[ ديوآن الشـآعر / عيادة الجهيلي ]

( مدْح حاكم )

إنتخَى بي قرْم مطنوخ وْ وليده
قلت آمر قال آمر ما تِكَفّي

قلت عطني العلم قال ابغَى قصيده
قلت منهو فيه قال اللي بْصَفّي

شيخ والشِيخة مهي توّه جديده
شيخته يوم الأمن شبه مْتَخَفّي

يوم شيخ القوم مايامن عبيده
ويوم ولْد العَود عينه ماترفّي

قلت حاكم قال هو يِشّر بإيده
مدح حاكم هو هَوَى بالي وشَفّي

قلت هذا الشعر يستأذن بَرِيْدِه
والقصايد في شموخه ماتْوَفّي

هيلعٍ واكبر من الساحة رصيده
والعَلَم باسْمه على القمة يرفّي

#عيادة_الجهيلي