{مســاجله شعريه لأهل الشعر والشعراء} الجــزء الثــاني

يبدو إن الشوق وصَّاني عليك وصاية
‏لا اللقاء يشفي غليل.. ولا المعانق كافي

‏ما بعد قربي وقربك من بعضنا غاية
‏وش ورا عطرك بـ ثوبي وشْعرك بـ أكتافي .

‏يميّز الانسان .. عقله وثقله
‏وانا بعمري ماتصنعت ثقلي
‏اخاطب الجاهل على قد عقله
‏واخاطب العاقل على قد عقلي..

" لا أحَد يُرافِقك إلى الغُروبِ،
‏ إلا مَن رَآك شُروقًا يَستحِق الإنتِظَار "

‏ربي عطاك اللي احبه .. والتقيت
‏بـ احلام عمري لين حبيت بـ غُلو

‏ماجيت أحبك والله إني مادريت
‏الا و حبّـك سر .. و ضلوعي دلـو

‏لو كان بك عذروب يمديني سليت
‏المشكله قلبك مثل وجهك حلو .

وجهك اللي مستعد اعيش له واموت حوله
‏يا كثر مافي " تفاصيله " وجودي وانعزالي

‏والعيون اللي قبل شوفك من الدنيا ملوله
‏صار يملاها الشغف حتى وانا اشوفك قبالي

‏الحظيظ .. اللي لقى بعيونك النجلا قبوله
‏من يلومه لا زهد في الامنيات وفي الليالي .

ياكثر ماني في غيابك توجعت
لين الوجع خلاني إنسان ثاني

يمين الكفو تصنع بطولات من لا شي
‏ويمين الضعيف يموت ما حركت ساكن