القلوب اشجار

مدخل

تعالى نهيم
فى دنيا المطر والغيم
ولكنك
تخافين وتخافين وتخافين
وعندك شي تخفينه
وأنا أحب المطر .. وأنتى تخافينه
ولا أدرى سبب خوفك؟
ولا ظنك بعد تدرين!!
تخافين المطر
لا يبلل ثيابك
تخافين الرعد
لا يرعب أحبابك
تخافين أن لمع البرق
فـ عيونك يبان ما تخفين.
ابركض فالمطر وابتل
وأذا أرعبك المطر ليله
أنا أرعبنى الجفاف سنين




عمق





هذا الكلام جروح واوجاع واشواك
كنّي على طول السكوت مغصوبي


ازعلت ذولا..لجل يرضون ذولاك
لا مرضيٍ نفسي ولاهم رضوبي


تعبت اقلب في يديني هداياك
وتعبت اشاور توبتي في ذنوبي


لولا الزمن لولا الليالي ولولاك
ماصار طيبي دوب حبك ودوبي


هب الهوى يمك وبانت خفاياك
ولاعاد لك قلب يميل للهبوبي


اول عيوبك في عيوني مزاياك
واليوم ميزاتي بعينك عيوبي


وكانك تشوح اليوم منا ومناك
والله لا ارجع كل الانظار صوبي


وان قلت انا بنساك ياسرع مانساك
من قبل ينشف عطرك اللي بثوبي


الشمس باكر فيك وإلا بلياك
ماهيب لاموتي ولاهي غروبي


وإذا انقطع درب يجيبني بذكراك
كل الدروب اللي تودي دروبي



مخرج


مضى عامين
مامر بكلامي دمع
ولا مريتي بعيوني
يا انتي
اي حزن اللي تركتي لي
واي احساس
ياكل الارض
في قلبي .. وكل الناس
وش اللي فيك ماينحب
وش اللي ينكره واكره
تغيب الشمس وتشرق شمس
وبكره لو يجي بكره يصبح امس
مثل ماكان في يوم من ايامنا بكره
وترا اللي حب مايكره
اقول اسمك وينبت للمعاني قلب
وتحضرني اغاني حب
وقول الدنيا لسى بخير
اساميهم تجي وتروح
واسمك مايفارقني
يجي مثل البحر
ويروح مثل الروح
انا ماخترتك احاسيسي
والا خترتي تحبيني
يقولون المشاعر
في سماها طيور
وانا اقول القلوب اشجار
ومن متي كان الشجر يختار
رميت الورد طفيت الشمع
مضي عامين مامر بكلامي دمع





لاأرواحكم النقيه

وااااااااااااااو. هالانتقاء فتتتتتتنه وفتنننننني بجد


اهني هذاالصرح الراقي بوجودك ووجود امثالك

ذائقتك قمممممممة


شكرا لسموك بمدادالسماء

تستحق التقييم لكني اتواجد من خلال الموبايل وفيه صعوبة

احترامي

انيق الحرف
والحضور
والانتقاء
هذا انت عندما يولد من احساسك
نبض يتغنى به المشاعر بكل اللغات
شكرا لهمس انتقائك


كنت هنا

تعبت اقلب في يديني هداياك
وتعبت اشاور توبتي في ذنوبي


لولا الزمن لولا الليالي ولولاك
ماصار طيبي دوب حبك ودوبي

لوحه شعريه فآتنه
وذآئقه كــ المطر
أمتعتنآ حد الأرتوآء يآ أنيق
دمت بسعآده ,,

أبيات جميّله
احساس مرهف وانتقاء موفق
يعطيك ألف عاااافيه

شكرا كبيره لمروركم ياغالين
ماخلا ولاعدم

براق
يسلّم قلبك و احساسك على انتقائك العذب
شاعرنا الامير ، عوافي قد السماء
الهي يسعدك و يرضيك خيو
~

سلمت
ولاهنت

ااااااااااااااااااالله ااااااااااااااااااالله

ياااا جمااااال الحرف والنبض والاحساس هنا بس
يارووعة البحر ويعذبه وياااالذته ما تقول غير الشهد بحلوته

أسطورة الشعر
أنا شهد انه ما هو بجديد عليك بالعكس الجديد بك يتجدد
وصح لسااانك مليااااار وصح نبضك وكلك

كنت هنا لارتووي بعد ضمى