الام (تاج راسي )

[poem=font="simplified arabic,7,white,bold,normal" bkcolor="darkblue" bkimage="" border="double,8,darkblue" type=2 line=0 align=center use=ex num="0,black""]
ليتني أقدر على رد الجميل=لـ أمي اللي مستحيل ألحق جزاها
مستحيل ألحق جزاها مستحيل=الله يسعدلي صباحه مع مساها
والله إن المدح في مثله قليل=ليتني أقدر أحقق له مناها
الحنونه مالها شبه ومثيل=الله اللي عزها يوم إن عطاها
الرحومه هي لنا الظل الظليل=والحظيظ اللي قدر يكسب رضاها
العطوفه مانبي غيره بديل=وكل مانملك بها الدنيا فداها
علمتنا نعشق الصبر الطويل=وكيف نعشق دنيةٍ يتعب مداها
وعلمتنا مبدأ الحب الأصيل=وهي بدايات المحبه ومنتهاها
هي دواي الياغدا قلبي عليل=ووين ماراحت خذت قلبي معاها
لا أبعدت عني غدا جسمي نحيل=من غلاها بس أهوجس في لقاها
ولاازعلت مني وقامت بالرحيل=قمت أنا كلي ندم أطلب رضاها
هي أساس الخير جيلٍ بعد جيل=ومايشوف الخير مخلوقٍ عصاها
من عصاها عاش بالدنيا ذليل=ومن جفاها خاب يوم انه جفاها
لامتى تصبر على الحمل الثقيل=لامتى دروب العنا تركض وراها
تاج راسي جعل تاجي مايميل=نور عيني جعل عيني بس تراها
دمعتها مادمت حي فلاتسيل=والله ينساني إذا قلبي نساها
أدعي المعبود والمولى الجليل=كل ماصليت يحفظ لي خطاها
وياخذ بيدي على رد الجميل=لـ أمي اللي مستحيل ألحق جزاها[/poem]


الله يرحم الأموات ويحفظ الأحياء منهن

الله يرحم الاموات ويحفظ الاحياء منهن

الام ماغيرها بالدنياااااا

يسلم لسانك الشاعر يعقوب ماقصرت

صح لسانك يا شاعرنا واعتلى شانك ولا هنت من القصائد المميزة النادرة في الام

ابدعت اخي يعقوب فقد اجبرت القلم ان يروي احساس الورق
شكراَ لهذا الهمس الانيق للام الكريمه
اتمنى ان لاتحرمنا جمال حروفك
كل التحايا لك

هلابك يابويوسف وصح لسانك بلا حــــدووود
كتبت فأبدعت في حق من لايعادلها شيء في الدنيا
تحياتي لك لاعـــــــــدمنا وجووودك.

تم التنســـــــيق

صح لسانك ابيات راائعه شكرا

عشت على هالقصيده الصادقه للام
دمت
وسلمت

سلم منطوقك وبوحكم
شكرا بحجم السماء

صح لسانك وبنانك واعتلا شانك لاااهنت

وفقك الله وصح كلك يعقوب تستاهل الام الحنون

غفوة حلم
الله يسلمك
وحياك

جنون الشوق
تسلم كلك ذووووق

بنت القصيد
الف شكر
ودمتي بخير

هلابك ابو طارق
وصح بدنك
لاخلا ولاعدم يالغالي

امير الشمال
مرورك الاجمل