البــوووح .!

[poem=font="simplified arabic,7,white,bold,normal" bkcolor="indigo" bkimage="" border="double,9,indigo" type=2 line=0 align=center use=ex num="0,black""]
الضيقة اللي تَحْبِس الصدر والروح=تعلّقت بي من سبايب جروحي
احسها بين الحنايا لها ضوح=والصدر من بركانها فاح فوحي
تقل تقلّبني على شاطئ النوح=وتجبرني اسبح في بحرها وانوحي
أَبني من الآمال باحلامي صروح=وتلم بي فجأة وتهدم صروحي
تجتاحني مرات ومرات بتروح=وليا لفت فجّت معاليق روحي
تفل جوفي لين يغريني البوح=وترقى على صدري وتغتال بوحي
عيني لها عن لذة النوم ساموح=وقلبي تآكل به سمومٍ ذحوحي
احاول اخفي لكن الوضع مفضوح=ودمعات عيني امطرت بالوضوحي
تركتني وابعدت من غير مصلوح=وانا على وصلك ضميٍ شفوحي
صورتك مازالت على الناظر تلوح=والبعد والهجران حطّمَ طموحي
تعال لاتبعد ترا القلب مجروح=طبه بقربك يالبخيل الشحوحي
اما تجي وتطيّب النفس والروح=وإلا تروح وجعل دربك سموحي
وانا لي اللي باعثٍ بالهدى نوح=يبدّل الضيقه بوسع وشروحي
يالله ياللي ملهمٍ بالجسد روح=ترزقني التوبة قبل نزع روحي[/poem]

كلمات الشاعرة المبدعة
[blink]قمرا ســــــــماهـ[/blink]

تسلم الشاعره قمرا
ويسلم اختيارك وذوقك ابو طارق

ابو طارق الشمري
سلم راسك واحساسك على هذا النقل
دائماً قصائدك لها وزنها ومعناها..
نحن نتعلم من منقولاتك كيف يكون الشعر.

شكرا لجنابك

اقتباس: المشاركة الأصلية كتبت بواسطة ♥ غفوة حلم ♥    تسلم الشاعره قمرا ويسلم اختيارك وذوقك ابو طارق

هلابك غفوة حلم والف شكر لكِ على تشريف الموضوع
سلم ذوقك وروحك ولاعــــــدمنا وجووودك.

اقتباس: المشاركة الأصلية كتبت بواسطة ريم الشمري    ابو طارق الشمري سلم راسك واحساسك على هذا النقل دائماً قصائدك لها وزنها ومعناها.. نحن نتعلم من منقولاتك كيف يكون الشعر. شكرا لجنابك

هلابك ريم شمر ورفع الله مقدارك وألف شكر لكِ على تشريف الموضوع
سلمكِ الله ولاعــــــــدمنا وجووودك.

قصيده راقيه لشاعره متمكنه

تسلم الراقي ابو طارق العزيز

اقتباس: المشاركة الأصلية كتبت بواسطة جنون الشوق    قصيده راقيه لشاعره متمكنه تسلم الراقي ابو طارق العزيز

هلابك اخونا الغالي جنون الشــوووق ولك الشكر الجزيل على تشريف الموضوع
حضورك راقي رفع الله مقدارك ولاعــــــــدمنا وجووودك.