عنود القصيد نقضت الاتفاقيه لعيون سرحاااااان

اقتباس: المشاركة الأصلية كتبت بواسطة فواز الغسلان    [align=center] ماعليك زود وتوه يخثر الميدان يالربع00 ياشباب ابي واحد منكم يجيب تريب رضم عند المنتدى للهواش ويحتسب الاجر لوالديه00[/align]

ابو فهد

بما انك

راوي نجد

وسستاني شمر

والشاعر رقم وااااااحد

ان لم يكن على مستوى العالم فيكفيني على مستوى من قرأ ت لهم


المهم حصلت محاوره بيني وبين عواد

تجاوزنا خلالها حدود التاريخ وانا اعترف بأني البادئه

تابع

وان رئيتو حذفها لكم ذلك

لاان مقصدي ابلاغكم انني ممنوعه من محاورة عواد

ولكن لااجل سرحان ومنتدى بعد حيي لم نتقيد


مـوال

ليه يا وهج القوافي صرت مع ثلج القوافي=انت ياعواد بارد ليه تسكـن جـو دافـي

اختـلاف الاتفاقـي بأتفـاق الاختلافـي= وان بغيت الحق ماشال الحمول الا جملها

طاروق

بلـغـو عــواد صـالـح ياجمـاعـه=الجنازه في كفنها والضحيـه مـن قتلهـا

لـيـه يـاعـواد ضيـعـت الـوداعـه=ويـن قولـك كنهـا فـي بيـت اهلهـا


عواد

الموال
يا غشيمه وهج تعني باللغه مصدر اناره=يوم حط الثلج عنده لاجل تخفيض الحراره
ليه غبتي عن مكانك وانتي غيابك خساره=وان بغيت الحق ماشال الحمول الا جملها
الطاروق
بنت شمر مثل الاخت من الرضاعه=دام ماني لاابوها ولا فحلها
مشكلتنا هدة البنت الشجاعه=اعتقد ماكل مره نحتملها


غلا

لاتمنا يابن عمي في زمانك لاتمنا=انت في ماض الليالي صرت تابع للمهنا

ماحكم نجد العريضه بالبيارق غير حنا=وان بغيت الحق ماشال الحمول الا جملها


طاروق

القناعه كان في صدرك قناعه=والرجال الطامعه ربي فشلها

مشكلتك المقدره والاستطاعه=يرتكي له زملنا منت بجملها


عواد

من رجال البنت هذي ماعرفنا غير ضابط=لاسمع طاري سموه قام ضابطهم يخابط
عند بيبان الاميره ارتكب غلطه ورابط=وان بغيت الحق ماشال الحمول الا جملها


طاروق

ياكتاب الذل ماتسوى طباعه=اللواء المعروف ليته ماكحلها

فكرته تحقيق سمعه مع طماعه=اسم الاسره في كتاباته خذلها


غلا

مشيختنا ورث كابر وانت توك تستشيخي=لاتعير وانت ترجي مد شرهات البنيخي
عمي المعروف واثق مايهزه راي ذيخي=وان بغيت الحق ماشال الحمول الا جملها


طاروق

عايشين بعز وانته في مجاعه=كان تنكر جب دليلك ثم قلها

شيخ شمر وانت ملزم باتباعه=الطمان ديار مثلك لانزلها

عواد

لعنبوها توي ادري للدروس ملقنينه=مستشار القوم اظنه عن يساره او يمينه
كتبكم كله خساره مثل حضرت كاتبينه=وان بغيت الحق ماشال الحمول الا جملها

طاروق


دام الاسره مابها عرق القطاعه=توي ادري بالعريق اللي دخلها

ياهل الدكان مانبغى بضاعه=؟؟؟؟؟؟؟؟؟ مسحته ؟؟؟؟؟؟؟؟؟


---------- منتدانا الغالي

لو لم اجد الا بيتين ارسلهما عواد لدعوتي لاكفتني

[poem=font="Simplified Arabic,6,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صباح الشعر يااعجب عجيبه وآخر شاعره=مع احترامي للبنات اقول وضعك مختلف

لك موهبه لك تجربه بين الدروب الواعره=اجتيازك عن جداره حلفيني واحلف[/poem]