عطيني 500 ريال وأعلمك زوجك متزوج عليك وإلا لا

06-17-2007, 09:43 AM

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلوها المدرسات: ســلامــات ... وينك يا مديرة ؟

قالت لهن باركوا لي تراني تزوجت!!
قالن: مبروك يا مديرة ولكن منهو زوجك ؟.
قالت لهن: بصراحة زوجي هو زوج وحدة منكم!!!!!!!!!!!!
قالن المدرسات: تكفين علمينا أي وحدة فينا ؟

قالت المديرة والله ما أعلمكم !!!!!

المهم لـزززززمَّن عليها ...... فقالت لهن: أنا منيب متكلمة!!!!! اللي تبي تعرف هل هو زوجها وإلا لا !!! تجيب بكره معها خمسمية ريال !!! وإذا جت توقع،،، تحط الخمسمية على الطاوله،،، واللي آخذ خمسميتها فتراه مهوب زوجها!!! واللي أخلي خمسميتها على الطاولة ولا آخذها،،، فتراه زوجها!!! لأنه عيب علي أتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكره......... وكل وحدة مزهبه معها الدراهم.

جت ألأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة الـ 11 ...... وبدت المديره تأفف !!!!!
المهم قامت المدرسة وحطت الدراهم على الطاولة.... وقالت لها: تكفين خذيها يا مديرة!!!!
قالت المديرة: اعذريني!!!!!!!
قالت المدرسة: كانها قليلة حطيت ألف بدال الخمسمية!!!!!
قالت المديرة: أووووووووووووه ... معليش ... أثرك أنتي جواهر .... والله اني آسفه غلطت!!!
يوم تنفست المدرسة الصعداء ..... وقالت: الحمد لله، يعني بتاخذين الفلوس؟؟ المهم اخذتها المديرة .

ودخلوا بقية المدرسات حتى الـ 23 والمديرة تلعب بأعصاب كل وحده وفي النهاية تاخذ الخمسمية .

المهم بقي مدرسة وحدة فقط ما جت!!!! يوم اتصلوا عليها المدرسات... هاه وينك يا استاذه؟؟؟
قالت المدرسة الغايبة: والله اني تعبانه وماني جايه اليوم!!!! هاه قولوا لي من اللي صار زوجها اللي متزوج المديرة؟؟؟؟
قالن: لين الحين مابين شي.... والمديرة عيت تاخذ الفلوس لين تحضر كل المدرسات ( يلعبون عليها!!! بس يبونها تجي عشان يتطمنون إنها هي.... لأنه مابقى إلا هي )
وقالن المدرسات: لازم تجين تكفين الله يرحم والديك!!!

المهم جت تسحب رجليها بالقوة ..... ويوم جت تدخل ..... لقت المدرسات كل وحده مبسوطة انها مهيب إهي.... وبدوا يسمون على المدرسة الـ 24 عشان ما تنصدم !!!!
دخلت المدرسة الأخيرة غرفة المديرة .... وحطن باقي المدرسات ايديهن على قلوبهن .... وحطت المدرسة الخمسمية على الطاولة .... ثم قامت المديرة وضفتها!!!!!
يوم طلعت !!!! لقوها عايدية وكنه ما صار شيء... وفلوسها أخذتها المديرة .

قالن : يا بنات فيه وحده منكم ما خذت المديرة دراهمها ؟
قالن: لا والله .... كلنا اخذت دراهمنا !!!!!

ودخلن المدرسات كلهن على المديرة ،،، وقالن: أخذتي الفلوس من كل المدرسات!!!! تلعبين علينا ؟؟؟ منهو زوجك؟؟؟

قالت المديرة: المهم الدراهم ( 12000 ريال ) ما راح ترجع!!! وأنا والله لا تزوجت ولا شي... لين الحين عزوبية.... ووالله كنت مريضة هاليومين..... ولكني اطططلللبببككككم قبل شهر تدفعون على مية ريال نصلح المصلى ولا وحدة منكم دفعت!!!!
قلت والله لأدفعكم 500 ريال نصلح المصلى ونشتري مصاحف وقف للمسجد !!!!!!!!!!!!!

قالن المدرسات : ببببـّردَها الله بالعافيه فداك الدراهم.... ولو تبين زود عطيناك ....هو صدق ....بس رجالنا ما تزوجوا علينا.

الموضوع ملطوش بـ 500 ريال
واللي بيلطشه يحط 1000 ريال قبل اللطش

06-17-2007, 10:14 AM

ههههههههههههههههههههههه
ضحكت بصدق الله يسعدك
كذا انا ياحريم لو نحس بس بحركه غريبه ونشم ريحة زواج نموت من الخوف
بس والله عرفت تلعبها صح هذي المديره حتى المريضه جت ههههههههه
بس بقولك شي مابي الطشه عشان مادفع بكتبه بخط يدي
كل الشكر والتقدير لك
ويعطيك العافيه يالغلا

06-17-2007, 10:29 AM

دهاء وحنكة حواء

البندري

شكرا لك علي نقلك

06-17-2007, 12:38 PM

ههههههههههههههههه

مديره ذكيه عرفت نقطة ضعف الحريم

البندري
شكرا على موضوعك الرائع
يعطيك الف عافيه ويسعدك دوم
سهر

06-17-2007, 10:48 PM

بسم الله الرحمن الرحيم

الأخـت الـفــآضــــلـه / الـبـنـدري

ذكيه حيل هالمديرهـ
وينهآ بخطبهآ هههههههههههاااي
الله يعطيك ألــف عـآفيــه على هـ المـوضـــُـوع
شــآكــر لك روعــة سـطــُـوركـ الـنـيّـرهـ
في أنتظــآر جــديـدكـ
كل الشكر والتقديــر

دمـــــــــت . . . بــــــــــــود

تـــآيــقــر

06-18-2007, 10:55 AM

تسلمون يا بعد حيي على الردود ماقصرتوا ربي يسعدكم

واللي لطش منكم يجيب 1000 ريال

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
	صور الذكاء الاصطناعي بقلم : نسمات

الذين يشاهدون محتوى الموضوع الآن : 1 ( الأعضاء 0 والزوار 1)

(عرض الكل) الاعضاء الذين شاهدو هذا الموضوع: 0
لا يوجد اسماء لعرضها