[ ديوآن الشـآعر / عيادة الجهيلي ]

( ولد وايل )

العذر والله يابوخالد وانا اللّي
عذري معي أكبر من الأرض والشمس

سالم وسالم فوق بالمستقلّي
من خلقته والمجد يرمس معه رمس

هذا ولد وائل ودوم مْتعلّي
من قبل يِخلق صانع الجيب والجمس

هذا ابوخالد إذا قلت من لي
يقول انا والصوت عالي مهو همس

ونخيت لي غالي برتبة مضلّي
حلالها يوم الهقاوي بها عمس

عبيد ماتلقاه وقت التسلّي
تلقاه لاغال الردي براحت الخمس

مايتّقي يااهْل الطريق المولّي
لو في طريقه نمر والا ولد نمس

كحيلان قل لي وش حصل أمس قل لّي
مديرنا زعلان والا رضي أمس