لغز(تسعين تيس شلتهن)((حلته جودي وهي ضايعه بعد))

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الله عـلـى وقــت السـفايـف مـع الخــوص=يومن وانا غازي ويـوميـن قـنـاص
غـزيـت منـذر مع بـنـيـدر عـلـى العـوص=تسعين تيس وشلتهن شيلة الماص
من شافني منـذر كمـش كمشة الصوص=وبندر ورى القلعه غدى تقل رقاص
حلالهـم شلـتـه عـلى الجـمس مرصوص=ولو كنت داري جيتهم راكـبـن باص
ياويش بـنـت وطـيـبـهـا صـدق مفـحـوص=والناس لعـيونه شـفـوقـين وحراص
تـسـوى رجـال وقـدرهـا غـيـر مـنـقــوص=بحـضـورها يسكت لها كل مفـراص
لو جـت هـزيلـن مـوتـره صـار مـقـلـوص=يصير يـزمـر مـثـل مـروان بصـاص
حـتى انا فـعـلـي ضـحـى الكـون مبخـوص=تحـطـنـي فـي لعـبـة الهـنـد خـبـاص[/poem]


الله على هالقاف حسافته بهاللغز السهل اللي يبي ينقشونه

باول رميه ياملا الدقاق لغز00

صح لسانك فواز

رمعه اذا هي 400 بالبلوت ؟

مرحبن به فواز
ياخوي البنت مدري لكن لو قلت ولد
بقول الحظ
وارد

والله هاليومين ماني يم الألغاز

لكن رمعتي تقول : اللمبه ( الكبس حق الطلعات )

وانت وش تقول يالعشير برمعتي

اكيد من جنب القائم 00

اقتباس: المشاركة الأصلية كتبت بواسطة عشوق    والله هاليومين ماني يم الألغاز لكن رمعتي تقول : اللمبه ( الكبس حق الطلعات ) وانت وش تقول يالعشير برمعتي اكيد من جنب القائم 00

اجل وش انت يمه خخخخخ <<<<< وش دخلتس



ياشيخ فواز هو بالسياره ؟؟؟؟؟


والا يخص ناقتي

[align=center]أمممممممممممممم؟!!

ممكن تكون الكرامة أو الشهامة؟!!

هل هي محسوسة؟!

اقتباس: ياشيخ فواز هو بالسياره ؟؟؟؟؟

نفس السؤال بعد [/align]

اقتباس: المشاركة الأصلية كتبت بواسطة بقايا طلال    صح لسانك فواز رمعه اذا هي 400 بالبلوت ؟

هههه بقايا طلال شفت زين الاربعمائه لاصار اللي ضدك

غثيث وخليته كومة خوص00 تحياتي لك مالك لوا 000

اقتباس: المشاركة الأصلية كتبت بواسطة عشوق    والله هاليومين ماني يم الألغاز لكن رمعتي تقول : اللمبه ( الكبس حق الطلعات ) وانت وش تقول يالعشير برمعتي اكيد من جنب القائم 00

لاوالله ماهي من جنب القائم ياحليلك يالقائم الا بالمدرجات00

من يوم صارت البعارين تطير اللي بتوقيعك وانت ماش عاشق ومتخربط00

اقتباس: المشاركة الأصلية كتبت بواسطة مفحطه بناقه    اجل وش انت يمه خخخخخ <<<<< وش دخلتس ياشيخ فواز هو بالسياره ؟؟؟؟؟ والا يخص ناقتي

ناقتك عساه للافعى اللي تجيها بالمراح هي وخشته اللي

مثل ضحكة بندر الشرعان000 عاد ماصورتيها وهي مسكره افمه تقل جايزن لك

هالمبسم000

ياملا القراد اللي يجمع حمولته كلها معه 3000 قراد بوروكك

ماله دخل بالسياره ولا الناقه ولاعشوق00

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

سرى الليل والخافق غثيث الزمن حاشه=سـهـيـرن لعله يـشـعل الصبح فـانـوسه
اذا نام جـفـنــن جارح العـشق ماناشه=توالت على قـلـبه بلاويه وهـجـوسـه
يـراقب نجوم الليل والناس بفراشه=يراجي شـعـاع الفجـر يظهر سـنـى قـوسه
نجوم السماء كنه عن الفجر منحاشه=وتسمع لحن سجـع الـعـصافـيـر بغروسه
واخلي فراشي والـمـعـالـيـق مـنـداشه=واباعـد عن ربوع الشـمـاتات وجـلوسه
بصدري مثل طق الشواكيش بقراشه=او اللي تطق طـبـول الاحـباب بعروسه
واذا ضاق صدري ينبع القاف من جاشه=واراهن على عـدل القـوافي ومـنكوسه
اجنب هزيل القاف والسقط وقشاشه=واجيبه عن غـلـوط الشواعـير محـروسه
نقيته عن المنقود في طاش ماطاشه=ولااشـريه مثل اللي قـوافـيـه مـدسوسه
ولااسري على قاف العرب مثل خفاشه=سروقن لـمـثـمون الـقـوافي تقل سوسه
ولايستحي ينشر خزيزه على الشاشه=غدى الشعر بـيـعـة تاجرالخـوخ والكـوسه
بالاشعار عدي كبتن القاف والباشه=ولاهي من امـثـال الـرجـاجـيل مـبخـوسه
اذا شفت هـمـي بالحشى بان نتاشه=نـثـرت المـغـثـه جـوهـرن لاح بـطـروسـه
لعله يعلل خافـقن ثـار لـولاشه=هجوسه تخـلـي ضامري دايـمن حـوسه [/poem]

اقتباس: المشاركة الأصلية كتبت بواسطة نورالدنيا    [align=center]أمممممممممممممم؟!! ممكن تكون الكرامة أو الشهامة؟!! هل هي محسوسة؟! نفس السؤال بعد [/align]

نور الدنيا يازهرة بعد حيي وعطره ونوارته افهميني

انتي يمكن لو كنتي ولد كان تشتغلين سمكري سيارات لان كل لغز تنطلقين على

السيارات تقل حنيش وانا والله مااجيب بالسيارات بس عناد لك00

على طاري السيارات لي قصيده 45 بيت بوصف الجيب بس والله تهبل حيل وهذا

نموذج بسيط:

[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
الجيب روحه على المشوار مشفوحه=لاصار فـوقـه شجـاعـن مـثـل شولاحي
يـتـبـع طريقن عفاشن عازلن روحـه=والطـعـس ماجـاء عـلـى باله ولاراحي
سبعه خليجي جـديـد الـرقـم واللوحه=تصمـيم رجـلن فـهـيـمـن حاز الامـداحي
ماداج حـافـي بـنـار القـيـظ بسروحه=ونـار الـقـوايـل بـكـبــده تـقـل قـداحي
واليارجـع حـرمـتـه عـوبا ومكلوحه=صاحـت بوجـهـه وقـالت يامـلا الـماحي
من ديرتن صنـعـتـه بالطيب ممدوحه=ومن قبل يصدر خذى بالسير مـشـواحي
وقال المـهـندس حـقوق البيع ممنوحه=فوق البواخر يـشـم اصنـاف الارياحي
والشارقه تـنـتـظـر والسوق مفتوحه=وشاله شريـطـي يـدور فـيـه الارباحي
وجاه الذي يشتري والروح مفضوحه=في حب جيبن بـثـالـث غصب يـنزاحي
الجيب غـايـة هـواه وراس مصلوحه=يشــدا لـذيـبـن رقـى فـي راس لولاحي[/poem]

اقتباس: نور الدنيا يازهرة بعد حيي وعطره ونوارته افهميني انتي يمكن لو كنتي ولد كان تشتغلين سمكري سيارات لان كل لغز تنطلقين على السيارات تقل حنيش وانا والله مااجيب بالسيارات بس عناد لك00

[align=center]يابعد حيي يابو فهد وش أسوي؟!!

صار لي سنتين متخرجة وغازتن هالشهادة تقول اينشتاين

ويوم قدمت ابي وظيفة قالوا ماعندنا ألا كهربائي سيارات؟!!

ابو فهد وشلون تجي كهرباء وسيارات؟!!

عاد بعذري لو تعقدت[/align]

[align=center]اما اللغز الظاهر اني حليتوه وهو كالتالي

اما يكون (القناة)

أو البارود

هاه شرايك؟![/align]

اذكر الله يابوفهد ,,

اذا ماخاب ظني الدراااااهم ( الفلوس),,

اقتباس: المشاركة الأصلية كتبت بواسطة نورالدنيا    [align=center]يابعد حيي يابو فهد وش أسوي؟!! صار لي سنتين متخرجة وغازتن هالشهادة تقول اينشتاين ويوم قدمت ابي وظيفة قالوا ماعندنا ألا كهربائي سيارات؟!! ابو فهد وشلون تجي كهرباء وسيارات؟!! عاد بعذري لو تعقدت[/align] [align=center]اما اللغز الظاهر اني حليتوه وهو كالتالي اما يكون (القناة) أو البارود هاه شرايك؟![/align]

لا والله ماهي البارود ولاالقناة يانور لان القناة ماكل احد يهابها0

مثلا لاصار واحد مثلي شجاع وصنديد (خاص بالسوالف)غير وصوفه الباقيه اللي

وصلن 87 وصف ولقب لايمكن يهاب القناة الا اذا راعيها نغول ويضرب مع الكبد00

اقتباس: المشاركة الأصلية كتبت بواسطة دكتور صنهات    اذكر الله يابوفهد ,, اذا ماخاب ظني الدراااااهم ( الفلوس),,

مالك لوا يادكتور صنهات ياخي ريح البنج معك يفوح اكيد طالع من العياده الان00

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الــدراهـم والـفـلوس=عـنـدك انـته يالطبيب
هـن خـرابن للنـفوس=تودع الـواحـد يشيـب
يرفعن عـالـم وروس=ويسـتـعـز اللي تعـيب
دونهن تقـعـد تحـوس=دايمـن عـنـدك طـليـب
لين ماتقوى الجلوس=وحرمتك تصبح رقيب
سـيـفـها خنجر وموس=كـنـهـا داب الـقـلـيـب
دوس ياصـنهات دوس=قبل شـمـسك لاتغـيـب[/poem]

يعافيك فواز
بس عاد قربه شوي عشان نحاول