مدامك مو معي كلك ،فطيفك ماااايكفيني

مدخـــــــل .. }
//..!
وٍيْنّكٍ يَآّإدِفَآّإٍ {سْنِيْنِيْ ،،
وٍيٍنٍكٍ!}..




,


بسيطه خلها لله / ولا تفكر ابد فيني.. !!
أنا اصلا" قبل لا اعرفك و أنا اعيش بجراحاتي ..

زماني من قبل عِـرفك و هو حزنه مخاويني..!!
وقبل تمسح دموعي انت!! وهو يضحك لدمعاتي ..

كأني طفل به عبره و هو دايم يبكيني..
واكف الدمع وآكابر وأخفي جرح مأسأتي ..

بسيطه / روح لاتسأل ابد عني و لا ويني.. ؟
مسافر / مبتعد/ راحل/ ولا تتبع مسافاتي ..

شمالي لا _ لا و الله قبل كانت عناويني..!!
( شماليه ) / وبعد الحين فأنا وين اتجاهاتي ..

مـسافر داخل حدودك و طعناتك تغنّيني..
مواويل / وفرح / وأحزان/و طالت بك مساحاتي ..

مقفي عـنك لا و الله / مسافـر فيك من حيني..
مقفي فيك إي والله وتذبحني الـتفاتاتي ..

بسيطه / اصصصص/ لاتهمس بحاجه تقتل سنيني..
بسيطه / اصصصص/ لاتحكي وترسم لي نهاياتي ..

فديت عيونك الشهلا / توكل / روح / خليني..
اذا ترتاح صدقني تخفف من معاناتي ..

عطش هالغيم ماظنه بعد ماروح يرويني..!!
و لا حاجه اذا رحنا تحاول في مواساتي ..

بسيطه / شوفني جالس اطقق اصبع ايديني..
وافركّ حب مسباحي واجامل بابتساماتي ..

وادوبح في خيالات وقصيد ما يسليني..
و اخيط الغيم و الدمعه اضمنها فأبياتي ..

ظلمت القمح في بعدك تكسر في مضاميني..
ودارت هالرحى فوقه حزينه ترثي اشتاتي ..

فقير الوصل و أوطاني بها ضجة مساكيني..
و لا قلبك رحم فقري و لا تنفع اعاناتي ..!!

عرايا روح / جوعا عشق / يتامى ( يابعد عيني )..
و اعيش العمر واياهم على الباقي من فتاتي ..

أنا صدري وطن!! لكن وطنْ والعمر ناسيني..
متى ترجع على بلادك وتحضن باقي رفاتي..؟؟

سلام الله على ورد ٍ غرسته في بساتيني..
باروح اليوم وارجع لك معا فائق تحياتي ..

مدامك مو معي كلك / فطيفك ما يكفيني..!!
و اشوف البعد ارحم لي مدامك حي في ذاتي ..

و( اذا ارعبك المطر ليله) جفافك موت سنيني..
واذا شفت الغلا غلطه / ( أنا راحل بغلطاتي )..

،

،

،




مخــــــررجَ ... }
سألت الله لا يفضحنا اذا خـــآآن الزمن مره
وخانتنا ملامح ـنـــــآآ