نخوا فهد الغسلان للزميل من شمر(فيها طرافه)

[align=center]

بسم الله الرحمن الرحيم



استافى فهد الحمد الغسلان راعي بقعاء قعود من واحد خلوي ولايدري وش يعمل به ببقعاء لانه لاينذبح


صغير ويبي الخلا والعشب فتواجه ابن غسلان مع زعل بن مقبل السلماني الشمري بالسوق وبينهم


معرفه سابقه وطرائف فقال ابن غسلان يازعل خل هالقعود عندك لين الربيع اللي يجي يرعى مع نياقك


قال ابشر باللي يحفظه00

نظر ابن غسلان لزعل بممازحه وقال يازعل ماهو لافات شهرين وزانت لحمته وذبحتوه وكليتوه وقلتوا ضاع


القعود؟؟ قال زعل لاوالله وشلون ناكله وانت ورانا يالشاعر والله يصير مر وغثه بكبودنا 00 وكان الخلوي راعيه


الاول واسمه بوسمهم ((الضبيعي)) فقام ووسمه فهد بالسهيلي وسم الزميل وهو ياخذه زعل معه00


وكان زعل حريصا عليه من بين حلاله ويوم اكمل شهرين وهو يضيع ((على كلام فهد )) وهم يدورونه


العفارى جماعة زعل بكل مكان دون فائده قال زعل جت على كلام ابن غسلان وانا مستحي منه لكن


رح يافلان لبقعاء واخبر فهد باللي صار00


جاء المرسول لفهد الغسلان العصر وهو بالظل واخبره فضحك فهد وقال دورتوه قال نعم قال وين قال في


مكان كذا وكذا00 قال فهد لا مادورتوا زين00 اعرف وشلون اخليكم تدورون000 فكتب قصيده ينخى على


قعوده وماخلاه على العفارى ولا السلمان وانما خلاه بالزميل بشكل عام00 وكان الشيخ درزي العردان


الله يرحمه بدوي هكالوقت قبل يسكن الحفير فقال فهد للمرسول اذا تجمعوا الجماعه بمجلس الشيخ


درزي اقر القصيده عليهم وفعلا فعل فكانت :[/align]


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

صديق الشفايا مايصير صديق=ولاظنتي من قال صديق صديق
عـسـى مـن لام فـي خـيـر الرفاقه=عليه الليالي المقبلات تويق
عشيري بأيام المقابيل نقوتي=زبونن خوى للمذهبين وثيق
رجلن لياشاف النشاما تلافى=يقود الذبيحه والحجاج طليق
ابوفهد ريف النشاما هل النظى=عريب الجدود وللمدوح حقيق
يوصل سلامي للمحبين كلهم=اهل المقم الازمل للصديق رفيق
اولاد الازمل يزملون المعادي=غدوا مثل باليوم الكبير طويق
سقى الله ديارن ربعوا به رفاقتي=من مزنتن له بالظلام شعيق
يسقي مفاليهم وتروى ديارهم=تسمع لشعبان الفلاة صليق
كل الرفاقه يهتنون بلذته=يرعون به خمس السنين خليق
دوروا قعودي ضاع ماله مدور=قعودي غدى للشامتين سريق
تكلته على وسم الزميلات الازمل=على السهيلي مايروح وسيق
ومن حدره المضباع ومبرم الكلى=اصفر شعل ماشيلوه يطيق
طويل الوبر جبر الظهر عندك الخبر=قصير الخطى لاقصى المراح سبيق
شوفوا قعودي ضاع ما له مدور=قعودي غدى للشامتين سريق؟؟
ولاتذخرون الطيب ياشمعة الصباء=ترى الطيب يبقى والعمار تسيق
واليا لفيتوا يانشاما على المهل=عسى الله يسهل للهجاف طريق
ودخيلكم عن كل ماجاء قعودي=لايلحق الحب الجراش دقيق
لا واهني يابا الهنا من غدى لكم=جار ولو يزعل عليه رفيق
وصلوا على سيد الخلايق محمد=ما لعلع القمري براس طبيق [/poem]




[align=center]
فثارت ثائرتهم من الحماس وهم يقومون ويجدعون غدافهم وشمغهم بالنار وتثور من المجلس عشرين


ذلول مردفه مداوير ويلقونه بحدود رفحاء ويزهبونه عيش (تمن) ويجيبونه لابن غسلان بظلال بيته وقعدوا

شهر عقبه وباقي المداوير مارجعوا ومادريوا ان خوياهم لقوه0 يعني تشتتوا بالجزيره كله من الحماس

عقب نخوا العود رحمه الله0000[/align]