موطن المجـد .!

[blink][poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عيدك مبارك ياوطنّا بالانجاز=اللي يشرّف من كتبك وقرابك
ياموطني لوكنت بالحيل معتاز=ماابيع طيفك لوذبحني سرابك
ماجيت لك ياموطن المجد باعجاز=لكن تنفست الهواء في هضابك
اموت بك ماهو على النفط والغاز=لاوالله إلا لجل حفنة ترابك
ياموطني لو تنكسر صرت عكّاز=يرفع شموخك عن مواقع خرابك
جيتك ملبّي لك قبل لااسمع العاز=روحي فدا حدودك وساحة رحابك
حبك ماهوتمثيل واشعار والغاز=حبك على صدق الشعور احتفَى بك
دايم معي في عالم الكون تجتاز=كل العوايق في خريطة سنابك
مااهديت لك دمي بقربة وبرواز=اهديت لك عمري ولايصك بابك
عسَى غلاي اللي تشبّعت بك حاز=على رضاك ان كان يسمح جنابك
أما انا يكفيني الشوف بك فاز=دوك النظر وتشوف كيف اهتنَى بك[/poem][/blink]

هلابك يابوخليفة وصح لسانك ملاااايييين
وعيدك مبارك وكل عام وأنت بخير وصحة وسـلامة
معايدة رااائعة بحق الوطن لاعــــدمنا وجووودك.

[blink]تم التنسيق والختم والتقييم[/blink]