ووين الأنســانيه

قبل فتر كنت أقراء قصه عن ظلم الرجل لزوجته والقصه كانت كلها شر في شر .

رحت قلت لأمي القصه وقلتلها:"مستحيل في ناس في الدنيا زي كذا بالذات اذا كان يحبها "وانا أكلمها رن تلفون البيت وحسيت ان المكالمه ما تبشر بالخير .

سألت أمي:"خير انشاء الله؟؟!!"

قالت:"انتي تقولين مافي احد في الدنيا زي كذا طيب اسمعي,هذي وحده من اقاربنا طلعت مريضه بالمرض الشين"السرطان"

وطلع علاجها في الإمارات فأخذوها أخوانها للإمارات والحمد لله وجدوا أحسن معامله حتى ان وحده من اميرات الإمارات

تكفلت بمصاريف علاجها وقبل بدء العلاج بيوم كلمها زوجها تلفون وقالها:"ارجعي البيت واطبخي لنا لأن الخدامه جديده ولا

تعرف تسوي شيء وعيالك عندهم اختبارات ومافي أحد يهتم فيهم وهم محتاجينك".

طبعا الحرمه المسكينه تقطع قلبها على عيالها وتركت كل شيء ورجعت .

عدت فترة الإختبارات وهدء الوضع فقررت انها تدور على مكان تتعالج فيه فقالولها انها تقدر تروح لبنان لأن هناك راح تلقى

علاجها وأخذوها أخوانها لبنان وقبل بدء مرحلة العلاج بيوم صارت أحداث لبنان"الحرب"فرجعت المسكينه مره ثانيه وهم

كلموني تلفون عشان يقولون انها تعبت امس وماتت ".

أنا انصدمت وشوي وكنت بصيح.


كملت أمي وقالت:"تعرفين (فلان الفلاني) الدكتور"

أنا:"اي ,كمان هذا ايش فيه"

أمي:"كانت تتعالج عنده حرمه وطلع عندها مرض(............)[ما أتذكر أسمه]وعلاجها الوحيد أعزكم الله انها تقضي حاجتها في كيس عن طريق انبوب لمدة شهر واحد بس وتصير طيبه ,يعني زي مرضى الكلى .

الحرمه قالت بروح استشير اهلي واردلك خبر.

في الموعد الثاني قالت للدكتور اني ما اقدر اسوي العمليه سألها عن السبب قالت زوجي مهددني بالطلاق اذا سويت العمليه الدكتور انصدم وقالها في المره الجايه جيبي زوجك.

جت الحرمه ومعاها زوجها وحاول الدكتور ان يقنعوا بأي طريقه فقالوا:"لو انك انت الي مريض كان زوجتك مو بس رضت بالعمليه كمان كانت راح تغيرلك الكيس" .

قال زوجها :"انت مالك دخل بيني وبين زوجتي ,واذا تبي تسوي العمليه انا ما عندي مانع بس بالأول راح أطلقها".

عصب الدكتور وقالوا:"اسمعني انا بسافر الرياض عندي دوره لمدة 3شهور وعندك مهلة تفكر الين ما ارجع واذا رجعت وانت ما غيرت رايك انا راح اجي بيتكم وأخذ الحرمه وأسويلها العمليه حتى لو اضطريت اني اسحبها من بيتكم سحب".


لكم تتخيلون ملامح وجهي الرجال ما يبي زوجتوا تسوي العمليه عشان ما تروح وتجي بكيس وعشان ما يقعد معاها وبينهم كيس.

ايش رايكم في القصتين وهل في ناس زي كذا أو لأ؟؟؟

ملاحظه:
هذي القصتين حقيقيتين والناس نعرفهم.

انتظر ردودكم

صبا نجد

لا حول ولاقوة الابالله

نحن في زمن ضعف فيه الايمان وانعدمت فيه الانسانيه ..


الى هذا الحد وصل موت الضمير حسبي الله ونعم الوكيل ....

اختي صدقي اي شي في هذا الزمن يصير لاتستغربين شي

نحن في اخر الزمان ....


الله يعطيك العافيه اختي ويسعدك على الطرح الجيد لاهنتي


تقبلي تحياتي وكل الود

لك الغلا

لا حول ولا قوة الا بالله

صبا نجد
قصص مؤلمه ومحزنه بحق
ولكن هذا لا يعني ان كل الرجال ظالمين
يعطيك الف عافيه وننتظر جديدك
سهر

لا حول و لا قوة إلا بالله

عادي توقعي اي شيء في هالدنيا
اذا هذا يستوي في ايامنا الله يستر شو
الي بيصير في ايام الاجيال الجايه


صبا نجد
مكشوره على القصص الي تعور القلب
و الله يعطيج العافيه
ولا يحرمنا من جديدج



تحياتي لج

وردة العين

بسم الله الرحمن الرحيم


الأخـت الفآضلــ9 : صـبـآ نجد


لآ حول ولآ قوة ألا بالله
صرآحــ9 بعض القصص تثير كثير من التسآولآت لدى شريحه كبيرهـ من النآس
لآ أعلم هل ضآقت به الأرض عندمآ لم يجد من يطبخ ويهتم بأبنآئه في غيآب امهم
بدل أن يكون في جوآرهآ يطلب منهآ قطع فترة العلآج والعودهـ ألى العمل ..!
أشيآء غريبــ9 جدآ ومحيرهـ


الله يعطيك ألف عآفيه
كل الشكر والتقديــر



تــآيــقــر