القلوب البيض

[ALIGN=CENTER][TABLETEXT="width:90%;background-color:purple;"][CELL="filter:;"][ALIGN=center]

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد من كدّر غيابي مزاجه
ويابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي

الخجل في وجهك أول منتواجه
والبراءه في عيونك وأنت ساهي

وبسمتك لامن بغيت تقول حاجه
وغيرتك لاشفت كنّي عنك لاهي

قبل أشوفك .. والزمن عاقد حجاجه
أسأله : وش فيك ؟وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجه
القلوب البيض تبقى مثل ماهي

[/ALIGN][/CELL][/TABLETEXT][/ALIGN]

انتقاء لامس مشاعرنا ياعذب المشاعر

كل الشكر لك استاذي الانيق

اختيار
ذوق
كاانت الله يرعاك ولاعدمناك

عنود

اشكر لك مرورك وإطراءك العزيز
لاعدمتك

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجه
القلوب البيض تبقى مثل ماهي

الله الله صح لسان من قالها ونضمها
وسلمت يمين من جابها وطرحها

صح بوحك ...
كلمات جدا جميلة ومعبرها ولهـ اثر في النفس ..
والقلوب البيضاء تبقى مثل الاساس لاتتغير ولاتتبدل مهما طال الزمن ...
.
.
سلمت وسلم احساسكَ ...

نسمات

اسعدني مرورك العزيز وإطراءك الكريم
اشكر لك رقي مشاعرك.. يعطيك العافيه

يسلم شعورك
العذب ولاهنت

كل الشكر والأمتنان لكل من شرفني بمروره

يعطيكم العافيه