حلم الدغيثر

[blink][poem=font="simplified arabic,7,white,bold,normal" bkcolor="darkred" bkimage="" border="double,8,darkred" type=2 line=0 align=center use=ex num="0,black""]
بالحلم شفت الزين سيد الغنادير = شفته وانا في لذة النوم غافي

شفته وسلهم بالعيون المخادير = وارخى اللثام وبان ماكان خافي

قال السلام وقلت مسيت بالخير = وشفيك ياسيد الغنادير جافي؟

قال الزمن غدار وابغى المعاذير = صحيح جافي لكن اليوم وافي

قلت العذر ماينفعك توّك صغير = اصبر تعلمك الليال العجافي

قال العواذل دبّروا لي تدابير = وطاوعتهم حسبي على كل هافي

واليوم جابتني صدوف المقادير = وابشر بقلبٍ صادق الود صافي

قلت الله اكبر عقب ذيك المشاوير = توّك تجي عقب القسى والتجافي

ماجيتني يوم الليالي معاسير = مابيك مادام الليالي عوافي

في مامضى نتعب على دربك السير = واركض على دربٍ مشيتوه حافي

وارجيك رجوى راعي الطير للطير=اللي غدا طيره بجو الفيافي

واخترتكم من بين كل الطوابير = وكم واحدٍ لجلك تركته خلافي

وكنت اعترف لك بالغلا دون تقصير = وغيرك تمنى شوفتي واعترافي

يازين مالك عندي اليوم تقدير = حل بمحلك واحدٍ عنك كافي

ماعاد والله فيك ادير التفاكير = غلاك عندي نوره اليوم طافي

وجلس ودمعه فوق خده شخاتير = يبكي على ذيك الليال المقافي

وفزيت من نومي واردد عسى خير = والله من حلوم الليالي يكافي

وتعبت ماحصلت للحلم تفسير = لاعاد حلمٍ جابه الليل لافي[/poem][/blink]

هلابك نسمات وصح لسانك ولسان الشاعر عبدالله الدغيثر ملااااييين
أعجبتني وقرأتها عدة مرااات وارتويت شـــــــعر
أهنيك ع ذوقك وأشكرك على نقلها جزيل الشكر
[blink]وأكرر شكري لكِ على اهتمامك بنقل اسم الشاعر[/blink]

تقديري لجهودك لاعـــــــدمنا وجووودك.

[blink]تم التنسيق والتقييم[/blink]