يامنتظرني لين اقول ارجوك

يامنتظرني لين اقول ارجوك أبا وأبا وأبا
يصعب عليّه نثر دم الوجه والحاجه مصير

أن كان من نظرات عيني ماعرفت اللي غبا
سقت الركايب والضماء يشوي مراهيف الضمير

الموت في دارٍ خليه ماوطتها الا الظبا
اخير من موت الكرامه في نظر عينٍ قصير

ماقول تكفا..لو تواشي همي انسام الصبا
اجيك مقداري كبير ولن رحلت أرحل كبير

ترفعني الشيمه وعز النفس والذل يهبا
أنسى أني احني هامتي واعيش في عينك صغير

يغنيني الله عن ذهب كسرى وعرشك ياسبا
وش زين مجلاسي تحت سقف السعف فوق الحصير

أحسب فصولك يالسنه زرقا وغبرا وشهبا
ومجهم ولال العبد عن ماقدره ربه مطير

كم من كريم شح دنيانا على كفه حبا
وكم من لبس فيها السمول الباليه عقب الحرير

ولاينصف الفلاح فى اللي بدده طيش الدبا
من الحلوم الا يلوذ برحمة الرب البصير

يامنتظر لين اسالك جيتك وفي عيني نبا
اقرأ عيوني ياخر الهقوه تشوف ابها الكثير

وأن ماعرفت القصد أعود بعزتي ماقول أبا
وأبقى غني النفس وانت اللي من احساسك فقير

اقتباس: المشاركة الأصلية كتبت بواسطة نسمات    ترفعني الشيمه وعز النفس والذل يهبا أنسى أني احني هامتي واعيش في عينك صغير

قصيدة معاني ابياتها جميله ورائعة
وخاصة مااقتبسته منها
صح لسان شاعرها وسلم بنان ناقلها
شُكراً لجنابك
تقديري

هلابك نسمات وأشكرك على نقل هذه الرااائعة
أهنيك على ذوقك وانتقائك الجميل ـ ماشاء الله تبارك الله
صح لسانك ولسان الشاعر/ة ولاعـــــــــدمنا وجووودك.

[blink]تم التقييم[/blink]

اختيار وانتقاء راق لي
سلمت ذائقتك نسمات

صح نقلك وعقلك والله يـعـطـيـك الـعـافيـــــــــــة
الله يسعدك

ولا ينصف الفلاح في اللي بدده طيش الدبا
من الحلوم إللي يلوذ برحمة الرب البصير

اقتبست هذا البيت لأنه فيه الفلاح
نقل رائع ومميز

قصيده فخمه لشاعر كبير
حروف كتبت بماء الذهب
أختيار رهيب وذائقه شعريه رائعه
الله يسعدك بما كتبته أناملك لنا هنا

اختيار ذوووق ياذووق يسلمو نسمات

واوو
سلمت الأيادي التي نقلته
نسمات
وصح لسان الشاعر
ذآئقة عذبة ومتذوقة أعذب

شكرا لكم على المرور العطر لكم تحياتي وتقديري وتقييمي