عيون الشوارع

مدخل


قبل أعرفك ... كنت تايه يا بريئه
و صارلي شهقة أمل إحساس صوتك
مالك أيت ذنب .. لكنّ الخطيئه :
تقتلين البوح و الجاني / سكوتك !!






عمق



من البارح و أنا أغنّي تعالي
تعالي يا بعد عمري تعالي ..


أنا واقف هنا جنب إنتظارك
أمنّي قلبي الحالم ليالي ..


تعالي ما بقت فيني ملامح
عثّى فيّ الحنين و ضاق بالي ..


تعالي ذبلت عيونالشوارع
تحرّى رجعتك يا راس مالي ..


تعالي و الليالي بعد .. هجرك
زقاير هم .. و يسولف سُعالي ..


تعالي ننفي الحزن / المواجع
و نشعل بالفرح صدر الليالي ..


تعالي خايف الحرمان هذا
يضايقني يقول أخذت غالي ..


تعالي مثل شهقة شوق تسري
بـ صدرك يوم أبطيت بسؤالي ..


تعالي و الله إنك لو تجيني
أبطل حزن و أبدا بـ إحتفالي ..


تعالي و الله إني في غيابك
نسيت الشعر و أعلنت إعتزالي


تعالي نستلذّ الدمع .. مرّه
أببكي لك على حالك و حالي ..


من البارح و أنا أغنّي تعالي
أمانه يا بعد عمري تعالي ..





مخرج




مين صاحي ؟!
ودّي أغني : صياحي ..
ودّي أنزع من صدر
/ هـ الأمل : كذبة نجاحي ..
ودّي لو مرّه يكون :
( الدمع ) يا عيني :
سلاحي !!




وشلون أبفرح و أنا جرحي مخاويني
___ و ما مرّني شي غير دموع ترثينا ..

من عام أدور على نفسي : أنا ويني ؟
___ من عام فاقدك / كثر أجمل أمانينا ..





لذوائقكم العذبه

ذائقه عذبه وَ جممميله كَ العاده
يسلّم قلبك وَ احساسك شاعرنا
الهي يسعدك وَ لا يحرمنا اياك يّ امير
~

روعه يسلم شعورك العذب
ولاهنت

أسطورة الشعر

اجزم ان لك في سماء الشعر
مكان لامع وظهور لا يخفى
على متذوقي الشعر
وأنا شهد انه ما هو بجديد عليك بالعكس الجديد بك يتجدد يا برااااااااق
وصح أنتقائك مليااااار وصح نبضك وكلك

ودّي أغني : صياحي ..
ودّي أنزع من صدر
/ هـ الأمل : كذبة نجاحي ..
ودّي لو مرّه يكون :
( الدمع ) يا عيني :
سلاحي !!
الجمال يختزل بين أناملك يآ مطر
تغدق علينا بما يروي ذآئقتنا
فشكراً لك ولروحك يآ سمو ,,

ي سلآم عالذائقة الشعرية المتميزة

صح احسآسك الراقي

كل التقدير لك

ممتن للجميع
ماخلا ولاعدم
+
قطعة سكر للجميع