قصيدة شاعر يرثي نفسه قبل الموت بيومين

هذه القصيده للمقدم/ نمر بن منور السحيمي الحربي يرحمه الله شاعر معروف من


أهل المدينة المنورة رأى رؤيا وعرف أن الموت قادم إليه فكتب هذه القصيدة يرثي


نفسه بها وتوفي بعدها بيومين في حادث مروري وبعد وفاته وجدوها في درج مكتبة .




جاني وانا في وسط ربعـي وناسـي = جاني نشلني مثل ما ينشـل النـاس

منـي نشـل روح تشيـل المآسـي = تشكي من ايام الشقى تشكي اليـاس

اثر الالم في سكره المـوت قاسـي = ما هالني مثله وانا انسان حسـاس

جابوا كفن ابيض مقاسـه مقاسـي = ولفوا به الجسم المحنط مع الـراس

وشالوني اربع بالنعـش ومتواسـي = عليه ومغطى على جسمـي البـاس

وصلوا علي وكلهـم فـي مآسـي = ربعي ومعهم ناس من كل الاجنـاس

يا كيف سـوا عقبنـا تـاج راسـي = وامي الحبيبه وش سوى بها اليـاس

اسمع صدى صوت يهـز الرواسـي = قولوا لها لا تلطم الخـد يـا نـاس

قولوا لها حـق وتجرعـت كاسـي = لا تحترق كل يبـي يجـرع الكـاس

اصبحت في قبري ولابـه مواسـي = واسمع قريع نعولهم يـوم تنـداس

من يوم قفوا حـل موثـق لباسـي = وعلى رد الروح صـوت بالاجـراس

هيكل غريب وقـال ليـه التناسـي = صوته رهيب وخلفه اثنيـن حـراس

وقف وقال ان كنـت يانمـر ناسـي = هذي هي اعمالـك تقـدم بكـراس

ومن هول ما شفته وقف شعر راسي = وانهارت اعصابـي ولاارد الانفـاس

ياليتنـي فكـرت قبـل انغمـاسـي = بالغفلـه اللـي منتهاهـا للافـلاس

وفزيت من نومي على صوت ناسي = واصرخ واقول الموت وأحذر النـاس


تأثرت في هذي القصيدة وتم نقلها لكم

رحمه الله امين
شاكرك تركي
بارك فيك
نقل مبارك

اقتباس: وقف وقال ان كنـت يانمـر ناسـي = هذي هي اعمالـك تقـدم بكـراس ومن هول ما شفته وقف شعر راسي = وانهارت اعصابـي ولاارد الانفـاس ياليتنـي فكـرت قبـل انغمـاسـي = بالغفلـه اللـي منتهاهـا للافـلاس وفزيت من نومي على صوت ناسي = واصرخ واقول الموت وأحذر النـاس

نقل اكثر من رائع

جزيل الشكر لك

تركي الحربي

(
)

صح لسان قائلها

قصيده رائعه

وسلم بنانك على النقل الرائع

اشكرك تركي على نقلك زي ماعجبتك اعججبتني
اسعدك الله
امين

تركي الحربي

يسعدك ربي على هالقصيده ..
سلمت يداك من كل شر رائعنا ..
لك احترامي ..


تقبل مروري ..
بقايا حلم ..

[align=center]الغالي // تركي الحربي

لاهنت على نقلك وعطاااااءك الطيب

ورحمة الله علييييييه والله يسكنه فسيح جناااته ان شاء الله


لك الغلا [/align]