يا قلبي الطيّب كفانا شوق/ ما ودك ننام؟

يا قلبي الطيّب كفانا شوق/ ما ودك ننام؟
كافي علي إن عيني تدور على الدمعة عذر

اللي تحسونه خطا.. واللي تسوونه حرام
خافوا من الله واستروني واكسبوا فيني أجر

يا قلبي إنت أدرى وأنا مليت من كثر الكلام
اللي حلف ما يقدر يخليك خلاك وقدر

راح وتركذكرىوخذلانوتناهيد وملام
وجوال فيه محادثة وصور وزجاجة عطر

أمرها لكن مروري ما هو مرور الكرام
يا ما حلفت إني ما عاد أمر وأعود وأمر

ياخي بلاش من التعب ومن السهد ومن الغرام
إنسى لا تفضحني وتكسر هيبتي على كبر

صحيح إني ماني بخاف الليل وأخاف الظلام
لكن بعد ما غاب صرت أخاف لا طال السهر

وصحيح أنا حساس بس والله وعلي الحرام
ما كنت أظن بيوم من الأيام ببكي من صور

تهشمت روحي أحس إني بقايا من حطام
وإحساسي إنه ما درى عني مموتني قهر

شخصيتي تغيرت وأشعر بحالة انفصام
صرت انطوائي وأتحاشى الناس وأحب السفر

تشبث وتعلق بأي شي حولك والسلام
أنقذني وتلاحق الباقي من سنين العمر

يغني عن الحب ودروب الحب بعض الاهتمام
مثل ما تغني عن قصيدة كاملة فكرة شطر

سيل حبيبك مع دموعي ..وأقفل عيوني ونام
عذرتك الليلة ولكن عقبها ما لك عذر..!!

مما اعجبني

لــ /محمد جارالله السهلي

يغني عن الحب ودروب الحب بعض الاهتمام
مثل ما تغني عن قصيدة كاملة فكرة شطر


أنتقآءاكثر من رائع
وذائقه اكثر من عذبه
سلمت يآ مترف ,,

يالجمااال ذائقتك
يسعد لي قلبك وكلك

شكرا لك

شخصيتي تغيرت وأشعر بحالة انفصام
صرت انطوائي وأتحاشى الناس وأحب السفر
رووعه
سلمت الاحاسيس

قصيدة جميلة
واختيار في منتهى الروعة
صح لسان قائلها
وسلمت يمينك على النقل المتميز
لاهنت نبراسنا

نبراس
يسلّم قلبك وَ روحك شاعرنا المميز
ذائقه جميله وربك ، عوافي خيو
الهي يسعدك وَ يرضيك يّ بطل
،

شكرا ولاتفئ لكم يااحبه
على مروركم

شاعرنا القدير
قلبك يزهو بالرقي والذوق
وكلمات ذئقتك تفض بلسم من امان علي كل الحضور
شوقي لقرائتك كانت كشوق الصحارى للامطار
حروف رقيقه من انسان رقيق وذوق
لك تحيتي معطرةً بماء الورد الطائفى
لروحك الورد

سلمت يمين النُور
لِ ذائقتك إعجاب
يعآنق عنان السماء
ول ورحكَ جورية تحتويك

ذوق الحنان
رواء الروح
الله يعافيكن