امكنوا مزيون بعد حيي راح وطي

الحقيقه انه حصلت معركه بسيطه عندي بالبيت

وانا اسميها معركه مجازا لانها هي كانت هجوم من طرف واحد وكان هجوم مفاجئ وفيه نوع

من الغدر من ام فهد وكانت متسلحه بالصاج وبعض الملاعق الكبار اللي نسميهن مخاشيق

في حين اني كنت اعزل مامعي اي سلاح للدفاع عن النفس ولذلك حدثت اضرار جانبيه

لكنها سطحيه لانها مااستعملت الصاج بالهجوم وكانت تبيه في الاخير لكن تدخل العيال

بالوقت المناسب وسيطروا على الوضع بمساعدة فرقة مكافحة الشغب وهي قاذفة الصواريخ

حماتي اللي ماجاني منها شي ماغير بقس مع شاكلتي مع شوتة بوز مع العصعص 0

بالبدايه كنت احاول اقنع ام فهد علشان احيلها للتقاعد براتب كامل علشان اتمتع بشبابي

الزيزفوني فقلت لها:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
ويــش رايك يالـعـزيـزه بـالـتـقـاعـد=ويـحـصل عندك على المطبخ مساعد
لاجل ترتاحين عن غسل الجواعد=وتـبـسطين الـخــمس في رز ودجاجي[/poem]

قالت ام فهد لانها تقضم الشعر:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
يا كـريـه الـهـرج لا تـدفـق صبـوحـي=شـف شبابـي صـار للـعـالـم ذبوحي
تر بنات الوقت ماهن مثل روحي=وش يجيب الغيث مع شين العجاجي[/poem]

قلت انا لام فهد:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
اتركي من جاك وسط الناس مادح=الـبـلاء ماشاف بـك كـبـر الصنادح
وان زعلتي شفت زند الضغط قادح=وقلتي اسرع هات لي كيس العلاجي[/poem]

قالت ام فهد(وبدى الجو يتوتر شوي):

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
وش نـفـع نـذخـك قـبال ام المغاشي=تبترم عند العذارى تـقـل حاشي
وانت لو تقعد سنه وسط القراشي=ناقصك بـسـتـم وكـرتـيل وبواجي[/poem]

قلت انا(وماانتبهت انها قعدت تتناول الصاج شوي شوي):

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
دامـنـي مزيــون مـثـل الـبـدر شـارق=ومن يشوفن قال هذا الشخص خارق
ومن يشوفك قال تقل عيون سارق=زوجـــهـــا وشـلـــون مـايـطــري زواجــي[/poem]

قالت ام فهد يوم تمكنت من الصاج وانا منسدح على ظهري اعانده وغافل ولا ادري

باللي يدور عند راسي:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
شهرتك ترفع بوسط الناس سوقك=مادروا عـن شين مـنـطـوقـك وذوقك
انــثــبــر والا يـطـيـح السقف فوقك=وانت تذكر لا مسكت اطراف صاجي[/poem]

قلت انا من القراده لاني مااحسب الصاج قريب عندنا بالحوش واثاريها سوت لي

رغفان الصبح برا وخلته ماهو بعيد وانا يوم الله اراد الحق وانا اقول:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
اسكتي شوفي جـنوبك تـقـل قربه=والا انا اصلح بالملاعب راس حربه
ودي آخذ لي من الخفرات طربه=هـي هـوى بـالـي وهـي راحـة مزاجي[/poem]

علمي بروحي يوم انطق كلمة مزاجي يمار ماادري انا بليل والا بنهار يالربع0

اثاريها رنعتن بالصاج بعرضه على مقرن الكتوف من العلباء وتوسط توسط مني وغديت

اوجس الدنيا تقادح بعيوني الله لايبلى 0 مع اني ذقته قبل عدة مرات لكنه هالمره غير

والله اني احسب السقف وقع علي اوجس نفسي طار مني وقمت اشاهق تقل صخل يذبح

والمصيبه اني تشنجت بمكاني عجزت اهرب لدروب الوساع تقل جاني شلل0 اثاريها مغله علي

وتطحن غيظ وتكتم لين انفجرت يمار انفجارت الشر والشرير لما دقت كتوفي دق حيه وانا

ماغير ارافش بمكاني واتلقط النفس ابي الهواء 0 كيف وحنا بالحوش تقل قضى الاكسجين لين

قمت احس اني مغموت بفروه اعوذ بالله 00

واشوا جو العيال اثاريهم سمعوا حس رنع الصاج بعلباي وحس شهاقي من الموت الحمر وهم يمسكونه

ويفكونن منها ويرشقون وجهي بالماء لين صحيت وانا اراعي لها يمار تهوش ومنتفخه مابرد شره 00

والله وانا اتهيض بلي بويتاتن وهن اقل من حقه واقول:

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4," type=2 line=0 align=center use=ex num="0,black""]
ليت ربي يـخـلـي القاع من نصف الحريم=وصفهن في مـحـكم الذكر بآيات الفلق
لو تـحـطـه فـي وناسات جـنـات النعيم=تـجـدعـك في ساعة الضيق بـهـموم وقلق
كيف نامن بالافاعي تحت كوم الهشيم=ومن ينوشه ناب الافعى على طول اعتلق
صاجها الملعون جاهز ويطعن بالصميم=وهو جزاء من شال قشه على حشو الزلق
ان طردته وش تسوي مع الطفل الفطيم=واحـدن يـبــي الـرضـاعــه وهـذاك انـفـلق
وان بغيت الضرب عيبن على الرجل الكريم=وان تركته تسهر الليل من نبح السلق
تـخـدعك في ريـح الاطياب لا هب النسيم=وزين مجدولن على الـمتن بالعطر اندلق
قبل تـسـفـيـرك شروره على خـط الـقـصـيـم=ولا تراعي عـشـرة الطيب لا واللي خلق
لا دخلت البيت جايع تبي قلبن رحيم=جت تقل داب(ن)خبيث(ن)من الظلع انصلق
لـيـتـهـن قــدام بـارود مـع خـبــلــن عـديــم=وكل وحــده طـلــعــة الشمس يرجـفـها طلق[/poem]

ههههههههههههه ... والله .. لأعلم ... <<تم حفظ الصفحه بالجهاااز ...

هههههههه أعلم يعني أعلم ... وأتشوف .. يابو فهد .. أن ماوصلت هالعلوم هههه ..

أبو فهد ..

صح ألسااانك يالغاااالي ... ووسع الله صدرك ...

لاهنت .. أمتعتنا ... بما أفضت ...

وليت كل يوم تحصلك رنعه ههههه عشااان تهيض ^_^

إحترامي .. لك ...

ياراوية الجبل ...

ودمت بحفظ الرحمن ...

اقتباس: المشاركة الأصلية كتبت بواسطة أبو خلود الحسين    ههههههههههههه ... والله .. لأعلم ... <<تم حفظ الصفحه بالجهاااز ... هههههههه أعلم يعني أعلم ... وأتشوف .. يابو فهد .. أن ماوصلت هالعلوم هههه .. أبو فهد .. صح ألسااانك يالغاااالي ... ووسع الله صدرك ... لاهنت .. أمتعتنا ... بما أفضت ... وليت كل يوم تحصلك رنعه ههههه عشااان تهيض ^_^ إحترامي .. لك ... ياراوية الجبل ... ودمت بحفظ الرحمن ...

ياويلك ان علمت تراي اهجاك يابوخلود00

خل ظلعك معي يالغالي

هههههههههههههه
ربنا يعينك على حماتك
ويجيب لك غيرها

ههههههههههه
فرقة الانقاذ جو متاخرين
بس ترى عقب الصاج غلبتها با الابيات صح لسانك >>> لاتدري بي ام فهد اخاف تصقعن با الصاج مثلك

عاد مشكله ما اعرف اكتب ابيات مثلك


... فواز ...
الله يونسك با العافيه ... الله يسعدك

ههههههههههههههههههههههههه
الله يعينك يابو فهد من صقعت الصاج الله لا يبلانا ههه..

ونستنا والله لا يحرمك من السعاده يالغالي ..

ههههههههه
الراوي ماتوقعت حماتك تسوي فيك كذا ابد
ههههههههههه
يعافيك ربي

وش نفع نذخك قبال ام المغاشي
تبترم عند العذارى تقـل حاشـي
وانت لو تقعد سنه وسط القراشي
ناقصك بستم وكرتيـل وبواجـي

ام فهد جابت خبرك
هههههههههههههههههههههه
مشكور يالعزوه ابو فهد

اقتباس: المشاركة الأصلية كتبت بواسطة بنت الاجاويد    هههههههههههههه ربنا يعينك على حماتك ويجيب لك غيرها

علشان تعرفون كثر معاناتي بالحياة00

لاانشالله تكفي هي بس 00

بب بيييييب

وخروا الطريق ..

المسعفة هيودي وصلت - بس أخر وحده

لا لا لا

كلووو ولا مزيون بعد حيي ..

خلاص قررت ..

أرفع دعوة ضد أم فهد وأمها ..

حرام عليهم يحطموا شبابك الزيزفوني ..

ما نرضاها عليك .

<<<< شكلها بدوق طعم الصاج والملاعق

اقتباس: المشاركة الأصلية كتبت بواسطة انوار الشمال    ههههههههههه فرقة الانقاذ جو متاخرين بس ترى عقب الصاج غلبتها با الابيات صح لسانك >>> لاتدري بي ام فهد اخاف تصقعن با الصاج مثلك عاد مشكله ما اعرف اكتب ابيات مثلك ... فواز ... الله يونسك با العافيه ... الله يسعدك

اي والله جو بعد ماطاحت الفاس بالراس لكن احسن من

لو ماجو ابد كان ماندري وش يصير 00

احسن من لو ماجو ,,,, وشلون ركبت معي هذي ؟؟؟ والله انها صعبه

شرط يعجز منذر وهايدي يقولونها 00 بزعمي ماهي عربيه هالجمله0

تحياتي انوار يالعزوه

اقتباس: المشاركة الأصلية كتبت بواسطة فاقد طلال    ههههههههههههههههههههههههه الله يعينك يابو فهد من صقعت الصاج الله لا يبلانا ههه.. ونستنا والله لا يحرمك من السعاده يالغالي ..

هلا وغلا ومشكور فاقد طلال 00

على فكره وشو هالشهر اللي تباركون فيه وتقولون صار قريب؟

ترونا في ولاية بقعافونيا جنب كاليفورنيا مادرينا بشي يالربع00

علمونا كان فيه توزيع خراجي او دراهم ماهو بس تزرطون وحنا ماندري

اقتباس: المشاركة الأصلية كتبت بواسطة سحابة شمر    ههههههههه الراوي ماتوقعت حماتك تسوي فيك كذا ابد ههههههههههه يعافيك ربي

لا يجي منكن اكثر يالحريم 0

خاصة لا لقيتوا اللي قلبه حنون مثلي ماترحمونه0

تحياتي00

اقتباس: المشاركة الأصلية كتبت بواسطة جبلاوي    وش نفع نذخك قبال ام المغاشي تبترم عند العذارى تقـل حاشـي وانت لو تقعد سنه وسط القراشي ناقصك بستم وكرتيـل وبواجـي ام فهد جابت خبرك هههههههههههههههههههههه مشكور يالعزوه ابو فهد

هلا جبلاوي وصحيح كشفت اوراقي ام فهد

لانها ابخص من غيرها بالاسرار الداخليه00

تحياتي لك

اقتباس: المشاركة الأصلية كتبت بواسطة هـــايـــدي    بب بيييييب وخروا الطريق .. المسعفة هيودي وصلت - بس أخر وحده لا لا لا كلووو ولا مزيون بعد حيي .. خلاص قررت .. أرفع دعوة ضد أم فهد وأمها .. حرام عليهم يحطموا شبابك الزيزفوني .. ما نرضاها عليك . <<<< شكلها بدوق طعم الصاج والملاعق

انتبهي ياهايدي لاتسرعين واجد على الاسعاف

لايجيك بدوي على جيب حوض ومعه عشرين عنز ويكمخك على الرصيف

تريه متطلم ومايسمع صوت الونان 000

الونان؟؟؟ ياهي قديمه كتير كتير 000