‏من يلوم الغيم لو حدّر شمال

فرحان الظفيري

من يلوم الغيم لو حدّر شمال ***‏واتجه في ماه لجبال العروس

‏من يلوم الغيم لو حدّر شمال
‏واتجه في ماه لجبال العروس
‏هل خيره فوق دوّار الدلال
‏فوق حايل وارتوت ذيك الغروس
‏زين فوق جبالها برق الخيال
‏ضوح براقه علاجٍ للنفوس
‏عم خيره للنفود ولسهال
‏وامتلت من سيلها كل الحبوس
‏الله اللي مدها بابهاء الكمال
‏والذهب في وسط رمله والطعوس
‏كنها الخفره وتفتن بالجمال
‏بنت شيخٍ دللوها عيطموس
‏حايل الأمجاد وزحول الرجال
‏حي والله بالكرم من طيب روس
‏
‏⁧‫#فرحان_الظفيري

صح لسانه الظفيري وعساها امطار خير وبركه

لاهنت جنون الشوق على النقل
واعتقد مكانه المنقولات افضل

صح لسان الشاعر
وتسلم الايادي
ويعطيك الف عافيه
علي طيب الطرح

شكر جزيلا الساري وذوق الحنان
لتواجدكم العزيز

قصيدة جميله صح الله السان الشاعر شكرا
*-*

ابيات في قمه الجمال
اختيار جميل صح لسان الشاعر
شكرا

نقل جيد
يعطيك العافيه