بين صمت التجافي وأنهمار الغـرام !!

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]

كل ماضاق صدري سولفن الضلوع
سولفي ياضلوعي في ليال التعب
أسهري فوق جرحي وأشعلي هالشموع
وأن بغيتي حقيقة جرح قلبي عطب

بين نار الفـراق وسلسبيـل اللقـى
بين صمت التجافي وأنهمار الغـرام
هو بقى شي منـي يستحـق البقـى
غير ضيم الليالي وأنت عنـي تنـام
ايه أقلب قصيدي والظروف أمحقـى
شفت أخر محطاتـي وذاب الكـلام
والله أني وهمي صايريـن أصدقـى
مرتكز في ضلوعي من ثلاثة عـوام
ما أقاوم حضوره بالفؤاد أرتقـى
قادنـي للضيـاع وجرّنـي للظـلام
ماشي ٍ في طريقي ياحيـاة الشقـى
المسافة طويلـة والمحانـي حطـام
ياعدّيم المشاعر وبل دمعـي سقـى
وجهي اللي من اللوعات أضحى عدام
كيف ترسل حروفك في دعاو النقـى
وأنت تارك حبيبك في حياته يضـام
ليه خيبت ضنه خافـق ٍ بـك هقـى
عاش لأجلك وخلى في يديك الزمـام

سولفي وأن تعبتي صوتي للدموع
دمع عيني حلالك مالنا بالعتب
أستبيحي عيوني والشقا ألف نوع
وأمسحي دمع عيني في كموم النصب

آتمنى آن ينآل إستحسآن ذآئقتكم هُنا
تحيتي
,
,
[/ALIGN]

[/CELL][/TABLETEXT][/ALIGN]