التهريب ساااابقا وما تخلله سوالف وقصايد

[align=center]السلام عليكم ورحمة الله وبركاته

مسااااااااااااااااااكم الله بالخير والرضا

نتحدث عن حقبة التهريب والمهربين والفروت والهافات00الحقبه التى عاش فيها بندر بن سرور رحمه الله

لكن هذه المره الابطال غير

اترككم مع الموضوع واتمنى ان يرتقى لذائقتكم الموقره

قبل أكثر من خمسة عقود مضت تقريباً كان الدخان (السجاير) ممنوع بيعه في المملكه العربيه السعوديه ولكن كل ممنوع مرغوب وكان هناك من يحقق هذه الرغبه رغم خطورتها وهم (المهربين) وكانوا يهربونه عبر النقاط الحدوديه على الهافات والفروت(انواع سيارات) معرضين انفسهم وحياتهم للخطر مقابل حلمهم في الوصول الى الثراء سريعاً.. وكان يتصدى لهم في ذلك الوقت عسكر النقاط الحدوديه.. وكان من اشهر النقاط في ذلك الوقت نقطة( ابرق الكبريت) بين السعوديه والكويت وكان غالبا ما ينفذ المهرب وحملته وقلما يقع في ايدي العسكر الحدوديين واسباب ذلك هو مهارة هؤلاء المهربين في القياده وكذلك سطوتهم وجسارة قلوبهم التي لاتعرف الخوف.. وهذا المؤهل الوحيد المطلوب في عملهم .

لم يستمر الوضع كما هو عليه !!

تم تعيين عسكري جديد في نقطة ابرق الكبريت واصبح شبح رعب لهؤلاء المهربين..

من هو هذا الذي بث الرعب في قلوب المهربين وحدّ من تهريب الدخان وغيره الى السعوديه.. من هو هذا الجندي المرعب

هو رجل اسمر اللون يدعى / سعيد ابن ودمــان..!!!

تعالوا لنرى ماذا دار بينه وبين المهربين من قصائد قيلت تحت ظروف قد يكون بعضها تحت اطلاق النار.. ورغم كل ماحدث كانوا يحترمون بعضهم ويقدرون شجاعة بعضهم .. وقد سئل ابن ودمان عنهم يوما ما وقال ( ونعم الرجال الله ربي وربهم) ..

في بداية تعيين ابن ودمان في نقطة ( ابرق الكبريت ) كتب قصيده وهو في مكتبه ووضعها في درج طاولته ولكن القصيده تسربت ووصلت الى المهربين يقول سعيد ابن ودمان في قصيدته [/align]


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
ياهـل الهـافـات عنـتـر نــاش جـاكـم = وا عنـا مـن صادفـه ضـرب امخليّـه
لعنـبـوكـم هـونــوا جــاكــم عـنـاكــم =جاكـم المـوت الحـمـر مـاهـي زريّــه
هـفـوة ٍ زلّــت لـكـم وإكـلـوا (......)= بـيـعـوا الـهـافـات بـأقـيــام ٍ رديّــــه
وإعلمـوا وإدروا تـرانـا فــي قفـاكـم =ومـن يقـاوي لـه جبـل مـا راح نـيّـه
يـاهــل الـهـافـات عـابـيـنـا عـبـاكــم =الـفــروت جـــداد والـعـزبـه قــويّــه
يـاهــل الـهـافــات خـيّـبـنـا رجــاكــم =نحـمـد الـلـي قـدرتـه مـاهـي خـفـيّـه
بيـعـوا الهـافـات ردوا فــي سـراكــم =خـلّــوا الـسـمـره وطّـــوال الحـنـيّـه
الـدهـر ذعــذع لـكـم ثـمــن جـفـاكـم =وإفهموا وإدروا ترى في الجحر حيّه
خـسـرت الـشـركـة وخيّـبـنـا ثـنـاكـم =وبعضكـم بالقسـط مـا خـلّـص وديّــه
يـاهـل الهـافـات حـنـا مـــن وراكـــم =والـسـعـد قـدامـنـا فـــي كـــل هـيّــه
تحـت حكـم اللـي عـن المنكـر نهاكـم =عـن طريـق الـديـن تلـقـون المنـيّـه
عندنـا اللـي يمـرجـن بـاقـي شـواكـم =خـمـسـه وسـتـيـن ضـــد الجنـدلـيّـه
والـذي هيّـض غرامـي مـن خطـاكـم =هـرجـة ٍ مــن واح ٍ جـتـنـي خـطـيّـه [/poem]


[align=center]عندما تسربت قصيدة ابن ودمان ووصلت للمهربين وسمعها واحد منهم اسمه( فهد الكحيلي) ورد على ابن ودمان بستة ابيات.. قد يكون اكثر ولكن هذا اللي الموجود لدي .. [/align]


[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياهل الأبرق تبين لـي خطاكـم =والخطا راعيـه يقنـع بالخطيّـه
يا عوينك وارد الستـه لفاكـم =وعنترك خربان والخمسه رديّـه
كم ونيت لا كمل حمله وطاكـم =وقـاعـد بأرقابـهـن (؟؟؟؟؟)
وإن لحقتوا موتره عنده دواكم =أرنب حمـرا عيـون مجادعيّـه
من قديم وسلمها تاكـل (.....) =فعلها في جدكـم لا رحـم حيّـه
إن بغيت الصلح جاكم ما كفاكم =وإن بغيت الزود رد العلم ليّه[/poem]


[align=center]ودارت الايام والحال كما هو عليه ..والمنافسه والقصيد على اشده ..

وفي يوم من الايام تمكن ابن ودمان والقوه اللي معه .. وطرحوا لهم مهرب على (هاف جديد 66م) ولكن هالموتر الهاف السته وستين من هو له؟؟




كان لولد عم فهد الكحيلي وهذا اللي خلى ابن ودمان يستغل هالموقف ويرد القصيده هذي :- [/align]


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يا سلاح الحد يوم الله عطاكم =لا تهابون الخطر والمخطريّه
خلوا الرشاش مركوز حداكم =والمخازن وسطها النار الصليّه
يالكحيلي وارد الخمسه خذاكم =وستتك مع حملته ما راح نيّه
ربعنا صادوه عانه من وراكم =ما مشى ياكود ألف وخمسميّه
والعناتر يالكحيلي في حراكم =والفروت الحمر وجنود السريّه
يالكحيلي ما مشينا في رضاكم =إن زعلتوا أو رضيتوا بالسويّه
ياهل الهافات ما خذتوا قضاكم =ما بكم قاصر ولكن معجزيّه
والكحيلي في قصيده ما كفاكم =دوروا غيره ترى الدنيا هبيّه
ياهل الهافات تالي منتهاكم =والله إنه عند سلك العسكريّه
مثل ناس قد وطاهم ما وطاكم =فعلهم كنه عملكم بالسويّه
أو نسفركم ونسلم من غثاكم =والحكومه دونكم والله غنيّه
إن مشيتوا بالسنع محد شناكم =ما يجازى واحد ماله قضيّه
وإن عصيتوا الأمر معروف جزاكم =بأمر شيخ ما يبى راعي الخطيّه
والحكومه رتبتنا في نحاكم =نمنع المنكر عن أفراد الرعيّه [/poem]


[align=center]وبعد هذا الحدث بمده .. وعندما دخل سعيد ابن ودمان الى مكتبه في نقطة ابرق الكبريت لقا على طاولته ظرف رساله ولااحد يدري كيف وصلت الرساله هذي لمكتب ابن ودمان وعندما فتح الظرف ابن ودمان وجد به قصيده من شخص اسمه صعفق ابن عبيد ويقول ابن عبيد في قصيدته :- [/align]


[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الخوف لو ضد بالجزمات =ما نشركه مذهب شيوعي
أموات حنا عيال أموات =مضمون ما باقي الدوعي
وعبيد ورّد لنا الهافات =عنده ترى البيع ممنوعي
هافات خمسات والستات =يالعبد يا قاصر البوعي
جميع يمشن وألا أفوات =والرزق ماهوب مقطوعي
بلا دفاتر ولا لوحات =والخط ماهوب مشروعي
مرن على العبد بالساعات =ما فاختن شوفه أسبوعي
يالعبد مرن عليك افوا ت =وكبوت عنترك مجدوعي
عنترك مخشوش بالغابات =مسبوع وأبوك مسبوعي
هافات ما خافت العادات =كم طنب للهاف مشلوعي [/poem]



[align=center]مرّن على العبد .. كنايةٍ على ان ابن ودمان من اصحاب البشره السوداء وفي هذا البيت استفزاز وتقليل من صفعق.. لشان ابن ودمان.. وهذا مردوده للمنافسه وليس صحيحاً لان ابن ودمان بلاشك كان به من الشجاعه والإقدام على الخطر مايوازي شجاعة المهربين او يفوق بعضهم وهذا بشهادة المهربين انفسهم..


طبعاً عندما قراء ابن ودمان القصيده التي وجدها على مكتبه رد بقصيده على صعفق واعتبرها قصيده لاتقل عن قصيدة عبيد قوه إن لم تكن اقوى يقول سعيد ابن ودمان :- [/align]


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
ما ينفـع الـدس والحيـلات =والكذب راعيـه مصروعـي
ومن زيف الكذب مالـه ذات =حتى ولـو كـان مطيوعـي
مانيب مـن يتبـع الغـرات =والوجه مـا فيـه داموعـي
أدرا قصيري عـن الـزلات =ولا نيـب خايـن ودانوعـي
عبـد ٍ ولا يتبـع الغفـلات =وراسي مع الناس مرفوعـي
وألا أنت عندي عليك إثبـات =في جارتك جعلـك الروعـي
فعلـك قبيـح بوقـت فـات =واليـوم مثنـي ومربوعـي
ياعبيد يا امجمـع الخـردات =من كل هيـس وصعصوعـي
تراك مـن سالـف الأوقـات =دلال مـا نلـت مشروعـي
فعلك تشيـك علىالحمـلات =في كـل منكـر وممنوعـي
حذفكـم المهـدي بنشبـات =حطـك منشـه ومشنوعـي
حتى إبن شرهان يا حسرات =يلعـب بكـم دون منفوعـي
وأخوك بالحبـس والحـرات =حول مـن الجـو للقوعـي
لعب به الوقت لعـب الـزات =ما نيب شامـت ومفضوعـي
ولا نيب أحب أكشف العورات =ألا ليـا صـرت منيـوعـي
لا شك دونك هـل العـادات =شربوا من الجـم قرطوعـي
مثل الصبي قاضي الحاجـات =طيبه مع النـاس مزروعـي
عليه شرهه ولـه شرهـات =أيضا ولا هـوب سعسوعـي
نجزي هل السـو بالسيـات =ولا نيب فالنـذل مخدوعـي
ونجزي هل الطيب بالحشمات =وكل لـه القـدر مصنوعـي
وهديتك يـا عميلـي جـات =ودرب الحيا صار منزوعـي
ياعبيد قل لصعفـق هيهـات = مـاراح ماهـوب مرجوعـي
ومسكين يـا ناظـم الأبيـات =قوالهـن مالـه اضلـوعـي
ينبـح وينخـش بالمنحـات =خبـل مـن العـقـل (؟؟؟؟)
كلمة عقـل مابهـا حوفـات =لا شك من راس مصدوعـي
وكثر التحوص مـع اللفـات =مـا تعتمـد كـل رعروعـي
والمعركـه وسطهـا قـوات =يدخـل بهـا كـل مقلوعـي
كانك تبى الحرب هاك وهات =ولا تجعل القـاف مبدوعـي
وبأنصحك عن ضايع الهقوات =تصبح على الخشم مقموعـي
ولا تنطح المـوت والغبـات =ولا تحسب الغـب ناقوعـي
يا عبيد ما صار لك نوهـات =ما غيـر للتتـن جاموعـي
وخسران لو كان لك هافـات =قلبك مـن الغبـن منقوعـي
هذا الجزا كان لـك رغبـات =وترى الزعل دوم مرفوعـي
والله لـو طالـت الـمـدات = ما أزعل ولا نيب جازوعـي
أيضا ولا أحتـاج للفزعـات =وإسمي على (؟؟؟) مطبوعي
إن كان عدتوا لنـا عـودات =والـدار ماهـوب مقطوعـي
وصلوا على سيـد السـادات =اللي علىالخلـق مرفوعـي [/poem]



[align=center]واستمر الحال على ماهو عليه .. وابن ودمان لم تفتر عزيمته واصراره .. على القيام في واجبه الوطني


وحصل ذات مره ان اجتمع المهربين ومعهم قصيده كتبها احدهم واسمه (ناجي) ويريدونها ان تصل الى ابن ودمان ..فما كان منهم الا ان مروا على المركز ورموا بتلك الورقه التي فيها القصيده ويقول ناجي في قصيدته :- [/align]


[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياهل الهافات زيدوا سعرهنه =إشتروهن نقد وألا بالقصودي
ما حلا مرواحهن بحمولهنه =جاوزوهن غيبة الشمس الحدودي
أبرق الكبريت لا زم يسهجنه =مركزك يالعبد بياع الجلودي
ما بغنه لازم إنهن ياصلنه =غصب والهافات عجلات الردودي
كل ما سكر طريق يفتحنه =يقطعن الطنب ويطيح العمودي
(؟؟؟؟) حملهن من سامهنه =وارد الهافات ما ينقص يزودي
عنترك بدروبهنه هملنه =أصبحن يالعبد عن حد النفودي
وكم صبي بالمساري زاد فنه =ما ينام الليل والعالم رقودي [/poem]



[align=center]طبعاً ابن ودمان بعد ماقراء هالقصيده رد عليها بقصيده ولم تكن اخر القصائد ولا المطاردات بينهم .. ولكن هذا اللي اعرف من القصايد اللي جرت بينهم وقال ابن ابن ودمان في رده على ناجي :-[/align]


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
مل قلب هيضه ناجي بفنه =شاعر قام ايتعلم للردودي
لو تغبا لازمن نظهر مغنه =عارفينه لو تذرى بالحيودي
وكل قولك عارفينه لو تكنه =مير ما نبغيك جعلك ما تعودي
والعلوم الخايبه مالك وهنه =والمرد الشين عندي ما يكودي
مير بعض الناس عندي له محنه =حشمة لشعيب خذها لك سنودي
والحنش لسود وأنا بأنصحك منه =لا تحسب إنه من العالم شرودي
ومن بغى التهريب هافه لا يحنه =والخطر قدمه على حد الحدودي
إن نوى الله فكته ما فيه منه =كل دربه لا مشى يصبح سهودي
أو يصاد اليا نوى ربي يعنه =ياخذون الهاف وعيونه شهودي
والعوض من عقبها يخشر بسنه =والنصيفه من حلاله للجنودي
مير وين أهل القلوب المرجهنه =كانكم توفون للقول العهودي
مروا الأبرق وهن بحمولهنه =عارضوا قدام بابه يالفهودي
خلوا العنتر يشوف أزوالهنه =والخطوط طوال والدرب امحمودي
وما حلا شوف البكم يرثع بشنه =في عفاش القاع مع جدع الطرودي
وما حلا صفق الفشق بجنوبهنه =و(؟؟؟) يعدهن عد النقودي
وكل هاف فيه جندي يقنه =والمهرب طايح ما فاد فودي
والسنافي في عهوده سمهنه =ياصل الحروات لو دون الحدودي
إضربوا درب الخطر والموت سنه =والفتى عمره على اللوح امعدودي
والذي يوعد ولا يوفي بهنه =ودك إن ايحط في صدره نهودي [/poem]



[align=center]

[align=center]اااخيرا : نقلت لكم هذا الموووضوع

لما فيه من الابيات الجميله والمغامرااات سابقا

ارجوا المعذره عن التقصير[/align]

وهذا لكم مني كالغلا


اخوووووكم


سرحان[/align]

بيض الله وجهك يالذيب
ماقصرت
يابعد حيي
والله
ما احلا زمان اول رغم الفقر ولكن يبقى الفقر هو فقر القلوب
الان
دمت برعليه الله

ياعلك للعافيه ياسرحان
الله يسعدك على هالمشاركه
الي تبيض الوجه
ماقصرت
يالسنافي

ماتهوووون والله
سرحان على هالمشاركه
الله الله
تهريب سجاير والحين خشخاش وغيره

مروا الأبـرق وهـن بحمولهنـهعارضوا قـدام بابـه يالفهـودي
خلوا العنتـر يشـوف أزوالهنـهوالخطوط طوال والدرب امحمودي
وما حلا شوف البكم يرثع بشنـهفي عفاش القاع مع جدع الطرودي
وما حلا صفق الفشق بجنوبهنـهو(؟؟؟) يعدهـن عـد النـقـودي
وكل هـاف فيـه جنـدي يقنـهوالمهرب طايح مـا فـاد فـودي
والسنافي فـي عهـوده سمهنـهياصل الحروات لو دون الحدودي
إضربوا درب الخطر والموت سنهوالفتى عمره على اللوح امعدودي
والذي يوعـد ولا يوفـي بهنـهودك إن ايحط في صدره نهـودي

سلمت لاهنت ياغالي سرحان
ماقصرت والله
ذيبان

ياعلك للعافيه سرحااااان
ذكرتني بالهافات
الله اكبررررررررر يوم انا اهرب غنم اول
ياما وياما ضحكت على الحدود
ياطردوني امشي ريوس والنور يشوفونه يقوولون
جا وقفو يوقفون وانا مريوس

سرحان

لا هنت يالذيب علي مجهودك الطيب

شكرا لك

[align=center]من قلبي وسراااجيفه


شاااااكر لكم مروركم الطيب والعذب


الله لا يحرمني توااااجدكم جميعا


لكم مني الغلا


اخوووكم


سرحان[/align]

نسيتو فرحااااان العبد راعي قفار الي حب القزوز وهو جمره حمرررر يوم يقمز العقم ؟؟؟؟؟؟؟

[align=center]الغالي

خااالد

هلاااابك اخووووي الله يعطيك العافيه

ولاهنت على تعليقك

واااسعدني توااااجدك العذب والكريم


لك الغلا


اخوووك

سرحان[/align]

ههههههههههههههههههههه خاااالد

يامالا القو يامالا العافيه ياسرحان ذيبان
ماقصرت على هالمشاركه

[align=center]الله يعااافيك

اخوووي الظلماوي

واااسعدني مرورك العذب والكريم


لك الغلا



اخوووك


سرحان[/align]