√••!¦[] مـجلــ بعدحيّـي ـــة []¦!••√ ...

بقلم :خيانه


سعوديين يقتلون فيروس البطاله بالعمل بـ محطات البنزين

من الامور الغريبة في حياتنا اليومية نصادف بعض من الامور الغريبة الذي لا تدخل العقل !

منها اليوم عصرآ وقفت عند أحد المحطات لـ تعبئة البانزين كـ اي سعودي فتحت الدريشة وقلت

صديق عبي عشرين ريال قد تكون هــذه العادة التي ذكرتها في جميع السعودين

وصل شخص من ورى السيارة قال اي صديق الله يسامحك !

تعجبت من كلمة الاخ قلت له وش تقول ..؟

قال ياخوك لا تحطموونا بكلمة صديق انا يمكن معي شهادة اعلى منك لكن مسئلة اني اشتغل بمحطة مهي عيب !


قلت ونعم فيك يا الغالي !

ذبحني الفضول بكل صراحة قلت لة الاخ سعودي ..؟

قالي وبكل فخر واعتزاز بالنفس اي نعم سعودي وافتخر وافتخر زيادة اني اشتغل عامل في محطة لبيع المحروقات !

قلت لة بكل صراحة ( ما اصدق )

وهو رد علي في كل اعتزاز بالنفس !

ليش ماتصدق انا شاب سعودي ومن عائلة وقبيلة لها وزنها وتقديرها في منطقة حائل !
ولكن عزة نفسي ومسئلة اني أطلب من ابوي ولا امي ولا أحد اخواني فلوس هذي اعتقد انها حقارة مني كـ رجل !

سئلة ماهي مؤهلاتك !
اعتقد انة قالها بكل حسرة قال كلية التقنية محاسبة في معدل جيد جدآ و اضافة الى دبلوم انقليزي سنتين من احد المعاهد !

اعتقد لو انتم مكاني قــد تشكوون في عقلية او امر هذا الرجل !

لكن قال بكل فخر ..؟

انا معي الشهادات هاذي وربي ماكتب لي الرزق في وضيفة حكومية ليش أكون شخص بلا طموح واطلب من والدي !

انا المفروض اعطي ابوي مو هو يعطيني !

وسئلته انا لكن تشتغل بمحطة مو تحس انها قوية قدام الناس .؟

قالي يا بعدي الناس مهي نافعتني بشي وخلهم يقلون الي يبون اهم ماعلي نفسي واني اكون راضي ..؟

بصراحة أعجبني الشاب هذا وأعجبني شموخة وكبريائة في الكلام وانهـ يفتخر في وضيفتة الحالية !

المحطة هذي لـ الذي يريد يتأكد من كلامي هي بشارع الوسيطاء من عند اشارة مكافحة المخدرات !

اسم المحطة كنده يوجد بها شاب سعودي كسر كل القيووود ولم يهتم بكلام المجتمع المحيط حولة !


تعليق بسيط !

ما أجمل الشخص الواثق من نفسة ولم تهون علية عزة نفسه من طلب المال من احد من أخوانة وهو رجل يعتمد عليه الله يوفقة ويسهل امره ويرزقة ..؟


رسالة لـ الاشخاص الي مايبون الا مكاتب ولا مايبي الوظيفة

تقدرون تكونو زي هذا الشاب بيوم من الايام !