عسا البارق اللي بالدجا يلعج العاجي

عسا البارق اللي بالدجا يلعج العاجي
تضحك مقاديمه وتبكي مواخيره

يهل الدموع وبسمته له توهاجي
ترزم مزونه وايسرتبه مواخيره

له في ديار الجود مسرى ومعراجي
ديار الرجال اللي لهم بالصخا سيره

اللي لهم في مسلك المجدمنهاجي
كرام اللحا واهل المواجيب والجيره

يحط الحمول بديرتن تبهج ابهاجي
يسقي محاجرها وتزهر نواويره

ريح الخزاما والبختري اليافاجي
يداوي جروح القلب والهم والحيره

مداهل بنات الريم عجلات الادلاجي
جوازين فيها من الخوف والذيره

بعيدٍ عن القيلات وانواع الازعاجي
مافيه كود الريم تمشي مغاتيره

وبعيدٍ عن انوار المدينه والاحراجي
وبعيدٍ عن اللي يرفع الضغط ويثيره

قفرٍ ترابه مامشى فيه دوّاجي
نسمت هواها ييقض الشعروايثيره

في حاجرٍ مافيه للهاتف ابراجي
ولافيه ضو ولاش لمبه ولانيره

هذا هوا نفسي وكيفي ومنهاجي
وباق المناوي ماشغل البال تاثير

مشعل عسام الغافل التريباني الشمري في ٥/3/1441هجري

شاعرنا الراقي
الفدير مشعل
يسعدني ان احجز مقعد بين كلماتك
ـويسعدني اكثر ان امر بحديقة سطوركـ الذهبيه
راق لي نزف قلمكـ المعطاء فوضعت بصمتي لاجلكـ

ودي وشذى الورد
في آنتظآر جديدك وبكل شوق

اختي ذوق الحنان
شكرالكي على المرور المميز والاطرى الله لايهينكي اختي الفاضله

يسلّم منطوقك شاعرنا العذب
إلهي يسعدك دومات يّ مبدع
~

صح بدنكي اختي

له في ديار الجود مسرى ومعراجي
ديار الرجال اللي لهم بالصخا سيره

مشعل التريباني ... يعطيك الله العافيه

وصح الله لسانك ولاهنت ..

شكرا لك..

"

شكرا شاعرنا على ماتفضلت به هنا لنا
من بحر احساسك صح اللسان والبوح
تقديري ::::

اخواني
اخواتي
شكرالكم جميعا علي المتابعه والاطرى

ابيات رائعه سلمت يداك شكرا

اميرالشمال
صح بدنك لاعدمناك يبعدي