قالوا حبيبك يسمع الشعر قلت أيه

قالوا حبيبك يسمع الشعر قلت أيه
يقراه بعيوني قبل تسمعونه

لولاه حتى طاري الشعر ما ابيه
مير أكتبه من شان خاطر عيونه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجي فيه
كن القصايد حالفه ما تخونه

هذاك لا منه زعل قمت أهاديه
حتى وهو مخطي تعذرت دونه

يمكن لو أنه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
وأنا من العام آتحرى مزونه

هو مادرى اني في غيابه محاتيه
ليته نشد عن حالي اللي يجونه

واقلبي اللي توه أفلت عراويه
كيف انسرق وضلوع قلبي حصونه

عجزت أرده كان ماني براعيه
يوم انتثر شوقه وهاضت شجونه

يبسن عروقي لكن اللي يعزيه
ان اكثر العالم تردد لحونه

خافو من الله لا تجيبون طاريه
لا صرت أنا موجود لا تذكرونه

لو كل غالي جابه الله لغاليه
ما شفت لك مخلوق تبكي عيونه


الشاعر متعب التركي

صح السانه الشاعر متعب التركي
وتسلمين ياغاليه نسمات على ذوقك

الشاعر متعب التركي
شاعر كبير وذو شجون
هو من بني عمي وزميلي بالتعليم
وله بالشعر خط معروف
فقصيدتي التي أقول بها
مفتوح باب الغلا مابيني أوبينك
لوهبت العاصفه ماتقدر إتسده
عندما أكملتها أرسلتها لإبني بندر
وقلت له أنا ياإبني لي خط بالقصيد
ومتعب كذلك وكل شاعر له
لكني أقدر أعمل زي قصيد متعب
أنا وغيري ولكن كل شاعر يجد نفسه
بمايحب....
قصيده رووووعه
نسمات أختيارك يعجبني
ودائما أحب أقرأ إطروحاتك
مع إحترامي لطرح الجميع يعجبني
ششسششكرا

اختيار موفق ومميز
شكراً

هلابك نســــــمات وأهنيك على ذائقتك الرااائعة ـ ماشاء الله تبارك الله
وأشكرك جزيل الشكر على هذا الإنتقاء الجميل
وأكرر شكري لكِ على اهتمامك بنقل اسم الشاعر
تحياتي لكِ لاعــــــــدمنا وجووودك.

تم التقييـــم

روعه يامالا العافيه الصافيه يارب

ابدع الشاعر في كل شي
رسمه بدقة وعناية
طرح راقي غاليتنا شكرا بحجم السماء

فصيده راائعه صح لسان الشاعر وسلمتي على الانتقاء المميز شكرا

ممتنة بحضوركم جميعا لكم تقديري وتقييمي

راقيه بذوقك الرفيع الله يرفع مقدارك