بلااااش العــناء .!

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
بدينـا بذكـر الـلـي ليـا مـن نـِفِـخ بالـصـور = قضَى الأمـر وألجـأ فـي ظلالـه وغفـرانـه
وبـَعَـدْهـا أبتـكـلـم بـقــولٍ يشــق الــنــور = فصيح اللسـان وعنـدي الشعـر وأوزانه
بلا مقدمات أبدأ بلاشي من الديكور = تعبنا وروح الشوق بالصدر حيرانه
مضَى لك شهر تلو الشهر والحشاء مهجور = ولاقلت لي بأسباب صدك وهجرانه
علامك عسى ماشر قل لي وصلك قصور = تركت الفؤاد اللي لعينك كما الدانه
وليفي آنادي لك وأنا داخلي مكسور = من أسباب صدك ذاب قلبي وشريانه
عليك الله أنظر كيف دم الفؤاد يفور = تفور العروق العاشقة منك ولهانه
ترى سلعة أهل المصلحة فاليدين تبور = وينشب بها الشاري ليا شاف ديانه
وترى الطيبين من العرب دارهم معمور = تدور الليالي العوج مااهتز سيسانه
عطيتك غرامٍ عن بنات الزمن مقصور = قصرته لجل يشملك خمره وكيسانه
أحبك وكل اللي مضى من خطأ مغفور = لجل قلبي المجنون فكيت بيبانه
تعال أحسم الموقف ومن خاطري معذور = على صدك القاسي ترى الروح شفقانه
بلاش العناء بلاش تشكي عذاب وجور = تعبنا نجامل والزمن زاد حرمانه[/poem]


كلمات الشاعر المبدع
[blink]معدّي نشـمي العتيبي[/blink]

تسلم ابو طارق
ويسلم السان شاعرها
يعافيك ربي

اقتباس: المشاركة الأصلية كتبت بواسطة ♥ غفوة حلم ♥    تسلم ابو طارق ويسلم السان شاعرها يعافيك ربي

هلابك غفوة حلم وأشكرك على تشريف الموضوع
سلمتي من كل مكروه ولاعـــدمنا وجووودك.

انتقاء طيب تعيش ابو طارق اسعدك الله
ويسلم قائلها

كل التحايا

اقتباس: المشاركة الأصلية كتبت بواسطة عانيتـ بسكاتـ    انتقاء طيب تعيش ابو طارق اسعدك الله ويسلم قائلها كل التحايا

هلابك عانيت بسكات وأشكرك على تشريف الموضوع
أسعدك الله ولاعـــــــــــدمنا وجووودك.

ياسلام عليك
صح لسانه الشاعر
ومشكور على اختيارك

اقتباس: المشاركة الأصلية كتبت بواسطة فوز    ياسلام عليك صح لسانه الشاعر ومشكور على اختيارك

هلابك فوز وأشكرك على تشريف الموضوع
صح بــدنك ولاعــــــــــــدمنا وجووودك.

جمبل سلمت يداك شكرا

اقتباس: المشاركة الأصلية كتبت بواسطة أمير الشمال    جميل سلمت يداك شكرا

هلابك يالامير وأشكرك ع حضورك
لاعــــــــــدمنا وجووودك.