وجع ابيض

مدخـــل.

الليل صمت وخاطر البوح مرتاب
كنّ الكـلام يخاف يلمس جروحي
.

من كثر مـا غنيت لليـل غيّاب
احتجت ألاقي في المواويل روحي

عمق

سما .. خوف الكلام اللي جرح هذا الحديث أنفـاس
بقايا الصوت من ضيقة عتـاب و غيبة أحبابي
.

سؤالٍ كـل مـا يطري يطير من الجفون نـعـاس
من اللي قبل ما يرحل ترك فقده على بـابي ؟!
.

متى صار التعب صوتي ؟! و هي هذي وجيه الناس
.. حضرت من التعب فيها و أنا الحاضر من غيابي
.

يا كـل الفقد من بدري غـصـون المغفرة يبّـاس
هنا الأصفر خذا شكل المـلام و جفف عتـابي
.

أحس إني وحيـد أكثر من أية وحـدة و إحسـاس
أخاف اضيع في الوحدة من الوحدة على مـا بي
.

يا آخر صمـت في صدري كأن الحـزن له حرّاس
و كنّـي لا تنهـدتك يردونـك و أنـا مـابي
.

كذا صار الوطن غربـة من الغربـة و لا ينـدّاس
أحـد ماله أحـد حتى ثيـابي مـاهي ثيـابي
.

نحلت و ما رحـل ليلٍ مـلا هذا السهر وسـواس
و لا ردوا مواويلي وهي توصـل لـ غيّـابي
.

كثير من الوجع أبيض .. كثير من الخضار إفلاس
كثير اللي بعد غابـوا خطـاويهم على تـرابي
.

أنـا لي حزن ما يفنى ورا هـذا السؤال أنفـاس
من اللي قبل ما يرحل ترك فقده على بـابي ؟!

مخرج

أمطري .... / غيمه ... وغَطّيني ... سديم
كلّ , / خَطوه ... مِنْك ... لـ , إحساسي ... [ عَدل ]

كلّنا .... / [ محتاج ] .... لشعور ٍ .... حَميم
الجزاء ..... فـ الحُب ..... مِنْ ..... جنس .... العَمَل

-لأرواحكم النقيه

أسطورة الحرف
سيد الشعراء
واخرتها ويياك يـ لييييل
والله انك في تقليب المواجع أرهابي
يا ويل قلبي والله ان الغرق حتى الممات الذ من النجاه
يـ ليت ما انخلق فراق وأنخلق التلاقي بس
يـ جعل من يلوومني فيك ما يلاقي من البشر من يرد عليه السلام

لله درك ثم لله درك يـ اعذب أحساس وارق مشاعر
لا غرابه اذا الترف أنت منبعه ومرساه والجمال كله
باااااااذخ في كل شىء هنا
صح نبضك وعطر همسك يا العذب

كلمآتهآ ججميله : (
وطرحك راقى!
تسلم يمينك خيي م قصرت
تقديري

غيمه تهطل بجمآل هنآ
شكراً محمله بكل أنواع العطور لأمتآعنآ شآعرنآ الأنيق
لآعدمناك ,,

الف شكر لمن تواجد
هنا وترك بصمته القديره والعزيزه
ماخلا ولاعدم من الجميع

المُختلف
وَ انـتقاء من بياض يّ أمير
يسلّم قلبك وَ كلك برقنا
الهي يسعدك وَ يديمك خيو