الا ياهل القلوب المظلمه واهل العقول الغلف

بسم الله الرحمن الرحيم
الشاعر مشعل عسام التريباني الشمري
((الا ياهل اقلوب المظلمه واهل العقول الغلف))14\3\1436هـ

الاياهل القلــــوب المظلمه واهل العقول الغلف(1)ترو حنا علـــــى سنـّة رســــول الله تربينا

وترونا نعرف الهرج المشـين من الكلام الولف(2)وترونا نعـــــرف ان اقـوالكم تخدم معادينا

وترونا نفهم اللـــي قدمنا واللـــــي يمين وخلف(3)وترونا نعـرف المبغض لنا ونعرف مغلينا

وترونامالنا مع مــــن عصالله ورســــوله حلف(4)وترومــن ينكر الســنه نحطه تحت رجلينا

قـــرينا فـــــي كتاب الله مهو فــــي كـلام الهلف(5)ولنا بالمصطفا قـــــدوه وغـــــيره مايقدينا

وترونا ماتطـيّرنا الســــــوالف بالهبوب الصلف(6)نهلنا العلم مـــن نهج النبــــي ياجاهلن فينا

امـــرنا الله في ســتر النساء عن كل منهج جلف(7)يقول ان النساء لازم مـــن الجلـباب يدنينا

الا ياهل الـــنوايا لو حلفتو خمــس مــــيئة حلف(8)كـــذبتو ماصـــدقتو ياسماسرت الشياطينا

تقولون الـتبرج للنســــــاء ســــــــنه وشيّن ولف(9)امـــــرتو بالمناكر ترتكب حينن بعد حينا

تكــــذب خالقك ياخايب الذمه بعد واتحلـــف(10)وحنا دايمن نقــــــــراء كتابه بين ايادينا

تكلم فــــــي كلامن مانعرفه مثل وقع الشــــــلف(11)ترا دين الله اكمله النبــي والناس دارينا