الجمهرة

إي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره



مايملي عيون الحسود بهالزمن غير التراب

ومن لايتوب من الخطا تحرم عليه المعذره



اللي من أولها خراب أكيد تاليها خراب

والبندق اللي ماتثور في هدفها تذعره



ودك اليامن جاتك الغلطه من الناس القراب

الصاحب اللي ماكسبت محبته ماتخسره



مشكلتي إني ماعرفت أحسب لصدتهم حساب

قلطتهم صدري على ذكرى قصيد وحنجره



صوت يصول بمنبره واخطاب مابعده خطاب

والطيبه اللي زعزعت صوت الخطيب ومنبره



مافيه دمع صوبوه أحبابي بوجهي وخاب

ولازرق حزني على غالي ولافج انحره



كل الزهاب اللي معي ذكرى من أصحاب الزهاب

واللي بقالي من عذاب اشرس طريقي وأخطره



لأني تجنبت الغرق.. عديت من فوق السحاب

لأن أكثر أصحابي ورق..ماشفت للطيب إثمره



والله ماحطيت بين الحقد والخوه حجاب

حتى غدوا ربعي يحدوني على الضيق أشكره



البارحه ثارت علي رقاب وأوتني رقاب

البارحه ياثقل دم البارح ويامحقره



أهب ياوجه الحسد وشلون جمعهم وغاب

كيف السنين اللي عطتني بعثرتهم بعثره



أثر المصايب ماتجيك إلا من الناس القراب

وبهالزمن حتى الخوي اللي تثق فيه أحذره



لابارك الله في رفيق ٍ تزعله كلمة عتاب

ولاجمع الله الرجال اللي تفرقهم مره


عوّدت نفسي كل ماشددت لليمّه ركاب

مأصد وجهي عن طريق إلا لياجبت خبره



الصاحب اللي مايجي من صحبته غير العذاب

نذر علي إن ماهجرني وإلا أنا اللي ب أهجره



من يفتح لفرقاي باب أفك له عشرين باب

وأذا خويي مايقدر خوتي ما أقدره



أن روّحوا فأنا بري منهم ليوم الحساب

وإن جرحوا قولوا لهم ماحركوا فيّ إشعره



شفهم لهم حول السنه ولا خذوا مني جواب

أحسن دوا للي يحاول يستفزك تحقره



انا جمعت أوراقهم بكتاب وأغلقت الكتاب

ياوقت لم اللي تلمه وأنثر اللي تنثره



ماكنت أحاتيهم صغيّير ..عاد أحاتيهم شباب

إن ما ذخرني صاحبي لليوم الأسود ما أذخره


عقب أكتئاب البارحه ماعاد انا حمل إكتئاب

الطيب جرجرني وانا ماني بناقص جرجره





اللي يخاف من الظما يترك لنا طرد السراب

واللي ماهو بقد الظلام ووحشته لايسهره



انا تجرعت الظما لين أحترق وجهي وذاب

انا كسرت بخاطري قبل الصداقه تكسره



انا خسرت اللي غيابه غير عن كل الغياب

انا غفرت لــعــالــم ٍ ماتستحق المغفره



انا أكثر ( أنـسـان ) تعلم من كثر ماأخطأ وصاب

انا أخر ( لــسـان ) يتكلم في زمان الثرثره



انا القصيد اللي نزع من دفتره مليون ناب

وانا الوحيد اللي جمع مليون ناب بدفتره



جفني وجرّحه السهر ، حيلي وهدّته الصعاب

دمعي هدر،ضحكي ندر،عمري وضيعت أكثره



شيبت بعقول العرب..هيبت روس ٍ ماتهاب

جمهرت ناس ٍ عمرهم مايعرفون الجمهره



ماصرت ذيب إلا لأن اللي حواليني ذياب

ما كنت أغيب إلا لأن العفو عند المقدره



ترى حلاتك لاحملت لصاحبك كلمة عتاب

أن مانطقت بها بوجهه ماتذمه بظهره



في هالزمن مايملي عيون الحسود إلا التراب

والا الحظيظ.. الطلقه اللي ماتصيبه تذعره



ودك اليامن جاتك الغلطه من الناس القراب

الصاحب اللي ماكسبت محبته ماتخسره

حامد زيد

صح لساانه حامد زيد
مبدع دائماا

انتقاء راقي ياراقيه ريم

قصيدة متفردة في تفاصيلها وصورها
انتقاء رائع وراقي
تحيتي وتقديري لسموك.

اقتباس: المشاركة الأصلية كتبت بواسطة جنون الشوق    صح لساانه حامد زيد مبدع دائماا انتقاء راقي ياراقيه ريم

جنون الشوق

لك نورٌ أينما حللت انتثر
فمرحبا بك بمتصفحي.

اقتباس: المشاركة الأصلية كتبت بواسطة إحساس رسام    قصيدة متفردة في تفاصيلها وصورها انتقاء رائع وراقي تحيتي وتقديري لسموك.

لا ارى ما يستحق التفرد
قصيدة تحكي تفاصيل الحياة
ومرور يترجم جمالك بين سطورها
المتفرد مرورك فقط.

روعه يسلم ذوقك ياغالية

نقل رائع من شاعرة رائعة ، الجمال لا ياتي الا بالجمال ..

شكراً شاعرتنا ريم،

اقتباس: المشاركة الأصلية كتبت بواسطة بنت البدو    روعه يسلم ذوقك ياغالية

هلا وغلا
منورة المتصفح اشكر تواجدك

اقتباس: المشاركة الأصلية كتبت بواسطة اسكادا    نقل رائع من شاعرة رائعة ، الجمال لا ياتي الا بالجمال .. شكراً شاعرتنا ريم،

اسكادا
منور بالمنتدى اينما وضعت ناظري

شاكرة لتواجدك المضيء