عدنا
المهم جاني أحد الطلاب وقال تعال معي
رحت معه ( ما أدري وش السالفه )
المهم جينا عند الطالب الهادئ ( المسكين في حاله .. ما يدري وش نبي )
قام خويي يستهبل عليه .. كل شوي يجيب سالفه ونضحك ( يبي يخليه يصير زينا .. فوضوي )
والطالب ما عطانا وجه ( ولا همه )
المهم خوينا ما ارتاح .. راح وجاب منديل
قام ومسكني وجاء عند الطالب الهادئ وقاله سلم
سلم عليّ .. وقام خوينا وجاب المنديل وحطه على ايدينا( متأثر بالمسلسلات المصرية )
وقام يقرأ الفاتحة .. وبعد ما خلص قام يقول للعيال باركوا للعرسان
وشف الاستهبال والتعليقات الخ ..
المهم .. لهينا في الفصل ونسينا الموضوع
والا شوي ويجئ الوكيل .. ويناديني أنا وخويي
ونروح معه عند المدير ( ما ندري وش الموضوع )
ويوم جينا عند المدير ونشوف الطالب الي استهبلنا عليه عند المدير
عرفنا الموضوع .. قلت لخويي جحيد ولا سوينا شيء
قام يسألنا المدير والوكيل وفيه بعض المدرسين ( واحنا جحيد )
فيه كان مدرس توه جديد .. مدرس قرآن .. درى بالسالفة
وقال ما يبيلها كلام .. اتصلوا بالهيئة ( وتجينا أم الركب )
قلت لخويي الموضوع شكله جد .. ما هو لعب
قال .. وش الدبره .. قلت جحيد ولا يهمك
الحين صارلنا حصتين مع الفسحه عند المدير
قاعد المدير والوكيل يتشاورون
المهم .. جاء مدرس فلسطيني ( الله يذكره بالخير )
وشافني واقف عند باب المدير .. وسألني وشفيك
قلتله الموضوع .. قام ودخل عند المدير .. ويمدحني .. ما يسويها .. هذا أحسن طالب عندي ( مغشوش فيني )
المهم شوي ويناديني الوكيل .. واسمع المدرس الفلسطيني يقول للمدير .. الحين بأساله قدامك .. وما راح يكذب عليّ
ويعطيني كلمتين مدح وسالني ( واخر بكل شيء )
وأوهق خويي .. وطقوني طق .. ويعلمون أبوي .. وطقني طق
ويومين أدوام عند باب المدير من صبح الله إلى الظهرية .. وأنواع الذب والتنكيت من الطلاب
وطحت في نظر المدرسين .. والسبب خويي الخبل
بس الحمد لله إنها كانت آخر سنة
وعدت السالفة على خير .. ومن يومها ما لي دخل في أحد
وأخيراً .. اتمنى تعجبكم القصة .. وآسف على الإطالة
واشكر هايدي مرة ثانية على إتاحة الفرصة
|
العضو الأكثر نشاطاً هذا اليوم 
العرض الشجري
