ارجوك حاول بالهوى تعليمي
وشلون اقاوم خفرتن مغناجي
لك خبرتن تعلا على التقييمي
ضد العذارى لو تجيك افواجي
وانا اجهل التخطيط والتنظيمي
وهذا سبايب ضيقتي وازعاجي
خلت سبايك ضامري ترهيمي
من خفرتن توضي بلا مكياجي
ماشفت لجروح الهوى تطعيمي
لو هو خبيثن مثل طعم الزاجي
واقروا علي الكهف مع حاميمي
وآخر ثمان بسورة المعراجي
والا لحقني بالهوى تسميمي
ان طحت في سجنن بلا مخراجي
ماتحتاج تعليم يابوفهد انت دكتوراه بالهوى وحنا نتعلم منك..