وطموحي ..!!
شلي صار دمرتي روحي ..!!
يعني جرحي .. موتي .. عادي ..؟
بس جرحي في شعوري
واتهامي في غروري ... للأسف ما كان عادي



عمق

أبارك لك نجاحك في تعب صبري وماساتي
مدام إنك على حلمي تبي تعلن بطولاتك


تلذذ في شقا عمري تمتع في معاناتي
تعال إقطع شراييني تمايل .. وأرقص لذاتك


أجل وشلون ماتفرح وهي تذبحني عبراتي
أموت من [ القهر ] وأصرخ وانا اتحرا قراراتك


كذا وألا كذا عادي طفت في صدري شمعاتي
أنا ماعاد أشوف إلا ملامح من تفاهاتك


تبي تقضي علي ؟ فتّش وقلّب في ملفاتي
تصيّد لـ أصغر أخطائي وحرر في خطاباتك


ألا ياكثرها عندك خطايا الوقت وزلاتي
تفضل سو بي ماتشتهي عش فـ أنتصاراتك


خطاك إنك تخيّلني بنكّس فيك راياتي
وأجيك أشحذ فضل عطفك ولطفك من سخافاتك


أموت من العطش عادي وألا غير قناعاتي
خطأ وأكبر خطاك إنك تصدّق في شعاراتك


أنا مثلك في هالدوله قسم مـ قصر مسافاتي
تظن إن العقل يقبل تعاملني برغباتك

ياشيخ إتركني في حالي وليه أدخل متاهاتي
عساك تذوق ماذقته وتتجرع معاناتك


عسى الله لا يحرمك من قهر نفسي وحوباتي
عساك تشوفها يوم الحشر أصغر .. حساباتك


عساك تموت من خنجر تعب صبري وماساتي
حرام أصرخ غضب محبط لجل تعلن بطولاتك


مخرج




آه .. يا شين المدينه ..!!
مابقى فيها أوادم ..!!
أو عمر مولود قادم ..!!
كل ثوانيها الحزينه ..!!
البيوت الصمت ..!!
والشارع سكينه ..!!
الجفا فـ الحب كافر ..!!
ينتظر عودة مسافر ..!!
والمشاعر
في عواطفها سجينه ..!!
قالوا حظك قام وجيته
وللأسف يوم أحتضنته .. وقفت أنفاسه ومات




لاأرواحكم النقيه

برق البروق
يسلم شعورك
ولاهنت

برق البروق
أنت وطن من الإنتقاء الشعري
تدعونا للمتآبعه والارتوآء
شكرًا ولاتفي يآ مميز ,,

منور نبرااااس
بتواجدك العذب الله يرعاك ولاعدمناك

منوره على النيه
بتواجدك العذب ربي يسعدك
ويرعاك ولاعدمناك

المُختلف
وَ حضور طآغي لـ ذائقتك المميزه
يسلّم هيك احساس مخملي
إلهي يسعدك ولا يحرمنا روعتك يّ أمير ..،

ياهلابك وتم
منوره بتواجدك العذب
ربي يسعدك ويرعاك ولاعدمناك

يعطيك العافيه
ع الاختيار الرائع والمميز كتميزك
يسلم قلبك وكلك
تقديري واحترامي

ابداع حتى الامتاع ما شاء الله اسطورتنا
شاعر مبدع متالق الله يوفقك تتحفنا بقصايد الروعه
مشكور

هلابك عقاب
منور بتواجدك العذب الله يرعاك ولاعدمناك

هلابك العنود
منوره بتواجدك العذب الله يرعاك ولاعدمناك

يالبرق
الأخضر مؤلم
وكمل عليه الأزرق
ولكن في أخره إجرام من المحب ودعوة عليه
ألا يلتمس له العذر ويبحث له عن منفذ
قصيدة أليمة بحق
صح لسان من قالها
وصح نقلك يالعذب
ولا عدمناك يالطيب

هلابك النسمات
والله ماادري الشاعر تصوره لوضعه كذا
يمكن اللي كتبه من وراء قلبه
منوره بتواجدك العذب الله يرعاك ولاعدمناك