[ ديوآن الشـآعر / عيادة الجهيلي ]

( أمي )

بشّروني عن امي ياهل الدوحه
ياعساها بخير ووضْعها طيّب

والله إن الحِزِن يجتاحني نوحه
ليتني حولها موجود وقريّب

المواعيد مكسورة ومجروحه
والهقاوي تغث الصدْر وتشيّب

خادمك فدوتك قلبه على روحه
كل حاجه تبينه دوم متْهَيّب

الليالي قِسَت والنفْس مذبوحه
والمواعيد فيها الغبْن متْسيّب

المشاعر عن امي أوجعه بوحه
والوجع يودع الرجّال متغيّب

المرض لايجيها وابْعِد بْشوحه
ياإلهي طلبتك وانت ماتْخيّب